منتديات تو زوو
الصفحة 1 من 4 1 234
عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)
-   قسم تدريب الكلاب (http://www.2zoo.com/vb/forumdisplay.php?f=39)
-   -   باركو لي كلبي صار ينبح ؟؟؟؟ (http://www.2zoo.com/vb/showthread.php?t=29871)

ابوفيصل _258 25-06-2007 12:03 AM
باركو لي كلبي صار ينبح ؟؟؟؟
 
السلام عليكم

بعد التعب مع هذا الكلب قلت خلني اجرب هذا الشي معه وهو اني جبت شخص يدخل البيت ويتحرش فى الكلب وانا بجانب الكلب لقت الكلب فى خوف ويرجع الى الخلف وفى نفس الوقت ينبح امرت الكلب بي اتاك وقلت حق الشخص اهرب وانا جالس اشجع الكلب وفعلا نبح ولحقه الشخص وانا ماسك الكلب باالسلسله وبعدها رجعت الكلب الى القفص وكررت هذا الشى وصار ينبح بس فى خوف وانا اشجعه وخلي الشخص يهرب لان اذا وقف الكلب راح يخاف ....سوالي هل هذه بدايت القوه والتشريس والثقه فى النفس ؟؟؟؟وهل هذا الشى يخلي الخوف الى فى الكلب يروح؟؟؟ وايش تنصحوني في ؟؟؟؟وعمر الكلب الان سبع شهور.. واسف على الاطاله ولاه تحرموني من الحلول ويعطيك الف عافيه

http://www.7mbc.com/up/upf8/7mbc_716727420.jpg

كويتاوي 25-06-2007 10:49 AM
رد: باركو لي كلبي صار ينبح ؟؟؟؟
 
نعم شي معروف كل ما تستفز الكلب يخليه عصبي بس مو صاحب الكلب اللي يستفزه

فايز 25-06-2007 11:14 AM
رد: باركو لي كلبي صار ينبح ؟؟؟؟
 
بسم الله الرحمن الرحيم

اخوي أخالفك في طريقتك إذا كان الكلب من النوعيه ألي تخاف من البشر بطريقتك هاذي بتخلي الكلب يتشرس على كل الناس وبيصير شرس لدرجة انه ممكن يأذي أحد ,, إذا كان الكلب خايف بس ألي عليك تخليه أجتماعي يعني تاخذه معاك كل مكان خل يعرف ان الناس مو مسوين له شي ووده عند اصدقائك وخل يلعبوون معاه بتشووف ان بتروح خاصيت الخووف .


أما إذا تبي تخلي كلبك ينابح بعد ماتروح خاصية الخووف خل واحد من اصدقائك ينرفزه يعني ينغز فخذه بتشووفه ينابح ويناقز

وبتووفيق:)

SoOoS_SoOoS 25-06-2007 12:44 PM
رد: باركو لي كلبي صار ينبح ؟؟؟؟
 
صح كلام اخوي فايز

سيف العراقي 25-06-2007 12:49 PM
رد: باركو لي كلبي صار ينبح ؟؟؟؟
 
والله مع احترامي للمختصين انا عندي كلبه من نفس النوع نفس العمر يعني عمره تقريبا 6 شهور والله مايرضى حد غريب يوصل عندي لكن اخوي مسالت الخوف عند الكلب عادي ترا بعده صغير وانت زين منك خليت الشخص يجري ورا الكلب يساعد على بناء الشخصيه للكلب لكن حاول انك اتعلمه يوم ينبح ويهجم على حد استعمل معا امر (النهي) لكن اكيد مش على كل واحد يعني ان كان جارك مثلا او احد الاقرباء المتواجدين دائما عندك لكن مش على كل واحد لانك لو علمته على كل الناس انا برائي تبيع الجلب وتاخذ خروف اسود يكون احسن مع احترامي لك

ابوفيصل _258 25-06-2007 05:02 PM
رد: باركو لي كلبي صار ينبح ؟؟؟؟
 
اقتباس:
المشاركة الأصلية كتبت بواسطة كويتاوي (المشاركة 286132)
نعم شي معروف كل ما تستفز الكلب يخليه عصبي بس مو صاحب الكلب اللي يستفزه
تسلم ياغالى على ردك ويعطيك الف عافيه

ابوفيصل _258 25-06-2007 05:09 PM
رد: باركو لي كلبي صار ينبح ؟؟؟؟
 
اقتباس:
المشاركة الأصلية كتبت بواسطة فايز (المشاركة 286163)
بسم الله الرحمن الرحيم

اخوي أخالفك في طريقتك إذا كان الكلب من النوعيه ألي تخاف من البشر بطريقتك هاذي بتخلي الكلب يتشرس على كل الناس وبيصير شرس لدرجة انه ممكن يأذي أحد ,, إذا كان الكلب خايف بس ألي عليك تخليه أجتماعي يعني تاخذه معاك كل مكان خل يعرف ان الناس مو مسوين له شي ووده عند اصدقائك وخل يلعبوون معاه بتشووف ان بتروح خاصيت الخووف .


أما إذا تبي تخلي كلبك ينابح بعد ماتروح خاصية الخووف خل واحد من اصدقائك ينرفزه يعني ينغز فخذه بتشووفه ينابح ويناقز

وبتووفيق:)
اهلين بااخوي الغالي فايز وين الغيبات ويعطيك الف عافيه على التعليق الجميل انا ودي ان يكون كلبي شرس لان كل من شاف كلبي قال ايش هذا الخكري بس انا زي ماقال اخوي سيف انا ابي شخصيه قويه حق الكلب وارجع الثقه حق الكلب لان صاحبه الاولي شكله كان يضربه ضرب الله يسامحه الان صار لي اربع شهور والخوف من اي صوت اوحركه بس فى طريقتى هذه شفت الكلب صاير قوي وخصوصا يوم هرب مع احترامي الشديد فى رايك وخبرتك يااخوى الغالي فايز والف شكر على اهتمامك ويعطيك الف عافيه

ابوفيصل _258 25-06-2007 05:10 PM
رد: باركو لي كلبي صار ينبح ؟؟؟؟
 
اقتباس:
المشاركة الأصلية كتبت بواسطة SoOoS_SoOoS (المشاركة 286303)
صح كلام اخوي فايز
تسلم ياغالى على المشاركه

ابوفيصل _258 25-06-2007 05:17 PM
رد: باركو لي كلبي صار ينبح ؟؟؟؟
 
اقتباس:
المشاركة الأصلية كتبت بواسطة سيف العراقي (المشاركة 286314)
والله مع احترامي للمختصين انا عندي كلبه من نفس النوع نفس العمر يعني عمره تقريبا 6 شهور والله مايرضى حد غريب يوصل عندي لكن اخوي مسالت الخوف عند الكلب عادي ترا بعده صغير وانت زين منك خليت الشخص يجري ورا الكلب يساعد على بناء الشخصيه للكلب لكن حاول انك اتعلمه يوم ينبح ويهجم على حد استعمل معا امر (النهي) لكن اكيد مش على كل واحد يعني ان كان جارك مثلا او احد الاقرباء المتواجدين دائما عندك لكن مش على كل واحد لانك لو علمته على كل الناس انا برائي تبيع الجلب وتاخذ خروف اسود يكون احسن مع احترامي لك
اهلين اخوي سيف العراقي ..........عاد مره وحده خروف اسود على الاقل خروف اشقر وعيونه خضر ....وفعلا انا طلعه بره وشفته يبي يحلق القطط وانا انهي عن هذا الشي ومره اقوله اتاك مع التشجع ....اكيد ماراح يكون مع كل واحد انا احاول ابني شخصيته وارجع الثقه فى نفسه وفى المره الثانيه راح احاول اربطه وخلي صاحبي يحاول يهاجمني وانا جالس انادي كلبي ابي اشوف رده الفعل ....والف شكر اخوي على هذا الرد الجميل ويعطيك الف عافيه.

فايز 25-06-2007 05:45 PM
رد: باركو لي كلبي صار ينبح ؟؟؟؟
 
كل واحد ووجهت نظره

ووجهت نظري إذا تبي تخلي كلبك شخصيته قويه مو بطريقه هاذي انت اول شي صلح الغلط في كلبك وألي هو خوفه من البشر علمه ان البشر مراح يظروونه

بعدين قوي شخصيته زي ماتبي

ثاني خطوه علمه الطاعه الأوامر

يعني لو تخلي كلبك شرس وبدون ماتعلمه أوامر الطاعه وش ألي يقدر يوقف الكلب؟


أخر شي تعلمه الشراسه وفي طرق كثييييره في المنتدى تقدر تبحث عنها عشان يكون شغلك برفكت

وقدامك 11شهر عشان تكتمل شخصية الكلب


وبتووفق


جميع الأوقات بتوقيت GMT +3. الساعة الآن 03:46 PM.
الصفحة 1 من 4 1 234
عرض 40 مشاركات من هذا الموضوع لكل صفحة

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو