|
سؤال مهم........
يعطيكم العافيه.....
عندي جم سؤال وادري اني راح اعذبكم معاي ويمكن سؤال سهل بس عندي صعب وانا خايف منه وانتو فيكم البركه وماراح اتقصرون بالاجوبه..... عندي جلب بوكسر تقريبا عمره ثلاث اشهور ونص.... وانا مشغول وصراحه مادري عنه بس امر عليه كليوم اطل عليه وامشي عندي الصبي اهو ايوكله ويطلعه كليوم من القفص ينظف القفص ويرده والاكل والبروتينات والكالسيوم يعطيه ياه مع الاكل وينوعله.... واخاف انه يصير خكري لانه امس قاعد العب معاه ومرت سياره صوت عالي وخاف الجلب انخش وراي شنو الحل عشان يصير شرس ومايصير خكري؟ عندي جلب جيرمنشيبرد اصلي عمره 8 اشهر يبناه وعمره 6 اشهر وقطيناه المزرعه ولحين لو تروح اتهوشله ينحاش منك وينخش شنو الحل؟ |
مشاركة: سؤال مهم........
أولا اهلا بك عزيزي StangCrazy
بالنسبه لكلابك الاثنين يحتاجون إلى إعادة بناء شخصيه أول شي لازم تعطيهم من وقتك وكل شي له ضريبه ، إنشغالك عنهم وصلهم إلى هالحدود وراح يصيرون اسوء 1- تأكد من الصبي ما يقسي عليهم او مرعبهم ابشي وهذا أكبر إحتمال يعني اقولك ترا 70% الصبي يسئ معاملة الكلب 30% العزله. 2- (البوكسر) روح عند أي ممشى واجلس معاه جانب الشارع والسيارات نص ساعه وانت تطبطب عليه يومياا وتعطيه كلام مشجع وحتى إن عاندك او راح جهه ثانيه لالا تقسي عليه نهائيا لأنه إنت الآن قاعد تهيئه لشيئ معين ومع الوقت القصير جدا جدا راح تشوفه عادي مع السيارات والشاحنات وكل شي بس افعل هذه الطريقه بانتظام وأول يوم لا تقرب كثير من السيارات يعني خلك بعيد عنهم شويه ومع الايام قرب من وانت راح تراقب ردات فعله وراح تفهمه اشوي اشوي 3- البوليسي 100% معاملة الصبي وانا انصحك إنك اتروح وتمد الصبي :) فعلا عزيز يجب معاملته بلطف وعدم القسوه عليه فكلبك محبط وابحث عن سبب احباطه وارجع في الثقه بالنفس * روحله يوم باكرا * اجلس معه لوحدك إن كان يعرفك جيدا !! ولعبه وعطه بعض البسكوت ولعبه في كره او قطعة قماش وبكلام لطيف خل العصاة بالارض وخل الاعاب الاخرى الي يحبهم حواليها ومن ثمه لعبه بالعصات اربط فيها قطعت القماش ومشها على الارض ومن ثمه ارفعها ومره على اليمين ومره على الشمال والكلب في كل هذا الوقت طبعا قاعد يلعب معاك ويحاول يصيد القماش وإذا ما لعب او تفعال مع قطعة القماش وكما نقول الخيشه اربط فيها كره ، أو اغرس فيها نقانق ولعبه بالعصاة حتى تشوفه خلاص استوعب العصاة ارفعها ونزلها حتى لو خاف قربها في الارض وخله ياكل منها قطعة اللحم وكرر ارفعها ونزلها وارفعها وبعدين عطها الكلب وخله ياكل قطعة اللحم وبعدين تمشى مع الكلب وفي صحبتك العصاة واجعلها وكأنه عضو من جسمك لكي يتقبلها وسيتقبلها إن شاء الله وبعد كل هذا التهيئ الذي يستمر على الاقل ثلاث اسابيع غير معه اسلوب اللعب واضعل اللعب معه ثقيل بعض الشي وفي نص اللعب مع الكلب استخدم التهويش مره واحده وكمل لعب ومن ثمه مرتين ومن ثم ثلاث لين يتعود مع الايام طبعا ومع العصايا أيضا راح تشوف طبيعته تغيرة ملاحظه هامه : لا توجه العصاة على الكلب مباشرتا عليه قطعا وعن التشريس الفعلي فهناك مواضيع في قسم التدريب مذكور فيها امور موسع اكثر من ردي المتواضع هذا. وشكرا أتمنى أكون قد وفقت بنقل المعلومه بطريقه بسيطه ومفهومه وإنتظر آراء الشباب الطيبين |
مشاركة: سؤال مهم........
انا مع اخوي لحن الخلود ولكن اخوي اذا لا يوجد لديك الوقت الكافي نصيجه مني ان تعطي كلابك لشخص لكي يقوم بتدريبها لكي ترتاح من دون قلق عليه أو تضعه فقط في النادي.
وشكراا |
مشاركة: سؤال مهم........
يعطيكم العافيه والله ماقصرتو كفيتو وفيتو.....
عندي سؤال اخير..... انا في شي كل اسمع عنه قبل اذا كان الجلب خكري اتحكره بقفص مدة شهر او اكثر ومحد يشوفه غير راعيه ويصير شرس.......! صج هالحجي ولا لا؟ |
مشاركة: سؤال مهم........
انا مع لحن الخلود ....
|
مشاركة: سؤال مهم........
لا مو صج هالحجي وهالحجي للذين لا يفهمون بالتدريب هذا رأيي الشخصي.
وشكراا |
مشاركة: سؤال مهم........
يعطيكم العافيه.... ويعطيك العافيه اخ بوعزوز وعصابك علي ترى انا مافهم بالتدريب بس بشوف صج ولا حجي :)
|
مشاركة: سؤال مهم........
روق اعصابك انا مشكلتى مع السيارات العكس الكلب ممكن تيجى عربيه تخبطه وبرده مش بيخاف منها
|
مشاركة: سؤال مهم........
:) StangCrazy يعطيك العافيه متمني لك الاستفاده من مواضيع القسم الرائعه وأهلا بأي سؤال او استفسار عزيزي ميدو إن كان الكلبه خبطتو عربه حيبئه مفيش مشكله وسبب خوفو من العربيه واضح. اما ازا مفيش خبطه ولا حاجه حيبئه فيه مشكله ولازم يدور عليه زي ما اولتلو وشكرا |
| جميع الأوقات بتوقيت GMT +3. الساعة الآن 03:15 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو