هامسترتي الحامل عينها مغلقه !!!
 

السلام عليكم ورحمة الله


بعد المتابعه تأكدت ان الهامستر حامل وشفت بطنها عريض قليلا و تاريخ 18/7 يصير لها من التزاوج 18 يوم يعني احتمال تولد من تاريخ ( 15/16/17/18)

الان نظرت اليها عينها مغلقه ومورمه قليلا :(

ما اعرف السبب ممكن يكون من الذكر لاكن انا عزلتهم عنه

امس وانا نايمه اتصلت علي صديقتي قمت من النوم و انا اكلمها:confused: الا شفت القفص الي فيه الذكر قططي اسقطوه من فوق الكبت:eek:
وكسروه و هو مختبئ فيه :(

قمت وسكرت التلفون و خذيت الذكر و حطيته بالقفص مع الانثى عشان اصلح القفص الثاني

:wao: كانت تلحقه و تضربه و هوا يصرخ

رديت و شلته و حطيته بكرتون و صلحت القفص ورديته بالقفص

الحين جيتها لقيت عينها مورمه :( شسوي ممكن تكون تهاوشت معاه او تسكرت كذا

عندي معقم عيون للانسان وللقطط

يصير احط بعود اذان و امسح على عينها:confused:

ايش العلاج بسرعه لان ما اقدر امسكها و ما تسمح لي ان امسكها


يصير اخليها كذا لين تولد ولا خطر و ممكن تعمى ؟؟:(

رد: هامسترتي الحامل عينها مغلقه !!!
 

لا مو ممكن لانه راح تتورم زيادة وديها للبيطري و كوني ضامنة من ان البيطري كويس

رد: هامسترتي الحامل عينها مغلقه !!!
 

للاسف ما اقدر لان القفص الي هي فيه كبير و هي حامل ما تسمح لي اشيلها اذا شلتها تنقلب و تطيح مني وتتعور

والبيطري بعييييييييييييييييييييييييد حيل عن المكان سكني :(

رد: هامسترتي الحامل عينها مغلقه !!!
 

غلط كبيير كبيير كبيير جداً آنك تحطي آلذكر مع آلـآنثى وهي منفصلة عنه من قبل ..

لـآنهآ تعبره دخيل ورآح تدآفع عن بيتهآ .. فـ كيف وهي حآمل .. ><

كمآ آن آجهآض آلـهآمسترآت يكون على طرف .. ولـآتّفه مشآجره ..

آلـآن بمآ آنك فصلتيهم .. فـ لـآ تجمعينهم مره ثآنيه ..

وتآكدي من آن آلـآنثى مآفيهآ ضرر غير ع آلعين ..

ونظفي آلجرح بـ منديل مبلل ..

وآخلطي شوية مرّه مع موية دآفية .. وبللي منديل بهآ .. وآمسحي على عينهآ ..

مرتين في آليوم تقريباً .. ورآح تتشآفى بسرعة ..

ومآ يصير آلـآ آلخير آن ششآء آلله .. =)

وآنتبهي على آلهآمسترآت من آلقطط لـآنهم هم من بدأ بآلمشكلة .. ^،^

رد: هامسترتي الحامل عينها مغلقه !!!
 

ما حطيته الا دقيقه يمكن و سمعت صراخه يهرب منها و جيت و حطيته بكرتون

هي الي كانت تهجم عليه و هو ماكان يضربها هو كان ينحاش :(

وعلى فكره اليوم لاحظت عليها ان بطنها كبر شوي و طلعو حلمات الحليب و خايفه امسكها و معششه في كل مكان في القفص الله يقومها بالسلامه

راح اسوي الي قلتي عليه وان شاء الله خير

رد: هامسترتي الحامل عينها مغلقه !!!
 

المره الي كنه حجر ؟

رد: هامسترتي الحامل عينها مغلقه !!!
 

لو ما حطيته معاها كان كلوه قططي :(

قططي كبار و الذكر بصراحه اقوا مني ما اقدر عليه انا لما اسبحه يهد حيلي ما اقدر عليه:confused:

رد: هامسترتي الحامل عينها مغلقه !!!
 

عزيزتي marshmallow


سويت مثل ما امرتيني جبت قطن و حطيت فوطه تحتها و شلت الولب الي هي فيه و مسحتها شويه بماي دافيه بقطن و بعدها بماي دافي و شويه مٌره و انفتحت عينها بس خط احمر من فوق الحين لي العين

ان شاء الله بأستمر على الي قلتي عليه لين تخف تماما

شكرا لكي

رد: هامسترتي الحامل عينها مغلقه !!!
 

شوفي خيتو في منتدى انا دخلته وكنت اعاني من نفس حالتج بس موب من هوشه
طلع من حرارت بيت همستراتي صار في اوساخ سببت تسكيره في العين
دخلت منتدى حق حيوانات في قطره اسمها (ريازولين) وكانت تقول فتحت عين همسترتها ورخيصه بعشرين لو ماخاب ظني
المهم رحت شريتها هو اصعب شي حطت القطره وكنت لما احطها اخاف تأذيها لأنها حقت بشر وتنباع بصيدليات
ولكن تعجبت من النتيجه اني اول ماحطيت القطره فتحت عينها !!!!
استمريت يومين وصارت ماشاء الله ممتازه
هذي صوره القطره وللمعلوميه الصوره من المنتدى الي خذيت منه المعلومه موب مني
.
http://dc03.arabsh.com/i/00586/pykozas48gt6.jpg

رد: هامسترتي الحامل عينها مغلقه !!!
 

اي هذي نوع من انواع القطرات المعقمه

انا عندي قطره معقمه بشريه استخدمها لقططي ايضا ومافيها مشكله بس خفت استخدمها للهامستر قبل ما اسأل

شكرا لك