|
رايكم بالفرخ + استفسار بسيط
السلام عليكم ورحمة الله وبركاته
اول شي احب اخذ رايكم بهالفرخ عمره تقريبا 6 شهور ماشاءاللخ تبارك الرحمن http://www.2zoo.org/uploads/13500716391.jpg http://www.2zoo.org/uploads/13500716392.jpg http://www.2zoo.org/uploads/13500716393.jpg طيب نجي للأستفسار الطير شريتله اكل مشكل فيه كل شي ماعدا الحب الشمسي <<<-------- عشان استخدمه كمكافئه لكنه ما ياكله اعطيه حب شمسي يلعب فيها و يرميها قلت يمكن صغير بعده عطيته حبوب حمص (نخي) هم يلعب فيها ويرميها الطير شريته امس و من امس ما اكل شي علما بأن صحته تمام و يصفر خفيف ويطير يجيني لكن مشكلتي مع الاكل هل من اقتراحات ؟؟؟؟؟؟ |
رد: رايكم بالفرخ + استفسار بسيط
وعليكم السلام ورحمة الله وبركاته
ماشاء الله تبارك الله مبروك عليك الطيـــــــر مشرفنـــا القدير من المفروض تسأل صاحبه الاول ايش نوع الاكل المفضل له وكيف كان نظامه الغذائي , علشان الطير مايمر بحالة توتر من تغير المكان والاكل , ومن الطبيعي الطير ماراح ياكل او يشرب بشكل طبيعي لان المكان جديد عليه , لو تراقبه عن بعد راح تجده انه ياكل لما يكون لوحده وهذي من صفات الرمادي الخجول , ويمكن يستمر على الوضع يومين ثلاثه . راح ياكل شي بسيط قد لاتعرف من قلته. مبدئيا : اعطي الطير راحته لاكتشاف المكان والتعرف على مربيه واعطيه ماتقدر توفره من اكل وهوا له حرية الاختيار ولا تخرجه من قفصه الا بعد اسبوع حتى لو كان اليف, ومسالة التدريب لا تبدا فيها الا بعد اسبوعين لكي تجعل وقت كافي لتعلق الطير فيك واحساسه بالامان ويساعده على التركيز معاك بالتدريب . دام حركته ونشاطه طبيعيه وفضلاته ( اكرمك الله ) طبيعيه ’ لاداعي للقلق بياكل من نفسه في الايام الجايه وبتتعدل شهيته باذن الله . * الطير عمره صغير ( وفر له المكان الدافي وبعيد عن التيارات الهوائيه البارده ) بالتوفيق |
رد: رايكم بالفرخ + استفسار بسيط
الله يجزاك الف خير ياخوي تشارلي
الطير شاريه من محل و كان حاطله حب شمسي و مايبين عليه نوع من انواع التوتر بس اول مايشوفني ينزل من العصاة الي بالقفص و يحط منقاره بالزاوي و كأنه يركظ بمكانه يبي يطلع و اذا طلعته دايم يجي عندي لو كان بعيد يطير و يجي على يدي و ما اتوقع انه ياكل حتى في غيابي لان الارضيه مافيها غير البراز اكرمكم الله عالعموم اشكرك جزيل الشكر على المساعده |
رد: رايكم بالفرخ + استفسار بسيط
بالظبط اخوي ،، الطير راح يعمل حركات مثل حركة الثيران وكانه يدفع براسه شبك القفص ويحفر بارجله
مرت عليك هذي الحاله مع كل طير جديد اجيبه للبيت وخاصه الفروخ من نوع الرمادي , بعد ثالث يوم راح يتغير من ناحية الاكل . بالتوفيق |
رد: رايكم بالفرخ + استفسار بسيط
اشكرك مره ثانيه على هذا التفاعل
طمنتني عليه الله يعطيك الصحه والعافيه وعساك عالقوه |
رد: رايكم بالفرخ + استفسار بسيط
ماشاء الله تبارك الله مبروك عليك الفرخ المزيون عمره مثل ما تفضلت هولندي محجل ذهبي ريش جميل ولون رائع رقبه زرافه ماشاء الله
بخصوص الأكل نقول فيه ما يلي \\ حاول تخلي الطير معلق بمكان مرتفع وبغرفه لوحده ووفر له البطاطس المسلوقه والذرة والبليله والحب الشمسي والفول السوداني وخلي الأضاءه خافته وان شاء الله بياكل ان ما اكل الطير قد يكون ما زال غير مفطوم على الغر ولابد ان ينغر ان ما اكل ولا قبل الغر راقب براز الطير وانفه ان كان هناك في الأخراج سائل كثير او كان مخاط على الأنف خلي طيرك بمكان مافيه اي تيار هوائي وافينا بالتفاصيل اول بأول موفق لكل خير |
| جميع الأوقات بتوقيت GMT +3. الساعة الآن 07:29 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو