|
الحضانه والفقاسه
السلام عليكم
باركولي الفقاسه الي انا صنعتها جيده انا حطيت عنها موضوع من قبل فقسو صوصين هذه صورهم الحضانه : الحضانه : http://im32.gulfup.com/pSUuH.jpg الصوص الي فقس اليوم الصباح: http://im32.gulfup.com/SXmk4.jpg الصوص الي قبل شوي فقس: http://im32.gulfup.com/FEBJ9.jpg ياشباب سؤالي كم ساعه اخلي الصوص داخل الفقاسه متى يشرب وياكل |
رد: الحضانه والفقاسه
الف الف مبرووووك انا مااعرف كم بالضبط لازم يكونون بالفقاسه بس عن تجربه كنت اخليهم 3 او 4 ايام بعدين احطهم بالحضان .. تقدر تخليهم يومين او 3 لانه الجو بدا يصير حار وبعدين حطهم بالحضان .~ْ بالنسبه للأكل كل صوص بعد مايعدي يوم على فقسه قدم له الاكل طبعا اهو مايعرف ياكل لحاله قبل التعليم .. انت علمه حرك اصابعك عند الاكل عشان يتعلم وعند الماء بعد نفس الشي .. وحط له علف وجب بخاخ الماء وبلل العلف عشان يسهل على الصوص انه ياكل واذا كان العلف كبير كسره كسر صغيره وبلله وان شاء الله بياكل..~ْ وملاحظة : صحن الماء لازم مايكون عميق لانه انا نص الصيصان اللي عندي ماتو بسبب الغرق..~ْ اتمنى اني اكون افدتك تقبل مروري |
رد: الحضانه والفقاسه
شدعوه ثلاث ايام انا سمعت 12ساعه
|
رد: الحضانه والفقاسه
اقتباس:
انا قلت مااعرف كم بالضبط بس قلت عن الي انا سويته اما طريقة الاكل صحيحه وانتظر رد الخبراء يعرفون اكثر مني ومنك انا مااعرف الا معلومات بسيطه لاني انا بعد مبتدأه |
رد: الحضانه والفقاسه
عادي يا غالي تقدر تنقلهم على حاضنة بعد ما ينشف الصوص
ولازم يكون العلف ناعم مو خشن حتى يعرف الصوص يلتقطه المهم حطهم بكرتون ووصل عليه لمبة مثل الفقاسة حتى يصير المكان دافىء والف مبرووووووك وتجربتك رائعة ان شاء الله تشوف على وجهم الخير |
رد: الحضانه والفقاسه
تسلم والله يعطيكم العافيه ع المعلومات
والحمدلله الحين هم بصحه جيده وضعت في الحضانه لمبه ونشارة خشب خشنه |
| جميع الأوقات بتوقيت GMT +3. الساعة الآن 11:23 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو