منتديات تو زوو - ضروري فزعتكم

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - ضروري فزعتكم (http://www.2zoo.com/vb/showthread.php?t=318529)

ضروري فزعتكم

السلام عليكم ورحمة الله وبركاته :12:
شباب انا عضو جديد بالمنتدى ومبتدأ بتربية الكاسكو قبل ثلاث ايام تقريبا شريت الكاسكو هولندي وعمرة 5 شهور والبغبغان ربوة وهدد واليف ومايعض هذي مواصفاته ويوم كنت عند راعي الكاسكو يصعد علي عادي واليف جداً من شريتة كل ها لكلام تغير قلت اكيد علشان أنة مكانة جديد وانا جديد علية والحمد الله مايجعر اول يوم ماكان يعض ومن ثاني يوم يعض خفيف وثلاث يوم يعض بشدة وما يرضى اي احد حتى يلمسة وقريت عنة كل شي تقريبا :(وشاهدت فيديوهات بس مانفعوني ،،:64::64: بالتطبيق غيييير :wao: وطلعتة اليوم بالغرفة بالبداية غطيت ايدي بفوطة لان اضافرة طويلة وكنت اللمس عليه مرة يعض:64: ومرة لا :D وكنت اتفادا عضاتة وقعدتة على ايدي لمدة 15 دقيقة وطار صعد المروحة :(وخربها :angry: وحاولت انزله ماينزل وقعدت انطرة ينزل مانزل وقمت طفيت الليتات وغطيتة بفوطة بس قبلها طاح وطار للقفص وتعلق فية وبعدين دخلتة القفص والحين نايم :mad: وأضيف أني جربت طريقة المربى والعسل وماكو فايدة :confused: وانا خواف ومبتدأ وأبي حل أرجوكم ابي حل ضروري وسوري طولت عليكم :D:D

رد: ضروري فزعتكم

عاده اخي الفاضل طيور المزارع ما تعض هاهاها لانها متعوده عالبشر
ولكن مع حدث معك بسبب خوفك فهو سيطر عليك عرف انك تخاف واشتغل على نقطة ضعفك يعني انت اللي علمته
حاول لا تخاف وراح يترك هذه العاده
بالتوفيق

رد: ضروري فزعتكم

مهم ونصيحه
دام انه مزارع وعمره صغير حافظ عليه جيدا ابعده عن البرد وتيارات الهوا واستخدم مياه الصحه افضل من مياه الصنبور بالتوفيق

رد: ضروري فزعتكم

اقتباس:

المشاركة الأصلية كتبت بواسطة monybat (المشاركة 2934458)

مشكووور ماقصرت على مرورك جزاك الله خير :):freind:
بس شنو تنصحني شلون اتعامل معاة الحين ابية يتعود علي ويتقألم :confused:
الحين بس أبدل الماء والأكل واقعد معاه :cool:

رد: ضروري فزعتكم

هلا اخوي

انا نفسك مبتدأ
بس بقولك كم شي يمكن اقدر افيدك

اول شي مهم جدا انه الببغاء يشوفك انته بس عشان يتروض
ثاني شي ابعد عنك الخوف لانه كل ما تسوي حركات مفاجئه امام الطير هوه يخاف و مايتروض
و اصبر الصبر مفتاح النجاح مستحيل تخلي ببغاء اليف ف يوم او يومين

و اتمنى الاخوان يفيدوك

رد: ضروري فزعتكم

وعليكم السلام ورحمة الله وبركاته

اخوي عبدالرحمن اول شي مبروك الطير الجديد والله يطرح فيه البركه ان شاء الله

اخوي على كلامك الطير صغير وعمره 5 شهور فهذا شي حلو وسهل تدريبه

بس اول شي عدم الخوفه منه ابد ثاني شي حاول تعطيه راحته كبدايه لمسكنه الجديد

يتعرف عليك يتعرف على البيت وحاول تاكله من يدك يمكن يرفض شي عادي لانه ماتعود عليك

كرر العمليه مره وثنتين وثلاث لما يثق فيك انك ماراح تضره ابد

شغلت الترويض مو صعبه ابد والطير على كلامك ربوه وهدد يعني جاهز بس يبيله يتعود عليك

لا اكثر ولا اقل يعني عطه فرصه يتعرف عليك اسبوع اسبوعين مافيه مشكله في الفتره هذي حاول

انك تطلعه برا القص وتخلي يلعب وياخذ راحته وانت تكون متواجد معه شوي شوي حاول تقريب له

تعطيه اكل بيدك لما ياكل من يدك وتطمن لك باذن الله كم يوم وتشوفه يجي عندك بنفسه

هذي نصيحتي لك والشباب ماراح يقصرون معك

بالتوفيق تحياتي

رد: ضروري فزعتكم

مشكووورين وماقصرتوا معلوماتكم قيمة ومفيدة :)
ان شاءالله بسوي الي قتلوا علية بس المشكلة مو اطلعة المشكلة لمن أجي ادخلة يطير وينحاش فالحل أني أطفي الليتات وأدخلة غصب ههههه :p

رد: ضروري فزعتكم

وعليكم السلام ورحمة الله وبركاته
اخوي انت تخاف من الببغاء وصار هو المصيطر حاول انك تدخل ايدك وتوقفه على ايدك وماتخاف منه وخلال كم يوم راح يذهب العض
بالتوفيق

رد: ضروري فزعتكم

اقتباس:

المشاركة الأصلية كتبت بواسطة ابو على2 (المشاركة 2934685)

مشكوووور اخوي على مرورك ماقصرت :freind:
بس اهو قام يعض واجد ويخاف اكثر اذا دخلت ايدي حتى لما ادخل ايدي أبدل الماء او الأكل يقوم يعضها انا بحاول واجرب الي قلتولي علية وان شاءالله خير :rolleyes:
ادعولي أنة يترك العض أحس أنة عنيد ويبيلة شوية وقت على التأقلم :cool:
عالعموم مشكووورين :freind::D:D