|
اغوانتي ماعاد تمشي ؟ تكفون ساعدوني
بسم الله الرحمن الرحيم
السلام عليكم ورحمه الله وبركاته لو سمحتم يا اخواني وخواتي اذا ممكن احد يساعدني بغوانتي ميمي اول كانت صحتها ممتازه وتلعب وتطمر من مكان لمكان ودائما تكون على كتفي وخليها تتمشى بالبيت واذا كنت مشغوله بالمطبخ احطها على راسي جلست معي حوالي 7 اشهر وهي ابصحه وعافيه وحاطه لها بيت خاص فيها وانظفه لها واوكلها خضار وفواكه وورقيات من خس وجرجير وغير الجبن بس ماكثر منه يعني مره بالاسبوع بس وشتريت لها اكل جاهز وخاص بالاغوانا ( حبوب ملونه ) وقالي الرجال اعطيها حبتين منه بالصباح بس المشكله بدت من شهرين ونص انتقلنا لبيتنا الجديد ولها حوض وسط قزاز ومع النقل كسرووو العمال ولا قدرت اروح اشتري لها وكل يوم يجي واخواني يواعدوني على الاسبوع الجاي ولا اشتريت وحطيتها بقفص العصافير مؤقتا يعني بس بالليل احطهااا تنوم فيه او اذا طلعت برا البيت واما باقي الاوقات معي وصار جلدها يتقشر وينشف على جسمهاا اول شي بدا من بدايه رقبتها اللين ماوصل لذيلها وصرت اسبحها يوميا وبالقوه طاح اللي بظهرها والباقي ماقدرت اشيله لها وصار لون الجلد اسود وله ريحه عفنه وباقي جلدها باااااااااااهت وخشن غير اللي بظهرهاااا طااااااااااااح كله وماعاد بقى شي منه ومن بعدها ماعاد تقدر تمشي وترتجف وجلست اسبوع الا رجليها ويدها ورمت بشكل مخيف حتى صارت العضله قاسيه والمفصل اليد او الرجل ضعيييييييييييف ( ابتعرفون وش اقصده بالصوره ) واللحين صارت بس بمكانها حتى لو احطها على كتفي تطيح ماتقدر تثبت يديها علي او وهي تزحف لازم تقاوم وتبي ترفع نفسها ولا تقدر وتنتظرني اشيلهااا تكفووووووووووووووون ساعدوني بنتي ميمي اشوفهااا تتألم قدامي ولا اقدر اسوي شي وعلى فكره رحت لكذا بيطري وكلهم مايعرفون يتعاملون معهااااااا ورحت لواحد عطاني مرهم لظهرهاااا وصارت بس تخبط ولا قدرت ارجع له مره ثانيه عااااااااااااااارفه والله اني كثرت بربره بس والله اني متضايقه وبعض الاحيان ابكي وهي تناظرني وانا مقدر اسوي لها شي قلت اقول لكم السالفه من اولها الا اخرها يمكن فيه شي انا غفلت عنه ولا سويته انتظركم تساعدوني وهذه صورها يوضح اللي بجسمهااا كله http://im13.gulfup.com/2012-07-18/1342581299351.jpg http://im13.gulfup.com/2012-07-18/1342581299952.jpg http://im13.gulfup.com/2012-07-18/1342581299223.jpg http://im13.gulfup.com/2012-07-18/1342581300994.jpg http://im13.gulfup.com/2012-07-18/1342581300185.jpg انتظر مساعدتكم لي والله لا يوريكم مكروه بحيواناتكم العزيزه وشكرا لكم فمان الله |
رد: اغوانتي ماعاد تمشي ؟ تكفون ساعدوني
اول شي الاسباب من الدرجة الحراره هذا شي مبدئي أقوله
+ الرطوبه منخفضه جداً بحكم انه قفص + ما تعرضت للشمس متأكد كل هالأشياء ما كانت متوفره بالفتره الأخيره الحل انج تعوضينها عنهم الحوض لازم تاخذينه و يكون مسكر + اخذي لمبه UVA/UVB + لا تنسين الرطوبه و الحراره يكونون مضبوطين و لو حصلتي بودرة الكالسيوم يكون تمام مرتين بالأسبوع مع الاكل و اهم شي تشمسينها و تكون تحت اشعة الشمس مباشرة و لا تبقى مده طويله بسبب جونا الحار جداً و لو انها حالياً ما زالت تاكل أنشالله ما يكون في خوف لكن انتبهي و عجلي لأن حالتها للأسف .. بالتوفيق و تتعافى انشالله .. |
رد: اغوانتي ماعاد تمشي ؟ تكفون ساعدوني
يعطيك العافيه اخوي || PyTHoN ||
على نصايحك وماقصرت تيب وين احصل بودره الكالسيوم وكيف احطها لها بالمويه ولا اخلطه لها بالاكل وان شاء الله بحاول ازن براس اخواني وفصل لها حوووض |
رد: اغوانتي ماعاد تمشي ؟ تكفون ساعدوني
ألله يشفيها والله كسرتي خاطري يا رب تشفى
|
رد: اغوانتي ماعاد تمشي ؟ تكفون ساعدوني
انا عندي اغوانا تعاني من نفس مشكله الرجل القاسية...راح اوديها لدكتور بيطري ان شالله نهاية الاسبوع ده...
راسلني على الخاص وابقى على اتصال معي ادا حبيت اقلك اش المشكله مع الرجل القاسية (كده انا وفرت عليك تسعيره الاشعه والفحص) و على كلام البيطري في الهاتف المشاكل هده من نقص الحراره والرطوبه و يمممكن نقص في الاكل (من ناحية الفيتامينات والكالسيوم) او رضوض في العظام. ايضا ادا حبيت تواصل معي على الخاص ادا تبغى الكالسيوم..اقدر ادبره لك و اعطيك تسعيرته. انا في الشرقيه تمنياتي لك و لها و للقراء بالصحه والعافيه. |
رد: اغوانتي ماعاد تمشي ؟ تكفون ساعدوني
اقتباس:
الله يقومها لك بسلامه يارب وجزاك الله كل خييييييييييييييييير اخوي المشكله مالقيت بيطري يفهم بالزواحف ابداااا بنتظار ردك فمان الله :confused: |
رد: اغوانتي ماعاد تمشي ؟ تكفون ساعدوني
اقتباس:
الله يسمع منك |
| جميع الأوقات بتوقيت GMT +3. الساعة الآن 12:11 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو