|
هل ممكن ترويض كاسكو عمره فوق السنتين ؟
السلام عليكم ورحمة الله وبركاته ما اعرف في المقدمات مثل مافي العنوان انا انسان هاوي واشتريت فرخ كاسكو بس لجهلي مرض عندي ووديته اكثر من بيطري بس شاء الله وماقدر فعل مات وماشلت من بالي اني اجيب غيره بس هالمره جبت واحد كبير بالعمر عشان مايصير نفس الاول اخذت شايب فوق السنتين عشان المناعه وكيذا المهم هو ياكل من يدي بحسب مزاجه وفاتح له القفص وحاط له استاند جنب القفص ويروح من نفسه للاستاند واذا طفش رجع قفصه وريشه كامل ماقصيته مايجعر ويتكلم ماشاء الله حفظ اسمي ولقط كم كلمه مني مع اني مالقنه بس يلقط من السوالف هل ممكن اروضه يطلع ع يدي ولا لا؟ واسف ع الاطاله تحمست شوي |
رد: هل ممكن ترويض كاسكو عمره فوق السنتين ؟
وعليكم السلام ورحمة الله وبركاته اخي لا يوجد سن للطيور تصل اليه ويكون مستحيل ترويضها بالعكس الترويض سهل سواء لفرخ او طير عمره عشر سنوات كل مافي الامر الوقت فقط والصبر والمثابرة والاصرار وقوة الارادة الطيور تتقبل اي سلوك نريد الوصول اليه وانت ماشاء الله تقول بدأ يتكلم وبهذه النتيجة اثبتت للاخرين ان الطير يتعلم حتى لو كان كبير بعملك هذا كسرت قوانين كانوا بعض الهواة وغيرهم يعتقدون انها شبه مستحيل اذا لا اعتقد ان الترويض سيكون مستحيل مع انسان مثابر وحاب يسوي شيء يفتخر به الله يوفقك ونشوف لطيرك مقطع على يدك وتمسح عليه وتمسك منقاره تحياتي ابورضا |
رد: هل ممكن ترويض كاسكو عمره فوق السنتين ؟
الله يسعدك يابو رضا اثلجت صدري بردك و اعطاني امل واصرار وعزيمه اني اجرب ترويضه واصبر على النتائج
شكرآ لك |
رد: هل ممكن ترويض كاسكو عمره فوق السنتين ؟
اخي زمن الصمت العوائق في الترويض والتلقين نحن نصنعها ونعتقدها ونؤمن بها
وبهذا نفقد العزيمة والصبر ونتنازل بسرعة ونرفع الراية البيضاء اعلانا بالانسحاب ولو اننا جربنا وحاولنا حتى لو كانت المدة شهرين سوف نفتخر بالنتائج الايجابية وانا شاهدت مقطع فديو لاخوين يبيعون اسطوانات فيها طرق التغذية وصنع اكلات خاصة للطيور وتعليم وتلقين الطيور ولهم تجارب عدة واحد هذه التجارب ترويض كوكاتو سلفر كرستد اعتقد عمره اربع سنوات متوحش جدا تم ترويضه وتعليمه الكلام وصار اليف مع الصغير والكبير اخوي توكل على الله وصدقني انك بتنجح احساسي ما يخيب ان شاء الله |
رد: هل ممكن ترويض كاسكو عمره فوق السنتين ؟
وعليكم السلام..
كما افادوك الاخوه مشكورين...انا عن عن نفسي روضت كاسكو كان عمره 3 سنوات !! وببغائك الحمدلله انه ما يجعر يعني متوالف مع الانسان غير ما..الموضوع بحاجه الى صبر وجهد فقط. أتمنى لك كل التوفيق أخوك رمزي |
رد: هل ممكن ترويض كاسكو عمره فوق السنتين ؟
10 سنوات يتروض
اهم شي يثق فيك ويستامن المكان اللي هو فيه الصبر والمواظبه يومياً بس بقولك على شغله الاستاند دام الطير يطلع وياقف عليه هذي ٣٠ او ٤٠٪ من بداية الترويض بيختصرها عليك اذا طلع على الاستاند ابعد القفص عنه لا يشوفه ووقف قدامه لا تسوي له اي شي مسافه قريبه بس كلمه ٥ ايام كذا كل م مريت من عنده وقف قدامه ١٠ دقايق ع الاقل كلمه بسس وبعدها بيثق فيك ابدا اكله من يدك بعد ما تتكلم معه قبل تبعد عنه عطه من يدك برضوا ٥ ايام وبعدها حاول انك تمسح على راسه وهو على الاستاند بيكون واثق فيك وماراح تتعب معاها * وانت تقرب يدك علشان تمسح رائسه بهداااااااااوه لا تفاجاءه بحركه سريعه اعتذر على الاطال بس تحمست شوي ههههههههه اتمنى اني وصلت الفكره |
رد: هل ممكن ترويض كاسكو عمره فوق السنتين ؟
اقتباس:
أخي ابو رضا كلامك يثلج الصدر ويعطي آمل سوآ لي آو لغيري منّ من يقرآ هذا الموضوع . آشكرك على تشجعيك وبث روح الحمآس شكرآ من آلقلب لك وآتمنى لك آلتوفيق . اقتباس:
حيآك آلله آخوي رمزي وشآكر مرورك وآظآفتك المشجعه لي شكرآ من آلقلب اقتباس:
هلآ وغلآ فيك آخوي عزوز توصيآت من ذهب وآن شآء الله رآح آطبق تعليمآتك آلحمآسيه. هذآ آلحمآس آلي يستفآد منه هههههه شكرآ لك من صميم آلقلب ع آلتوصيآت آتمنى لك آلتوفيق ي آلغآلي |
| جميع الأوقات بتوقيت GMT +3. الساعة الآن 11:21 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو