|
سؤال عن الأرانب
السلام عليكم ورحمة الله وبركاته
أفكر أبيع سنجابي لانه تعبني وما يبي يتروض، وغير ان صعب أغير عشّه كل اسبوعين وخاصة انه يشرد وغصب أمسكه .. المهم، أفكر أحول عالأرانب، بس عندي كم من سؤال .. يصير أحط أرنب داخل البيت؟ داخل غرفه؟ وهل الأرنب يوصّخ على رمل نفس القطاوه حسب ما سمعت؟ واذا وصّخ، يطلع ريحه قويه؟ أرجو الاجابه وشكراً |
رد: سؤال عن الأرانب
طبعا السنجاب صعب يتربى لانه بالاصل حيوان بري
ومن ناحيه الارانب ما انصح بصراحه احنا كان عندنا ارنب الارنب يوصخ يوصخ حيييل ما امداني احطه بمكان لازم يسوي فيه حاجه اذكرر مره طلقته بغرفتي ونمت الغرفه كلها صارت براز وانتي بكرامه طبعا يوصخ عالرمل ما اتوقع لان الي كان ربيتهم كانو يوصخون بكل مكان ولكن مايطلع ريحه قويه ومن ناحيه الاماكن الارنب يحتاج مساحه كبيره شوي زي مثلا الحوش لو بتربينه بالحوش اوكيه لكن داخل بيت صعبه شويتين انصحك بوبر مع تغيير نشاره بشكل متكرر او هامستر لانه ممكن يعيشون معاك بالغرفه وتطلقينهم شويتين |
رد: سؤال عن الأرانب
وعليكم آلسلآم . . آلـآرآنب حيوآنآت لطيفة وودودة وتجنن بجد ! خآصة آرآنب آلزينة مثل آلـآنقورآ ، آنآ ربيت آرآنب كثيير . . وحبيتهم كلهم لكن آكثر شي حبيته آرنوبي آلآنقورآ مرآ كيوت ولطيف . . ولعوب كثير ، ودآئماً يحب آلعب مع آلنآس ، وآنآ مخليته في قفص دآخل آلبيت ، وآغسله كل آسبوع تقريباً . . وآطلعه للحديقة آلمنزلية مرتين آسبوعياً . . ومآفيه مشكلة من آنه يعيش دآخل آلبيت بس بقفص آحسن . . ويتدرب ع آلليتربوكس بس مآ تحطين رمل فيه ، لآ تحطين قش . . وآلطريقة هنآ . . الطريقه الصحيحه على تعليم الارانب على ال litter box وفضلآته مآفيهآ ريحة كريهه ، آلآ آذآ تركتي آلقفص وسخ ومآنظفتيه |
رد: سؤال عن الأرانب
أشكركم على الرد ..! :)
شكله الارنب يبيله 24 ساعه، وانا المشكله منشغله مع الدراسه وجذي .. بهوّن فيه .. :( الهامستر يتروض ويصير أليف، صح ..؟ معليه سامحوني عالأسئله، ما ربيت حيوانات من قبل الا هالفتره .. ^^;; |
رد: سؤال عن الأرانب
الوبر بعد لفت نظري .. آآآخ محتاره ماعرف شنو ابي آخذ ههههه .. ×.×
|
رد: سؤال عن الأرانب
لو تاخذين وبر اخذي انثتين صغار لو ماتبين انتاج عشان يلعبون مع بعض لن وحده ماينفع قفصهم اخذيه بلاستيك كل ماكان اكبر احسن مهم
لو هامستر اخذي سوري عمره صغير وحد |
رد: سؤال عن الأرانب
شكرا عزيزتي .. تم طلب ٢ من الوبر، وانا انتظر وصولهم ..! ❤
قريت عنهم قبل ما اطلبهم، حسيتهم مريحين .. وان شاء الله باخذ لهم قفص كبير ..! ❤ |
رد: سؤال عن الأرانب
اقتباس:
وآن ششآء آلله يوصلون قريب وتستآنسين معهم . . ^^ |
| جميع الأوقات بتوقيت GMT +3. الساعة الآن 06:10 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو