|
طيري فرخ كبر و للحين مانفطم ؟؟ ارجووو المساعدة
السلام عليكم
عندي فرخ بده يطير من سبوع والحمدلله صار متعود علي وصار يطير واخليه بالبيت كل مكان يروح وصاير كآنه بلبول يحب الناس ،، المهم الطير للحين اغره انا صرت اغره مرتين باليوم ،، الصبح والمغرب قبل ماينام المشكله اهو يعرف ياكل حب بس المشكله اذا بالقفص ماياكل ومن اطلعه اذا الحب بيدي ياكل او اذا ساعات احط له الحبوب بصحن صغير ياكل من الصحن اذا كنت جالس جنبه ،،، اهو الطير ذكي يعرف يفتح باب القفص ويعرف وين مكان سيرلاك بالبيت ومن اقول اسمه علي طول يجي على اليد ولكن انا ابغيه ياكل الحبوب بروحه ويعتمد على روحه ،، وهو يفضل سيرلاك اكثر على حبوب ارجو المساعدة كيف اخليه يعتمد على روحه في الطعام ؟؟ وحاولت اجوعه ومافي فايده |
رد: طيري فرخ كبر و للحين مانفطم ؟؟ ارجووو المساعدة
وعليكم ابسلام ورحمة الله
اخي الكريم الفرخ اذا كان يغرى يتاخر في الفطام عن الفرخ الذي مع امه يعني 35يوم او 45يوم او اكثر حاول تضع حبوب في ارضية القفص بدون طبق ويكون المكان نظيف او على ورقه وحاول بعد ان تغريه ان ترمي له حبوب على الارض وخله ياكل استمر على الغر الفرخ والفرخ معتمد عليك ومتعلق فيك كانك امه يحتاج وقت وحاول تشتري فروخ تاكل لوحده او شغل مقاط من اليوتيوب للطيور تاكل والبادجي مقلد بطبعه وان شاء الله يقلدها ويتعود لوحده ... موفق |
رد: طيري فرخ كبر و للحين مانفطم ؟؟ ارجووو المساعدة
مشكوره اختي ام عيسى
اذا حطيت بالقفص طير ثاني هل راح يتغير سلوكه ؟؟ او بعدين يصير شرس او يعض ؟؟ اذا تقصدين اخوانه انا بعتهم |
رد: طيري فرخ كبر و للحين مانفطم ؟؟ ارجووو المساعدة
اخي MR.coOol
اذا وضعت طيرك مع طير اخر غير اليف بالتاكيد سيتغير سلوكه وممكن انه يشرد منك ويخاف مثل باقي الطيور لكن... بامكانك فطمه بدون طير اخر ابدا بتخفيف السيريلاك مثل اذا كنت تغيره 5سم اجعلها 3 سم لمده يومين وبعدها 2سم وهكذا واطعمه الحبوب كثيرا خارج القفص الى ان تبعد عنه السيريلاك نهائيا بعد ذلك نوع له الاكل في القفص والحبوب ضعها باستمرار تحياتي,, |
رد: طيري فرخ كبر و للحين مانفطم ؟؟ ارجووو المساعدة
اخي الكريم
انا مااقصد تضع طير اخر مع الطير بقفص اخر عشان يشوف ويتعلم منهم وانت كل الوقت الي تقضيه معاه حاول تعوده على اكل الحبوب وان شاء الله يتعود موفق |
رد: طيري فرخ كبر و للحين مانفطم ؟؟ ارجووو المساعدة
مشكورين يا الغالين
|
| جميع الأوقات بتوقيت GMT +3. الساعة الآن 09:58 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو