منتديات تو زوو - شانشيلا vs هامستر

منتديات تو زوو (http://www.2zoo.com/vb/index.php)

- قسم هواة القوارض والأرانب (http://www.2zoo.com/vb/forumdisplay.php?f=58)

- - شانشيلا vs هامستر (http://www.2zoo.com/vb/showthread.php?t=33473)

شانشيلا vs هامستر

أهلاً وسهلاً بالاعضاء

هذا ثالث موضوع وإن شاء الله ينال على إعجابكم

مقارنة بين الشانشلا والهامستر, بداية أحب أوضح أنه كان عندي جميع أنواع الهامسترات الهولندي والسوري الذهبي والروسي الأبيض

وأنا برأيي أن أفضل الهامسترات من حيث الذكاء السوري ومن حيث النظافة الروسي

نرجع للموضوع ,

الاعمار :-

الهامستر : سنة ونصف إلى سنتين ونصف

الشانشيلا : 15 - 22 سنة

الألفة :-

الهامستر : بعض الهامسترات تعض يعني بالإجماع اللي تشوفهم بالمحلات كلهم ممكن يعضون, وحتى اللي مايعض إذا خرعته يعضك .

الشانشيلا : مايعض إلا إذا حس بخطر كبير وحتى اللي مومتعود عليك عضته إستكشافية وألمه أقل بكثير من الهامستر وحتى لو خرعته يحاول يوخر إذا مو متعود عليك .

الذكاء :-

الهامستر : يحب صاحبه إذا عامله ويطوف المتاهات بوقت طويل بس يدل على ذكاء .

الشانشيلا : يطوف المتاهات بلمحة بصر وذكائه عال جداً جداً وعنده شعور وإحساس وذاكرة قوية جداً ويتعلق بصاحبه بشدة بحيث يصيح صيحة تحية إذا شاف صاحبه يدخل الغرفة وإذا فتحت القفص ينط بحضنك ويفرك راسه, حده دلوع ......

النظافة :-

الهامستر : السوري بعد أسبوع يصير عفن حتى لو تنظف قفصه والروسي نظيف

الشانشيلا : لو تلمسه كأنك لامس منديل ماشاء الله نظافة ماعليها وعلى فكرة علمياً أنظف حيوان بالعالم

إيجابيات :-

الهامستر :

- حيوان صغير وياكل كل شيء تقريباً وفضولي .
- ماينقل أمراض وما فيه حساسية .
- سريع التكاثر .
- سعره في متناول الجميع .
- متوفر اينما كنت .
- لطيف نوعاً ما .

الشانشيلا :

- التعلق الشديد بصحابه ووين ماتروح يلحقك ويقعد على كتفك إذا مر عليه مدة طويلة .
- لعوب جداً ودائماً يحاول جذب إنتباهك بذكاء .
- ماينقل أمراض ومافيه حساسية .
- انظف حيوان بالعالم ومايحتاج تغسل يدك من بعده .
- ذكاء وذاكرة وشعور وإحساس مثل البشر تقريباً .
- يستجيب للأوامر إذا دربته .
- يعيش حتى 22 سنة .
- شكله لطيف وحلو وفيه براءة الطفولة ومايعض أبداً .
- مايحتاج عش .

سلبيات :-

الهامستر :

- السوري فيه ريحة ويصير عفن بعد مدة .
- يموت بسرعة .
- بعض في بعض الحالات .
- له أكلات محدودة .
- مايتحمل الحر .
- يحتاج عش ( نشارة الخشب ) .

الشانشيلا :

- ندرته ( موطنه الوحيد جبال الأنديز بامريكا الشمالية ) وسعره الغالي .
- مايتحمل الحر .
- مدة توالده كثيرة تصل ل 100 يوم .

وللعلم أنا أحب الهامستر حبيب شديد وبشتري واحد بالموسم إن شاء الله بس ترى الشانشلا ماعليه كلام أبداً,

والموضوع تعبت عليه وايد الله الله بالحقوق وإن شاء الله في القريب العاجل مقارنات جديدة والمقارنة القادمة بين الشانشيلا والقطط

والمقارنة عن طريق الحقائق العلمية والتجارب

مع أجمل التحيات
محب الشانشيلا

رد: شانشيلا vs هامستر

الف شكر اخوي محب الشانشيلا

على المقارنه المتعوب عليها

والرائعه والي تساعد الاعضاء بتقرير نوع القارض الي راح يشرونه

وبانتظار مقارناتك القادمه

ولو تكون داخل نطاق القسم

بحثب مثل تقارن بين الشنشيلا والارانب

او الشنشيلا والسناجب

يكوت افضل

رد: شانشيلا vs هامستر

مشكور اخوي عالموضوع
يعطيك العافيه وننتظر جديدك (:

رد: شانشيلا vs هامستر

مشكور على المقارنه اخوي محب الشانشيلا

بس اعتقد انك تمدح وايد الشانشيلا وتذم الهامستر

وفي فقره من الفقرات ذكرت انه الهامستر ياكل كل شي

ورديت وذكرت بالسلبيات انه الهامستر اكله محدود اعذرني

بس في تناقض بالمعلومات :)

رد: شانشيلا vs هامستر

بس انا اشوف انوا السوري مو مرة وصخ وانا عن نفسي افظل الهامستر لانو احلى من الشانشيل وبعدين غالية ويبغالها قفص كبييييييييييير

رد: شانشيلا vs هامستر

طيب السانشيلا لما يلف بالبيت ويقعد بحضنك ما يوصخ يعني بالنسبة للحمام يتحكم بنفسه زي القطط ولا مثل الهامستر يوصخ عليك
ولما يكون لسه موب متعودعليك وشلته ما يعض وهل يهرب منك ويركض بالبيت وما تقدر تصيده
ومشكور على المقارنه

رد: شانشيلا vs هامستر

ولا مافي حيوان الا فيه عيوب وهي الشانشلا مدري شنو اسمها موحلو شكلها

رد: شانشيلا vs هامستر

اقتباس:

المشاركة الأصلية كتبت بواسطة رعوود (المشاركة 325045)

إن شاء الله ينقارن مع الكل لكن الشانشيلا يتعدى عالم القوارض بصفاته الفريدة

اقتباس:

المشاركة الأصلية كتبت بواسطة ولد بوظبي (المشاركة 325056)

مشكور اخوي عالموضوع
يعطيك العافيه وننتظر جديدك (:

حياك الله :)

اقتباس:

المشاركة الأصلية كتبت بواسطة 3aloe (المشاركة 325081)

مشكور على المقارنه اخوي محب الشانشيلا

بس اعتقد انك تمدح وايد الشانشيلا وتذم الهامستر

وفي فقره من الفقرات ذكرت انه الهامستر ياكل كل شي

ورديت وذكرت بالسلبيات انه الهامستر اكله محدود اعذرني

بس في تناقض بالمعلومات :)

أخوي انت لما تعطي للهامستر طماط مع أنه مضر راح ياكله صح :) ؟ وانا ذكرت أنه ياكل كل شيء الصحي والمضر وهذا صحيح,

لكن له اكلات صحية محدودة صح ؟ :)

وبعدين الهامستر ماينذم الهامستر من أفضل القوارض وأنا عندي الهامسترات من شهور وأحب الهامستر لكن كل شيء يقيمته

صدقني أخوي انا اكتب لك الحقائق دون نقصان أو زيادة

وحياك الله أخوي

اقتباس:

المشاركة الأصلية كتبت بواسطة مستر هامستر (المشاركة 325107)

أخوي قصدي بالعفن لما تقربه من انفك أو تحمله بعد مدة شم أيدك راح تشوف ريحه :)

وبعدين السوري إذا مانظفت قفصه كل أسبوع راح يطلع منه ريحة ملحوظة على عكس الروسي فهو انظف وبدون ريحة

وبخصوص الشانشيلا فمن الناحية المادية الهامستر هو المنتصر لكن من ناحية التربية والنظافة الشانشيلا

وحياك الله أخوي

اقتباس:

المشاركة الأصلية كتبت بواسطة سمكة سوسو (المشاركة 325109)

بصراحة,

بعض الشانشيلات اللي عندهم ذكريات سيئة مع البشر ومتعذبين راح عزكم الله .... عليكم

وبالإمكان تدربه على كل شيء

وإذا هو جديد ماراح يخليك تشيله راح يهرب بس ماراح يعض وإن عض عضة إكتشافية بسيطة ماتحس فيها

انا لما كان عندي الشانشيلا أول يوم ماأحد يقدر يلمسه وكان ينحاش, اليوم الثاني يخاف بس قليل وياكل من يدك , واليوم الثالث لمسته ما سو شيء وحملته ومسحت على راسه وهو لما يشوفني كان يقرب عند باب القفص

وكل يوم يصير احسن وأحسن

اقتباس:

المشاركة الأصلية كتبت بواسطة مستر هامستر (المشاركة 325122)

ولا مافي حيوان الا فيه عيوب وهي الشانشلا مدري شنو اسمها موحلو شكلها

إذا تشابهت الأراء بارت السلع :)

رد: شانشيلا vs هامستر

يسلمووووووو

رد: شانشيلا vs هامستر

الف الف الف شكرا لك اخوي والله انا انفسي في واحد اذا احد منكم يعرف فيم ينباع في الرياض يقلي بلييييييييييييييييز