|
ضآيق صدري , موقف غريب من جروتي يتكرر
آلسلآآم عليكم ورحمة الله ,
آنآ آشتريت جروه ‘‘آنثى روت ويلر ‘‘‘ قبل شهرين تقريببآ , وكان لما شريتها شهرين عمرها الان 4 شهور , لما جبتها آعشقها وادلعها وهيك ولطيفه , ومرات ااحسها بتفهمني حيل كل ماكبرت بتكون آشرس علي , يعني ممكن العب معها وتحاول تعضني وتطلع صصوت الغضب معرف اسمه لكوني مبتدئ لكنها بدقيقه تنقلب علي , مره ككنت امشي معها ووقفت هي , وانا كملت مشي تقريبا مشيت اقل من متر وجاتني بققوه وتضربني بيدينها , وتجيها حالات تبي تتسلقني , بالعاده اذا شافت شي غريب ,تنبح لكن ألآن كل شوي تنبح , حاولت العبها لين تتعب وتنام لكن مافي فايده انهد حيللي و من يوم ماشريتها مره احط لها انا اكل ومره اهلي لن انا مابيها شرسه ابيها اليفه , وانا آحبببهآ ومتتعلق فيها حيل مابي اخسرهآ , وجدولي معها , نطلع عشان العبها من الساعه 4 الفجر الى 6 وربع و اطلعها 8 بعد صلاه العشا الين 9 منها نلعب بالكوره وتجري وتهجم علي , لدرجه مره تحاول تعضني للو مانحشت كان ماكلمتكم اليوم , ! ومن المواقف الي يوميآ تصير لما اطلع انا للحوش معها , ويركض اي احد تلحححقه وماتتركه تحاول تعضه وتأذيه , وهي من النوع الخجول مدري كيف ! , يعني امسكها بالليش واحاول نطلع لشارع مو راضيه تخاف احاول اشجعها مو راضييه ابد , تقريبآ هذي مشاكلي مع كلبتي مادري وش الحل |
رد: ضآيق صدري , موقف غريب من جروتي يتكرر
اخوي كلبتك صغيره والتصرفات اللي تشوفها كلها تصرفات جراء طبيعيه .
اعتقد ان الكلبه صحتها و نشاطها ما شاء الله عال العال .. وهذا ان دل على شي دل على حسن اهتمامك . اما من ناحية اللعب حتى التعب الحقيقي هذا ما انصح فيه بهذا العمر . لان لسى عضمها لين و هي معرضه اكثر من غيرها لمشاكل الهيبس في المستقبل . لكن لو تبغى تضمن عدم وجود مشاكل هبس ممكن تعلمها السباحه و تخليها تسبح في البحر لين ينزل كل اللي في راسها. عموما .. انا غالبا اخذ كلب واطلع اجري فيه تقريبا شبه يومي . اذا تبي تشوف كلبتك تترجاك تروح البيت عشان تنام جيبها يوم و خلها تجري معي :D . |
رد: ضآيق صدري , موقف غريب من جروتي يتكرر
وعليكم السلام ورحمة الله وبركاته
الجراءه والنباح والهجوم شي ممتااااز جداً " ولـــكـــن " اذا تم تسييره بالطريق الصحيح من كلامك اخي مبين انك ماتعرف تتعامل معها بالشكل المطلوب الروت يحتاج شخص فارض شخصيته " وبوضح لك هذه النقطه " الروت كلب واثق من نفسه وشرس اذا بتدلعه وتدلـلــه وتخاف منه ماراح تقدر تسيطر عليها اذا كبر و انا دائماً اقول التأسيس من الصغر يريحك بالكبر ع قولة المثل العود من اول ركزه كلاب الروت كلاب حراسه يعني الدلع ماينفع لها مثل لما تجيب سراج ع بقره ويقولك السرج ماينفع ع البقر كلاب الروت كذا اذا دلعتها فرض شخصيته عليك وبيسيطر عليك اذا كبر " مااخوفك ولكن انبهك عشان تسيطر عليها " نرجع للنقطه الي بوضحها لك انت كل الي تحتاجه هو تنظيم وتأديب الجروه بطريقة عيشها معك واسلوبك والجروه مبين انها ذكيه مشاءالله و راح تفهم ابسط حركه منك خصوصاً انها بفترة بناء شخصيه واحنا مانبي نهدم شخصيتها بالعكس نبي بس نهذب شخصيتها نبدأ خطوه خطوه : اولاً : التعامل العام وتحديد القائد والتابع : قبل ك شي لازم تنظم جدولك فمثلاً ان تقوم بهذا الوقت تطلعها تمشي بالحوش شوي و ع كيفها بهدين تخصص وقت تدريبات و تخصص وقت تلبسها الليش وتخليها تمشي جنبك وتتعود ع الليش و بوقت معين يكون وقت اكلها و وقت معين تدخلها لقفصها وهكذا فـ ترتيب حياة الجرو واسلوبه وطريقته يرجع رجوع تااام لاسلوب وطريقة صاحبه و انت اكيد تحطها بغرفه او قفص اذا حطيتها بالقفص او الغرفه ومتأكد ان كل امورها كويسه اي ( لاتشكو من شي ، غير جائعه ، الماء موفر عندها ، درجة حرارة المكان مناسب ، العابها موجوده ) وقامت تنبح انتبه تروح لها اكتفي انك تتطمن عليها بدون ماتشوفك لانها اذا شافتك بتحط فبالها انها كل ماتنبح بتجي انت و الان نجي لوقت خروجها من الغرفه او القفص اذا جت تطلع لا تطلع من مكانها الا وهي جالسه يعني عطها امر الجلوس واذا جلست طلعها ان شاءالله لو جلست نص ساعه ماطلعت لاتطلعها عطها مهله ١٠ دقائق اذا ماطبقت الامر اغلق الباب و روح ربع ساعه وارجع لها وهكذا فائدة هذا الفعل انك تعلم الجروه ( الصبر و الاحترام و انك انت القائد وهي التابعه ) مأتي الان اذا طلعت من مكانها ودها لمكان قضاء الحاجه ع الفور خلها تقضي حاجتها " اعزك الله " بعدين خلها تروح تركض وتلعب واذا كانت من النوع الي اول ماتطلع تنط عليك وتعضك حاول ماتروح لها الا ومع كوره اول ماتخلص ع طول حمسها بالكوره وارمها لها تكون تركض بحماس للكوره ولا تأذيك وطلع طاقتها ع طول بالركض ورا الكوره نجي الحين اذا نبحت عليك او فـ وجهك " انــتــبــه الف مرا انك تهرب او تتراجع ولو خطوه لورا " اذا نبحت عطها عين حاره وتقدم لها بدون ماتنحني ولكن خلك حذر ونبيه وتوقع اي شي منها " يعني خذ احتياطاتك " تقدم لها وانت معبس او معصب وقولها " نو " او " اوشش " او " كوم داون " او " كوايت " بتلاحظها اول مرا تتعجب من فعلك هذا واحتمال تزيد بالنباح او تعض !! ولكن حط فبالك " مستحيل تعضك لدرجه انها تقطع يدك " ممكن تعضك عضه خفيفه عشان تخوفك بس قولها نو ولا تخاف هي احد الامرين اما انها تهدأ وتجلس وتسكت او انك تجيب الليش وتمسكها وتقولها " ست " اذا جلست كويس واذا ماجلست دخلها لمكانها او قفص مخصص للعقاب ولا تحط عندها اي شي بس هي والارض واتركها نص ساعه وبعدين ارجع لها واذا كررت الفعل كرر العقاب بعدها ماراح تعودها ونصيحه لك اذا بتم بخوفك كذا واذا نبحت هربت انت ماراح تقدر تسيطر عليها اذا كبرت تخيل شكلك جروه تنبح وانت تهرب حاول تكسر الخوف هذا فيك ترا ماراح تاكلك ولا تعضك لدرجة انها تقطع يدك ولكن خذ حذرك عشان لاتتعور و حاول ماتعطيها اكلها ولا مويتها الا لما تجلس قدامك بأدب وبعد كذا عطها اكلها او مويتها وشجعها كل هذي امور ممكن تستهين فيها لكن هي حجر اساس لتهذيب سلوك الكلاب و تأسيس الجراء و اي استفسار لاتتردد لك كل الاحترام والتقدير موفق |
