|
وش سالفة الببغاء المستورد والببغاء تبع المزارع (الطبيعي)
انا قريت مره واحد يقول وش احسن الببغاء المستورد ولا الطبيعي
وشلون يعني ما فهمت لاني انا اريد ان اشتري ببغاء وش اشتري مستورد ولا تبع المزارع ( طبيعي) |
رد: وش سالفة الببغاء المستورد والببغاء تبع المزارع (الطبيعي)
شباب وينكم
عطونا شي ردو افيدونااااااااااااا |
رد: وش سالفة الببغاء المستورد والببغاء تبع المزارع (الطبيعي)
حياك الله مشاكس ,,,,
الببغاوات انتاج المزارع ... عادةً تكون افضل ,,, بسبب الالفه على على الانسان ... لان من صغرها وهي متعودة على الناس الي يربونها في المزارع .... عشان كذا ماتكون كثيرة الخوف من الناس ويمكن تربيتها بسهوله في المنزل فهي غالباً لاتعض ولاتصرخ (اصوات مزعجة) ولاتجفل من الناس ... وعموماً الببغاوات انتاج المزارع تكون المعامله الي تلقتها ممتازه بس قيمته عاليه ....عشان مصاريف المزرعة اما الببغاوات المستوردة نوعين .... النوع الاول الي هو انتاج مزارع ينطبق عليه نفس الكلام الي قبل شوي ... والنوع الثاني هو الي تم اصطيادة من البريه ... فيه ناس تقول ان النوع هذا هو الافضل للتفريخ .... ميزته ان سعره اقل ...من انتاج المزارع وهي ايضاً قسمين كبيره في السن وصغيره الكبيره في السن هذا اذا فيك خير دخل اصبعك عنده :D ... يعني يكون متوحش ويكره البشر ولاراح يتكلم .. او يردد جمل ... واحتمال يكون فيه امراض واحتمال يكون فيه حشرات ... واما الصغيره في السن هذي ايضاً ممكن يكون فيها امراض .. او حشرات .. لاكن ممكن تتعلم بعض الكلمات وشوية جمل .... وممكن تتوالف مع البشر مع الوقت .... فيه ياطويل العمر مقاييس كثيرة تنطبق على ببغاوات المزارع والببغاوات المصيودة من البريه ببغاء المزارع لحاله له عدة اقسام !!!! ... لان طرق العنايه والمعاملة ممكن تغير من صفات الطير فيه بعض النقاط الي ممكن تغير في شخصيه الطير وتجاوبه مع البشر ... بعض النقاط زي تم اطعامه باليد ام ترك لوالديه لكي يرعيانه ؟؟ هل تم فصله عن بقيه الببغاوات ام ترك معها ؟؟ وبعض النقاط المهمه الي تحدد الميزات الشخصية للطير زي مدى قابله الطير للتعلم والولفه مع البشر ... واما الببغاوات المصيودة فتقريباَ السؤال الاهم هو ,,, هل هو كبير ام صغير في السن ..؟ فيه حاجات كثيرة تاثر على الطير ... واي شي يؤثر على كل شي ... فلاتتعب دماغك بالحاجات هذي والتفاصيل الدقيقه يكفي انك تلقى طير صحته عال العال وريشه ممتاز ولايتخبط في القفص اذا اقتربت منه وانت بكرامه اذا برازه مش سائل ويوقف على المجثم ويتابعك بنضره اذا اقتربت منه ويتجاوب معاك اذا اقحمت اصبعك داخل قفصه وهذا هو الاهم :) ويا اخ مشاغب .... انتضر الردود ولاتستعجل ,,,, ومالك الا الي يرضيك يالغالي تحية الطاير |
رد: وش سالفة الببغاء المستورد والببغاء تبع المزارع (الطبيعي)
ما شاء الله الأخ .. الطاير ما قصرت معاك :D بالتوفيق |
رد: وش سالفة الببغاء المستورد والببغاء تبع المزارع (الطبيعي)
مشكور جدا اخوي الطار على التجاوب
لا اكون بس اتعبتك ولاشي والله يعطيك الف عافيه |
رد: وش سالفة الببغاء المستورد والببغاء تبع المزارع (الطبيعي)
الاخ الطاير يمكن ما خلى لنا شي نقوله حتى
مشكورين على العموم اخي الطاير على هذه المعلومات و مشكور اخي مشاكس على السؤال لان احيانا تمر علينا اشياء لا نعيرها اهتماما لكن نرى بعد ذلك ان لها نقاط مهمة يجب الاخذ بها و الحيطة منها وشكرا |
رد: وش سالفة الببغاء المستورد والببغاء تبع المزارع (الطبيعي)
اقتباس:
أبصم لك بـالعشرة إنك مبدع يـــالطاير ما شاء الله عليك تبارك الرحمن http://www.2zoo.com/vb/images/icons/icon14.gifhttp://www.2zoo.com/vb/images/icons/icon14.gifhttp://www.2zoo.com/vb/images/icons/icon14.gif أخوي مشاكس أعتذر على عدم الرد لأني لو رديت راح أكون كررت ما قاله أخوي الفاضل الطاير اللي ما خلى لي شي أقوله بعد ..... يعطيك ألف ألف عافية أخوي الطاير على الرد المميز وبارك الله فيك يا أخوي الغالي مشاكس وإنشاء الله إنك تلقى طير مزارع تمام وعال العال وعلى فكرة يا أخوي مشاكس إذا كنت بالرياض عطني خبر وابشر باللي يجيب لك طير يحبه قلبك بإذن الله لاني أعرف لك محل هناك 100% وراعية مطوع ويخاف ربنا ... أنا بإنتظار ردك يالغالي |
رد: وش سالفة الببغاء المستورد والببغاء تبع المزارع (الطبيعي)
مشكووووووور جدا على مروركم
ويسلمو الأيادي ومتشكر اخوي ( الطاير ) وبالنسبة لأخوي (الجارح) انا ساكن بالرياض عطنا موقع المحل اخوي الله يسلمك |
رد: وش سالفة الببغاء المستورد والببغاء تبع المزارع (الطبيعي)
افضل محل وشريت منه بالطير محل في الريااض اسمه ابو مرضي في سووق الحماام صررراحه اهو الي يختاارلك الطير وانا خذيت من عنده طير هولندي ... صررراحه مااقعد عندي اسبوع الي اهو ويطلع بالبيد ولايعض ولا يجعر وانا سمعت وانا بالشرقيه ورحتله وانا اقولكم رووحلوه وشرط منتواا خسراانين شي .
|
رد: وش سالفة الببغاء المستورد والببغاء تبع المزارع (الطبيعي)
مشكور و إنشاء الله نمرله
|
| جميع الأوقات بتوقيت GMT +3. الساعة الآن 05:10 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو