|
الكاسكو تعقد
السلام عليكم ورحمة الله وبركاته
يا اصحاب الخبره انا شريت كاسكو من سبوعين واول ما جبته كان يغرد ويقول كاسكو وكان ياكل , وبعدها الكاسكو شاف طيور الحب الي عندي وبعد ما شافهم الحين ما ياكل ولا يغرد ولا يسولف عمر الكاسكو 6 اشهر تقريبا ممكن لو في حل اكون شاكر لكم |
رد: الكاسكو تعقد
الحل بسيط اخوي اعزل طيرك لوحده ولا تخليه يشوف طيور الحب وسمعه مقاطع لطيور من نفس النوع عن طريق اليو تيوب وخليه يشوفها وراح يتفاعل معها
موفق |
رد: الكاسكو تعقد
شكرا يا اخي الغالي على السرعه في الرد
الان انا عازله لاكن من امس وهو ما اكل بس يشرب ماء هل في مشكله ثانيه او اخليه فتره على ما ينسى ؟؟ |
رد: الكاسكو تعقد
اهلين اخوي هل الطير خامل ؟
هل برازه الله يكرمك اسهال؟ ~تقبل مروري~ |
رد: الكاسكو تعقد
هلا اخوي
اطير اي نعم خامل لاكن الله يعزكم برازه سليم |
رد: الكاسكو تعقد
ياهوووو اش قصة الطيور وخمولها ومرضها هالايام؟؟
|
رد: الكاسكو تعقد
هل انت معرض طيرك على تيارات هوائيه بارده او في مكان معتدل
|
رد: الكاسكو تعقد
لا والله مخليه في مكان معتدل يعني 25 درجة
انا وديته للبيطري وقال انه فيه بكتيريا وصرف لي هذا الدواء ل 10 ايام multi-vit 5 قطرات bogena asticycline ملعقه في المشربيه وانشاء الله تتحسن حالته واذا في ارء من اهل الخبره نسمع منهم وشكرا لكل من تجاوب مع موضوعي |
رد: الكاسكو تعقد
لو البيطري ........ لا تسمع له اولا
عطه خلطة الليمون مع الثوم وعطه فلفل اخضر علب واحد وان شالله يصلح الموضوع |
رد: الكاسكو تعقد
بدام أن الكاسكو عمره 6 شهور عيل توه فرخ أنت جابله ومسح عليه وحاول توكله بيدك ونوعله بالأكل مو بس حب شمسي عطه فواكه مثل التفاح ونوعله بالحبوب وحاول أنت توكله بيدك ولا تخاف أنا كان عندي كاسكو مر على هالحاله بس أهو حده 3أيام وتلقاه ياكل إنشالله وأنت أيضاً دلعه بالأكل ونوعله مو بس حب شمسي
وتقبل مروري |
| جميع الأوقات بتوقيت GMT +3. الساعة الآن 02:54 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو