منتديات تو زوو - هل هذه فطريات؟

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - هل هذه فطريات؟ (http://www.2zoo.com/vb/showthread.php?t=335645)

هل هذه فطريات؟

اليوم وانا امشط شعر بستي لقيت قشور بيضاء مع شعر متساقط بس لما امشط منطقه معينه مو كل جسمها
وفي مكان القشر زي الفراغ بس مو وااااااااااااضح ابدا يعني لما امسك شعرها وادور القيها

اوديها للدكتور ولا ايش اسوي :((((؟؟؟؟ قولولي الخطوات بالزبط لاني لسا دوبي مبتدئه !

هادي صوره للمشط اللي فيلو شعرها

http://animalslovers.com/upload/uplo...5182214881.jpg

رد: هل هذه فطريات؟

هل لون منطقة تساقط الشعر أحمر

ادا كانت كدلك فهي فطريات

رد: هل هذه فطريات؟

اقتباس:

المشاركة الأصلية كتبت بواسطة prinsisca (المشاركة 3053972)

هل لون منطقة تساقط الشعر أحمر

ادا كانت كدلك فهي فطريات

لا مو احمر بس في تساقط في مكان واحد مع قشر ! مررا شكرا على الرد يارب يفتح عليك دنيا واخره

رد: هل هذه فطريات؟

صوري المنطقة اللي يتساقط منها الشعر
وطبيعي ينزل شعر لما تمشطي وانا شايفة انه كميه قليله جدا
لو مافي فراغ والجلد مش باين معناته مافي فطريات

رد: هل هذه فطريات؟

اقتباس:

المشاركة الأصلية كتبت بواسطة بسبس مياو (المشاركة 3054078)

المنطقه اللي بينزل فيها شعر مو واضح الفراغ مرا الا لما ادورو كدا بيدي ومااعرف امكن بداية الفطريات؟ والمنطقه عادي لون جلدها مو احمر ولا شي بس مرا خايفه متعللللقه فيها واهلي مايرحمون احد ):

رد: هل هذه فطريات؟

لاتخافي حتى لو فطريات :)
الفطريات مرره بسيطة وتتعالج في ايام
شوفي حاليا الصيف بلش يجي يعني لو تحلقين شعرها ممتاز منه تخففي عنها الحر وكمان لو في اي فطريات
راح تبين معاكي...الفطريات تكون على شكل بقعة واضحة مافيها شعر ولونها محمر شوي وتحك المكان على طول
جيبي بيتادين تعرفيه اكيد من الصيدليه البشرية وبقطنة امسحي الجلد اللي شاكة فيه وبس
ولو فطريات حتروح على طول ..بس امسكيها شوي لحد ماينشف علشان ماتلحسه
كلنا قططنا جاتها فطريات ومافي اسهل من علاجها بس خفنا في البداية زيك كذا :)
واهلك ضروري تخليهم يحبوها ويتعودوا عليها
انا امي ماكانت تحب اول قطة جبتها كان عمرها شهرين وتخاف منها وتبغاني اتخلص منها بأي طريقة
ويبغوني اخليها في غرفتي ماتطلع...بس اللي صار اني تركتها تسرح وتمرح في البيت وتتقرب منهم
لحد ماحبوها غصب عنهم مع العشرة تصير واحد من العائلة والحين هي واولادها الخمسة من اهل البيت
وامي تعشقهم بس تجيها ساعات تكره وجودهم بسبب الشعر لاغير
حاولي تعوديهم عليها

رد: هل هذه فطريات؟

هذي قشرة عادية

جيبي شامبو فافو وسبحيها فيه وجففيها كويس ووشمسيها عقب

رد: هل هذه فطريات؟

اقتباس:

المشاركة الأصلية كتبت بواسطة بسبس مياو (المشاركة 3054325)

يااهلين شكككرا مرا مرا على ردك, الله يسعدك ويسهلك كل شي اليوم وانا اعرض بستي للشمس ولان نور الشمس واضح لقيت القسور سارت لونها بيح وفي قشور غامقه وفي كدا حاجه سوداء وادور كويس لقيت الجلد مايل للوردي مع انو مافي فراغ مررا كتير خليتها في الشمس 20 دقيقه بعدين نزلتها وحطيت لها دواء سمعت عنو في دا المنتدى اسمو "غسول للفم بيتادين" قد حطيتو لما كتبت الموضوع للاحاطه انو لو فيها يروح حتى لو من بدايتو روحت قصيت شعرها من محل القشره عشان اشوف كويس وحطيت الغسول بيتادين مخفف بمويا ياهي خمشتني تخميش :(
وايوا شوفت شعرها الباقي سار رطب من الدواء وخوفت من الرطوبه واخدت الاستشوار وجففت اللي حوالي الدوا مدري غلط ولا لا :(
و حاستنى بعدالمغرب بحاول اجيب شامبو فافو بدون اهلي يعرفون انو لها .. مرا مرا خايفه انو بنتشر ويصعب عليا علاجو وهل اقدر استخدم زيت القطران سمعت عنو انو يقتل الفطريات ... وكيف اشيل القشور نفسها؟ وشكررررا مممرا!

رد: هل هذه فطريات؟

اقتباس:

واهلك ضروري تخليهم يحبوها ويتعودوا عليها
انا امي ماكانت تحب اول قطة جبتها كان عمرها شهرين وتخاف منها وتبغاني اتخلص منها بأي طريقة
ويبغوني اخليها في غرفتي ماتطلع...بس اللي صار اني تركتها تسرح وتمرح في البيت وتتقرب منهم
لحد ماحبوها غصب عنهم مع العشرة تصير واحد من العائلة والحين هي واولادها الخمسة من اهل البيت
وامي تعشقهم بس تجيها ساعات تكره وجودهم بسبب الشعر لاغير
حاولي تعوديهم عليها

ماما ماخدا فكرا سيئه عنها انها وسخه وتتطلع ريحه لانو بابا جاب ليا دا الشهر رمل مايسد الريحه فلما تعملها الله يكرمك تتطلع الريحه انا ماعندي مانع بوقتها انظفو بس مرا دخلت وهيا دوبها خارجه من الليتر بوكس وقالت افتحي الشباك ومن وقتها تقول حطي الليتر بوكس في الحوش وبعدين شويا قالت حطيها هيا بالحوش وانا عصبت وبكيت وقلت والله محاتكون في غرفتي هيا من اسمها قطه منزليه تعيش معانا مع انو اخويا اللي عمرو 5 سنين يموت فيها واختي وبابا يحوبها بس لما تجي ماما يغير رأييو بس ماهمني بصراحه اهم شي تكون معايا مو لازم يحوبها لانو انا شريتها وانا ادفع تكاليف اكلها + وتطعيمات وكل شي مالهم حق يحرموني منها ولو سار وعرفو انو فيها فطريات مااعرف ايش حيسير لانها معديه وماما مايهمها لو اني احوبها ومااقدر استغنى عنها وهي سعادتي وكذا مرا تقول راح تبيعو لما يبلغ "هوا ذكر" وانا افكر جديا بالاخصاء بس لما استخير وارتاح نفسيا بالفكره لانو لساتو صغير "عمرو 4 شهور" وعلى فكره دايما اخليها تخرج وتتمشى بالبيت بس لما تجي ماما تقول دخليها غرفتك وتشوفني اللعب معاها وتتطل تقول انتي ناقصه حنان حزوجك ._. مااعرف ايش دخل المهم اختي الكبيره مرا مرا تخاف من البساس واتوقع دا اللي يخلي ماما تكرهها لانو ممرا اختي الكبيره وماما زي الصاحبات , المشكله انها هيا مرا اليفه لعوبه وتتدخل مع الناس ولا تستنكر احد وكدا مرا سافرت واخدتها معايا ماتتغير نفسيتها ولا شي ومن النوع اللي يقرب من الواحد بس اهلي مايفهمون ! اسفه طولت كلام بس مرا مرا خايفه يسير شي لها محااسمح نفسي ابداا وانا مستغربه انو مرا بهتم فيها والشمس اخرجها ازا مرا مافضيت مرا بالاسبوع والرطوبه اول مااشوفها استشور شعرها بس اتوقع انو الغبار لانو قبل الاسبوع الجو مغبر عندنا فمني عارفه ايش السبب بالزبط! وشكرا مرا حبيبتي بدعيلك بكل صلاه يارب لايحرمك من شي تحبينو <3

رد: هل هذه فطريات؟

ابديت روشتها اليوم وسسسار واضح جلدها مااعرف ازا دا فطريات ولا لا

http://animalslovers.com/upload/uplo...5758954291.jpg

http://animalslovers.com/upload/uplo...5758954322.jpg

ساعدني اخويا لين ماصورتها غلبتني مرررا :(

طمنوني ..