نصيحه لتربية البط في المنزل
 

نصيحه لكل مربي الطيور في المنزل
بلاش تربي بط بلدي عادي استبدليه بالبط المسكوفي لإنه بيرمي لحم كتير ولإنتاج نوعيات لحم ممتازه وطعمها مميز دايما تحطو مع الاكل نعناع ويفضل الاخضر وحبة البركه وريحان أخضر أو ناشف داهيخلي طعم لحم الطيور مالوش حل ويا ريت تزودو الجرعات دي قبل دبح الطيور بكام يوم ويا ريت تستعملو الثوم والبصل مع أكل الطيور علشان دا أحلي مضاد حيوي طبيعي علشان الامراض والعدوي وأما بالنسبه للعلف يا ريت تعملوه في البيت ومكوناته هي 3كيلو دشيشه صفرا وكيلو فول صويا مجروش وربع كيلو صدف بحري مجروش ويا ريت محدش يحط مركزات
وفي حاجه كمان ممكن تعملوها في البيت هتوفر معاكو كتير وتأكلوها لجميع الطيور والارانب والحيوانات وهي الشعير المستنبت وممكن تدخلو علي النت وتشوفو الفيديوهات بتاعت زراعته وعموما انا هاشرحه لإنه هيوفر كتير جدا علي الناس ببساطه كيلو الشعير الناشف هيديكو 8 كيلو علف بعد الاستنبات علشات تجربوه تجيبو طبق بلاستيك او فويل او اي طبق تكونو مستغنين عنه وتخرموه ب إبره علشان يسرب الميه الزياده وتجيبو ربع او نصف كيلو شعير وتغسلوه كويس وتنقعوه في الميه يوم كامل وبعد كده تفردوه في الطبق ويكون ارتفاع الشعير حوالي سنتيمتر يعني تقريبا حبيتين تلاته فوق بعض وتسقوه ميه ثلاث او اربع مرات في اليوم هاينبت وكبر ويكون بارتفاع 25سنتيمتر بعد 8يوم تاخدوه وبالجدور بتاعته وتأكلوه للطيور ودا أحلي علف للطيور جنب أكل البيت المتبقي والعلف العادي ولو الموضوع بقي كويس معاكو ممكن كل يوم تزرعو كميه في اي مكان في المنزل إنشاله تحت السرير في غرفة النوم اوفي المطبخ لإن الشعير المستنبت مش محتاج ل الشمس
والله الموفق وابقو ادعولي

رد: نصيحه لتربية البط في المنزل
 

موضوع مفيد اخى الكريم شكرا لك

رد: نصيحه لتربية البط في المنزل
 

يسلموا يسلموا يسلموا كتير ع الموضوع المفيد

صراحة مصيحة من ذهب

الله يعطيك الف عافية

تقبل مروري يا غالي