المشاركة الأصلية كتبت بواسطة حكآوي (المشاركة 2892915)

بسم الله الرحمن الرحيم

كيف حالكم عساكم طيبين ؟
مرحبتين ثنتين اكبار
يا اخوان انا جاب لي خويي كلب هديه هاسكي انا اخوي ما خذه معه عشان كذا بنزل صوره من يرجع

المهم عندي كم سؤال

تقريبا عمره من 3 شهور الى 4 شهور

1/ هل يستطيع العيش بالسطح مع العلم اني في منطقة الرياض ؟
نعم ممكن لكن يجب وجود غرفة خاصه له والافضل تكون مكيفه لان الرياض حاره جداً الان عليه
واحتمال كبير انه يموت من الحر الشديد انتبه بارك الله فيك
2/ ماهو جدول الاكل مع العلم اني اعطيته رز ولم ياكل منه الا قليل ؟
الاكل دراي فود خاص للجراء مثل المكس جونير تلاقي منه في العيادة البيطرية
3/ انا يوم صعدته السطح وفكيت الطوق قام يركض وراي وبس يعضعض وهذا ازعجني جدا ؟
هو الان في مرحلة التسنين ودابم يحب العض لحك اسنانه بأي شي
اشتر له عضاضه خاصة للكلاب
4/ اذا جيت العب معه يقعد يعض بيدي اذا كنت جالس واذا وقفت يعض رجلي فما السبب ؟ وكيف اخلص من هاذي العادة السيئه ؟
تعطيه امر نهي بصوت حازم وعالي no واذا ماوقف عن العض شده من الطوق بسحبه وحده قويه
كي يقف عن هذي العادة وفي نفس الوقت تعطيه العضاضه كي يفهم ويفرق بين عض يدك غلط
والعضاضه هي الحل الوحيد لمشكلة التسنين
5/ ابي اخليه يتعود على مكان محدد في السطح يقضي فيه حاجته فكيف ذالك ؟
ممكن في زاويه تحدد له مكان بوضع له تراب في حوض كبير
ولودخلت على المواضيع المثبته فوق راح تلاقي تعليم الكلب على هذي الطريقه
طبعن هي محتاجه وقت كي يتعلم عليها
6/طبعا كان جسمه معرق عشان كذا سبحته مسكته ووديته الحمام بعدين شغلت المويه ويقعد يلعب مدري ينحاش المهم انه ما ثبت تحت المويه لدرجت اني كل شوي احرك الدش عليه وبللني معه وحطيت شوي شامبوا اطفال جونسون وفركت جسمه بيدي وطلعت ونشفته بالقوة يالله نشفته انا واخوي هو بس يتحرك .
في شامبو خاص للكلاب وطبيعي الحركه لان جديد على كل هذي الامور
مع الوقت راح يتعلم والبركه فيك
7/ اول ما نزلته من سيارة خويي بيدي مسكت السلسلة واسحبه ما يمشي معاند المهم بعد محاولات يالله رضا يمشي بس 7 خطوات المهم اني عصبت وصعدته بيدي وفوق اذا ابيه يمشي وانا ماسك السلسلة ما يمشي ويعاند وابي حل لذي المشكلة ؟
كل هذي الامور عاديه انت محتاج الى صبر شهر شهرين وان شاءالله كل هذي المشاكل راح تنحل
يكرم بني أدم عن التشبيه لكن تذكر اي طفال في البداية في التعرف على الاشياء
مثل النار والخوف من الغرباء والسلم و و و
نفس كلبك لأنه في بداية عمره يتعرف على كل جديد عليه
وهو يخاف من الطوق والسباحه و و و لكن مع التعليم راح يتحسن الى الافضل
8/ كيف ادربه على اسمه وكيف ادربه على الاوامر ؟
بالمكافئه اذا اعطيته مره مرتين اعطيه الاوامر بس اخذ كره في قسم التدريب كيف وراح يصبح الموضوع سهل لك
9/ الكلب اذا فكيت السلسلة ما يوقف ابدا بس يتحرك فهل هاذي مشكلة ؟

10/ كيف اخلي الكلب اذا شاف احد ما يروح له ويبقا جنبي ولا يعض ؟

11/ ونوع الدراي فود وش اخذ وهل كلها مثل بعض ولا فئات واعمار متلفة ؟

12/ انا ودي ادخل الكلب البيت بس خايف انه يوصخ فيه ويقضي حاجته فيه فهل هناك حل بحيث اذا اراد قضاء حاجته يذهب برا المنزل ثم يعود ؟


والصور ان شاء الله من يرجعه اخوي بصوره وانزلها لكم عشان تشوفونه


واتمنى انكم تجاوبون على الأسئلة سريع عشان لا يحدث ملا يحمد عقباه
نعم اكثر اسألتك مكرره تابع الروابط راح تستفيد الكثير منها ان شاءالله
بس تذكر الصبر ثم الصبر في التدريب
واكون لكم من الشاكرين ::shy: ~