|
كيف أعود الكلاب على الغنم....إلحقوني
تكفون.......مشكلة وان شاء الله حلها عندكم ياخبراء التدريب
كلب ذكر جيرمان شبرد 8 أشهر....يطرد ورا الغنم بشكل عنيف وخايف أفلته عليهم الضعوف....... أنثي (هجين جيرمنX روت) طباعها حادة جدا...ولا تقبل الحال المايل...هجمت فعلاً على الغنم وذلك بالحفر تحت حظيرتهم :eek: والدخول إلى الحظيرة ليلا و هاجمت أربع شياه ..... أش الحل؟؟؟؟ أنا هدفي هو حراسة الغنم وتوفير حماية كاملة لهم.........هل يمكن تدريبهم على الحراسة ولاّ راحت على الإثنين ولازم ندرب جراوه على المهمة؟؟ |
رد: كيف أعود الكلاب على الغنم....إلحقوني
بسم الله الرحمن الرحيم
هلا فيك اخوي .. بنسبه حق سؤالك والله ياخوي إذا هم يهجمون على الغنم فمأتوقع ان تقدر تدربهم . لاكن تقدر تربطهم بسلاسل واستاند بل أرض وسلاسله طولها 5 متر قدام مكان الغنم بشرط ان مايقدرون يهاجمون الغنم . وكان لازم تحط الكلاب من هم جراوه عشان يتعودون على الغنم ويحرسون |
رد: كيف أعود الكلاب على الغنم....إلحقوني
شكرا فايز..........حنا الان نربطهم ليلا امام الحظيرة...ويمكنهم النظر للغنم.....هل تتوقع بعد فترة يتعودوا...؟؟؟
|
رد: كيف أعود الكلاب على الغنم....إلحقوني
اقتباس:
هم بيتعودون بوجودهم لاكن لو يفلت جلب على طول بيروح يعض الغنم .. اممممم عندي لك طريقه ياتصيب يا تخيب :) جيب واحد من الجلاب ومسكه باليش وخل الصبي يمسك غنمه وقربهم إذا شفت الكلب يشمشم الغنمه قربه بس دير بالك يعني مسكه من طووقه وقربه إذا جلس يشمشم قربه لين مايشم يد الغنمه إذا شفته مايسوي شي شيل يدك من الطوق وخلك ماسك اليش وخله يتحرك إذا ماسوى شي زييين بعدين هده بس هده بسلسله عشان لو سمح الله هجم تقدر تمسكه منها وتجره . هاذي طريقه من تفكيري وان شاء الله تنفع:) |
رد: كيف أعود الكلاب على الغنم....إلحقوني
فكرة جيدة....اجربها ونعلن عن النتائج ان شاء الله
|
رد: كيف أعود الكلاب على الغنم....إلحقوني
اقتباس:
بتووفيق ان شاء الله:) |
رد: كيف أعود الكلاب على الغنم....إلحقوني
انا كان عندي سلق نفس الشي يهجم على المعز
علمته عليهم بالضرب كنت اجيب المعز قدامه واضربه اذا نبح مره مرتين صار ما يقرب منهم جرب هاشي ويمكن تنجح بس على فكره ياخوي ترا الهجين يكون غبي احيانا الله يعينك عليه |
رد: كيف أعود الكلاب على الغنم....إلحقوني
بس اللي اعرفه من خبرتي البسيطة إن الظرب يجعل الكلب ذا طبع جباااااان.....؟
|
رد: كيف أعود الكلاب على الغنم....إلحقوني
السلام عليكم
اخووي انا عندي طريقه مجربه مع كم واحد ونتايجها حلووووه وانا من الناس اللي جربوها جيب للكلب لجام (كمامه) مدري وش يسمونها بس المهم اللي تركب على فم الكلب وتمنعه يعض وركبها عليه وادخل انت وهو عند الغنم وخل بيدك عصا خيزرانه فالبدايه خله معك بالليش واذا تهدد عالغنم اضربه بس مو ضرب قوي يعني ضرب تدريب وانهره بالكلام امنعه قله no وكرر هالشغله معاه خلها حصه يوميه اجلس انت وهو وسط الغنم من 15-20دقيقه كل يوم واذا صار ماعاد يهجم ولا يتهدد ابدا تفكه مع الغنم بدون ليش بس احتياطا خلي اللجام على فمه وشوف ردت فعله اذا مايهجم اوكي واذا يهجم نفس الشي انهره واضربه لين يتعود ملاحظات بسيطه: 1-حاول قدر المستطاع ماتكون الضربات على وجه الكلب ولا تكون قويه 2-اذا بدا الكلب يتعود من الافضل لو تقدر تعطيه الاكل وانتم فالحضيره 3-مثل ماهو الكلب يبي يهجم عالغنم الغنم نفس الشي بتكون مستنكره وخايفه من الكلب وبتسوي حركات تستفز الكلب يعني بالعربي لازم فتره عشان تتعود الغنم على الكلب في وسطها اتمنى اكون نفعتك قدر المستطاع وارجوو موافاتي بالنتائج ودمتم |
| جميع الأوقات بتوقيت GMT +3. الساعة الآن 02:52 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو