ساعدونى فى شراء القطه ؟؟؟
 

السلام عليكم
انا عضو جديد وبصراحه منتداكم ماشاء الله روعه وكان عندى حكايه كده محيرانى عايز اخد رايكم فيها .
انا باذن الله هشترى قطه سيامى انثى لانى بموت فى حاجه اسمها سيامى
المهم انا كان عندى قطه عسوله جدا وولدت مرتين عندى وكنت سايب عندى فى البيت 2 من عيالها المهم ضربت فى دماغى اشترى شيرازى بعت القطط السيامى .
والشيرازى عقدنى من حياتى عايز عنايه جامده جدا خصوصا بشعره وكرهته بصراحه فقولت ارجع تانى للسيامى .
جيت فى الشتاء كل ما اشترى قطه سيامى يجيلها برد ووديها للدكتور ويديها حقنين ويقولى هتبقى كويسه بعدين تموت اشتريت حوالى 4 قطط سيامى وماتوا :confused:
المهم اتعقدت من القطط وقولت معتش هجيب قطط تانى بالصدفه النهارده الصبح شوفت قطه بلدى بتلعب مع اولادها على سطح العماره اللى جمبنا قعدت اتفرج عليهم وجاتلى الحاله تانى :D
اللى هى لازم اشترى قطه .بس النهارده الجمعه المحلات قافله
وعندى الاهل فى البيت مش راضيين ويقولوا لى احنا ما صدقنا ربنا يهديك والحكايه دى تروح من دماغك وبعدين انتاا كل ما تجيب قطه تموت
فين وفين لحد ما قالولى اعمل اللى انتاا عايزوا بس لو القطه طلعت مريضه او فيها حاجه مش هتجيب قطط تانى بس بيقولوها من غير نفس :rolleyes:
طبعا انا مش هسيبهم وراهم وراهم لحد ما يقولوا لى اتوكل على الله بنفس :D
المهم انا عايزكم تقولوا لى ازاى اعرف قبل ما اشترى القطه انها صحتها كويسه ومفيهاش مرض جلدى او اى مرض تانى يعنى عايز اعرف نصايحكم ضرورى
وحاليا اختى قاعده عندنا لمده قصيره هى وبنتها عندها 3 شهور فهل القطه ممكن تعدى الطفله مع انى لما اجيبها باذن الله مش هخليها تقرب منها
ومعلش انا عارف انى طولت عليكم جامد جدا بس حبيت احكيلكم حكايتى
منتظر ردكم وادعولى ربنا يوفقنى ويكرمنى بقطه جميله :)

رد: ساعدونى فى شراء القطه ؟؟؟
 

رد: ساعدونى فى شراء القطه ؟؟؟
 

المفروض اول ماتشتريها توديها على طول البيطري وانشالله تلقى القطوة المزيونة:)

رد: ساعدونى فى شراء القطه ؟؟؟
 

رد: ساعدونى فى شراء القطه ؟؟؟
 

متشكر ليكم جدا على الردود الجميله
واخيرا الحمد لله بعد كلام كتير جدا واقناع شديد والدتى وافقت انى اجيب قطه النهارده
بس فى حاجه ناقص الوالد لسه مكلمتوش فى الموضوع قولت لوالدتى افاجاه بالقطه وبعدين اتكلم معاه زى كل مره قالتى لاء كلموا احسن قبل ما تشتريها علشان ما يقولكش رجعها <<<< هى عارفه انه لو قالى كده انا هضايق جدا
فانا جهزت معاها شويه كلام كده علشان نعرف نقنعه وربنا يسهل
هو على فكره كان بيحب بوسى جدا القطه اللى كانت عندنا الاول السيامى وكان بيلعب معاها وكده
بس بعد كده لما جبت قطط تانيه بقى يقولى انتاا بتجيب شويه قطط بنج :D بوسى مش هتتعوض :D
فانا قاعد استناه على نار اهوه لما ييجى من الشغل علشان افاتحه فى الموضوع ادعولى بجد يوافق علشان لو كده هنزل علطول بعد الظهر بشويه اجيبها
يارب يوافق يااااااااااااااااااااااااااااااااااااااااااااااارب :D