|
قصتي مع الكاسكو واستفسار عن البلو فرونتد
السلام عليكم ورحمة الله وبركاته..
اهلا وسهلا بكل من نور موضوعي.. احب اعرفكم بنفسي معاكم مزون قطر من قطر اتمنى ما اثقل عليكم بأول موضوع من موضوعاتي.. بصراحة انا من عشاق طيور الزينة والبغبغاوات خاصتا الكاسكو بديت في تجربتي مع الكاسكو في مايو 2012 كان اليف جدا حتى مع اليهال مايعض وبدأ محاولاته في الكلام بس ما ادري ليش تعبت نفسيته فجأة بعد شهر ماصار ياكل ولا يلعب كلها 3 ايام ومات. ومرة ثانية اشتريت واحد ثاني في اكتوبر 2012 ماكان أليف مثل الاولاني بس دربته لدرجة اطلعة يتمشى في الحوش بس من اسبوعين حك عينه وشمخ جفنه وديته البيطري عطاني له جل انتيبايوتك احط على جفنه مره في اليوم وفيتامينات احط قطرة في الماي بعد يومين راح الانتفاخ وبدت عينه تصكر وديته لمحل اتعامل وياه وريته عين الكاسكو قال لي عادي هذا الجرح ناشف وبيطيح عشان جذي نازل جفنه وعطاني قطرة تنظيف عاديه بس انا ماعرف احط القطرة قلت انا بخليه عندك يومين وانت حط له القطرة وباخذة بس الكاسكو تعبت نفسيته ومرض ومات امس. من قبل نصحني البياع وقال لي مناعة الكاسكو عموما ضعيفة وقال ان الامازون بلو فرونتد مناعته اقوى. عندي اسئلة حول الامازون بلو فرونتد.. هل بالفعل مناعة الامازون اقوى من الكاسكو؟ ويتكلم بمستوى الكاسكو؟ وبنفس ذكاء الكاسكو؟ وبنفس لعب ومرح الكاسكو؟ هل الامازون حساس ويزعل مثل الكاسكو؟ تنصحوني بالامازون بلو فرونتد ولا لا؟؟ وشكرا لكم جميعا |
رد: قصتي مع الكاسكو واستفسار عن البلو فرونتد
اخوي انا من وجهت نظري ان الامزون افضل من الكاسكو لان مناعته قوية وجريء ومايستحي من الغرباء
ومناعته ما ادري بس على ما اظن انه اقوى من الكاسكو اخوي الظاهر ان الكاسكوات الي عندك كانت هولندية انتاج مزارع عشان كذا هي ضعيفة المناعة س / الطيور الي كانت عندك محجله ؟ |
رد: قصتي مع الكاسكو واستفسار عن البلو فرونتد
انا اشتريت كاسكو هولندي وقعد معايه شهر ومات وقبل سنه اشتريت كاسكو هولندي واعتنيت فيه اكثر مااعطيه من اكل البيت بس فصفص ومويه وتعلم الكلام بس للاسف من داخل القفص يتكلم لما يطلع على يدي أو يكون جنبي مايتكلم علشان كده افضل لك الامازوني ( من غير تفكير ) بس حاول تشتريه صغير في السن علشان يتعلم الكلام ومناعته اقوى من الكاسكو بس عندي ملاحظه مادام طيرين ماتوا اكيد فيه خلل في النظام الغذائي أو انك تترك الببغاء يلتقط في الحوش ( أوساخ ) وانتم بكرامه , علشان كده حاول تعتني فيه اكثر ( وتراقبه ) . تحياتي .
|
رد: قصتي مع الكاسكو واستفسار عن البلو فرونتد
السلام عليكم ورحمة الله وبركاته اخوي اول شيء الافريقي بغبغاء متكلم ممتاز والبلو فرنتد نفس الشيء نعم مناعه البلو فرنتد قويه بس انا اتوقع انو في خلل عندك في النظام التغذيه او النظافه او الاجواء هاذي مسببات الامراض لاي بغبغاء سوا الكاسكو او الامازوني فااتوقع في خلل عندك ياريت تراجع المواضيع في المنتدى وتشوف الاشياء التي اخطيت فيها انا اعشق الكاسكو ولله الحمد مافي شيء مات عندي سواء هولندي او صيد ولله الحمد والشكر انا اخذ احتياط لكل شيء وهذا توفيق من رب العالمين اخوك سلطان |
رد: قصتي مع الكاسكو واستفسار عن البلو فرونتد
اخي الكريم حكاوي..
اشكرك على المعلومات .. الكاسكوات اللي شريتهم كانوا محجلين :( |
رد: قصتي مع الكاسكو واستفسار عن البلو فرونتد
اخي فهد جمعان..شكرا لك..
بالعكس والله القفص انظفة كل يوم والماي ابدله كل شويه والاكل نظيف.. بس الاول تعبت نفسيته من اليهال.. والثاني طلعته معاي للسوق عشان اوديه المحل لان عينه مخدوشة والظاهر ضربه الهوا مع اني حاطته في سله مصكرة من فوق بس للاسف مات.. |
رد: قصتي مع الكاسكو واستفسار عن البلو فرونتد
اخي عاشق الكاسكو...
رديت عليك مع الاخ فهد :) |
رد: قصتي مع الكاسكو واستفسار عن البلو فرونتد
اخواني الاعزاء ..
اذا كنتوا متابعيني ابي رايكم في الامازوني يلو وينج .. |
رد: قصتي مع الكاسكو واستفسار عن البلو فرونتد
اخوي اذا كنت تبيه للكلام ما انصحك فيه لان كلامه قليل
خذها نصيحة مني افضل انواع الامازون دبل يلو هد اليلوناب |
رد: قصتي مع الكاسكو واستفسار عن البلو فرونتد
اخوي اذا كنت تبيه للكلام ما انصحك فيه لان كلامه قليل
خذها نصيحة مني افضل انواع الامازون دبل يلو هد اليلوناب |
| جميع الأوقات بتوقيت GMT +3. الساعة الآن 11:41 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو