الحقوا البط بتاعى ارجوكم ؟
 

السلام عليكم ورحمة الله

الحقووووووووووووووووووووووووونى ياجماعه

عندى بطه طلعت الصبح لاقيتها زى ماتكون بتقول اه او بتنازع

قولت اكيد عيانه
طلعت بعد الضهر اطلعهم شويه من الاوضه

لاقيتها طلعت وبقيت تفتح بقها على الاخر وتقفله وبتعمل حركات غريبه كأنها مش عارفه تتنفس بصراحه خوفت لاتكون بتودع

جريت جبت الشنطه ووديتها للدكتور قالى دور برد

بالرغم من انى حاسه انه عندها مرض تنفسى

واداها ابره وقالى تعالى بكره اديها ابره تانى

مش عارفه خايفه ومش عارفه ممكن اعمل ايه مساعده ليها ؟

وهل الباقى حيتعدوا ولا ايه ؟

رد: الحقوا البط بتاعى ارجوكم ؟
 

بليييييييييييييييز فيدونى؟؟؟؟؟؟؟

رد: الحقوا البط بتاعى ارجوكم ؟
 

الف لا بأس عليها

ان شاء الله ما تشوفي شر

اذا ما صار فيها اسهال مائي وفيه شوية لون اخضر ومثل الرغوة وما في التفاف بالراس فان شاء الله بسيطة

وان شاء الله تتحسن على المضاد الحيوي

لكن اذا فيه الاعراض اللي انا ذكرتها فوق فالمر نيوكاسل وهو صراحة مر فيروسي عنيف اوي

ننتظر ايه هيصير

وعلى العموم ما دام وديتيها البيطري، كمان اليوم وديها ليه علشان تاخد جرعة تانية

رد: الحقوا البط بتاعى ارجوكم ؟
 

جزاك الله كل خير لردك واهتمامك

انا كنت متردده لان الدكتور عندنا بحس انه مش فاهم
غير كده بحس ان العلاج مبيأثرش

الاهم انها ماتت

طلعت الصبح كانت واقفه وعامله برضه بتتنفس بفتح بقها وتحس انها بتنبح على بسيط ومكانش فيه التواء واقفه عادى
وكانت بتشرب طلعت بعدها بساعه لاقيتها ماتت ومتخشبه

الحمد لله كما ينبغى

وممكن اعرف ايه سبب الموضوع ده
بس انا خايفه على الباقى ياريت تشور عليا اعمل ايه

لان خايفه انهم يحصلوها

رد: الحقوا البط بتاعى ارجوكم ؟
 

انا نزلت قولتله عايزه تحصين للباقى ادانى كيس صغير اسمه

موف-نيومايسين

ياترى ينفع وحيجيب نتيجه

رد: الحقوا البط بتاعى ارجوكم ؟
 

ان شاء الله ينفع كوقاية

اللي صار عند البطة بتاعتتك التهاب القصبات الشعبي (Infectious bronchitis) ويختصروه (IB)

وهو يحتاج تطعيم تلاقيه عند الصيدلية البيطرية

رد: الحقوا البط بتاعى ارجوكم ؟
 

جزاك الله كل خير

بس بعد اذنك ممكن اسم التطعيم

ولو فيه تركيبه بشرى تنفع ياريت تفدنى لان الدكتور البيطرى معندهوش الادويه اللى بقوله عليها

ويفضل يتريق عليا ويقولى حتعمل دكتوره عليا