رد: ضآيق صدري , موقف غريب من جروتي يتكرر
اقتباس:
اهلين وسهلين , ممكن تعلمني عن مشاكل الهبس ؟ و وش اسبابها , انا ودي آخذها معي للبحر انا اروح للقريه حقت ارامكو ممنوع دخول الحيوانات , اتوقع , مقدر آروح لبحر ثاني تعرف عندنا شعب شوي متشدد بيسوون علي دائره والجروه بتتوتر , انا مثلك يعني ممكن نركض انا معها 10 دقايق تتعب دقيقه ويرجع نشآطهآ ’ :angry: ههههههههه خلاص ببنطلع يوم انا معك وجروتي , :D آسعدني ردك , |
رد: ضآيق صدري , موقف غريب من جروتي يتكرر
اقتباس:
لكن الان تنبح بالبيت ازعاجج َ ربطتها بالحوش , ونفس الشي صرخت عليها نو لآ لكن مافي فايده اخاف تكرهني اذا سويت شي زيادهه , |
رد: ضآيق صدري , موقف غريب من جروتي يتكرر
لابد من اختيار كلمة واحدة حتى يستوعب الجرو معناها
( لا ) ( نو ) ( نهي ) .. الخ ربط الجرو بهذا العمر خطأ المشكله فقط في تملل الجرو مثل ماذكر الاستاذ مصعب والحل هو التمارين الحال نفسه لما تحكر طفل بالبيت وصار يناقز ويتزعل من الضيقه عشان يطلع وحل مشكله التصحيح ماقصرت فيه نونا ولابد من الاستمرار والصبر يوم يومين شهر على حسب شخصية الجرو |
رد: ضآيق صدري , موقف غريب من جروتي يتكرر
اقتباس:
انا اخترت كلمت لآ يعني غلط لكن ماتستوعب لن خلاص ماصارت تهتم لي انا التابع وهي القائد احاول اخليها تمشي وراي بالليش ماتبي ألآ تمشي قدام وتسسبحني حاول ارجعها واعدل ولكن ترجع نفس الشي الحين دخلتها معي بالبيت وتنبح , انا ماقصرت العب معها و أجري واطلع طاقتها لكن دقايق وترجع حصان !! انا انهد حيلي وطايحه بحركه تتسلقني او تتسلق احد من اهلي وتنبح او تحاول العض , صار للي اسبوع نفس الحاله عنيده حححيل , المشكله انا متحملها وصابر لكن النباح المتكرر ليه ! انا جيت عندكم لين خلاص بنفججر , وضايق صدري |
رد: ضآيق صدري , موقف غريب من جروتي يتكرر
هااااااااا الكلبة الحلوه
المفترسة:wao: مين ابوها :eek:مين امها من وين جبتها :D والله الابوين فيهم حراره وشراسه طبيعي جراوتهم يصيرو كذا :D لاكن اتبع تعليمات مشرفنا مصعب ومشرفتنا نونا والمراقب الكبير ابو فهد ولاتزعل نفسك شويت صبر مع خطة في التعليم وسيطرة منك اكثر يعني سوى نفسك وحش:eek: عليها وانت القائد ولازم يفهم الجرو او الكلب ان في شي اسمه خط احمر وبعدين راح تصير الكلبة :88:ميه ميه ولا فراخ الجمعية :88: لو تنزل صور لها اوووه والله مشتاقين نشوف المزيونه المفترسة :D |
رد: ضآيق صدري , موقف غريب من جروتي يتكرر
اقتباس:
آشتريتها من واحد حبوب :D , يب صادق , هذا انا صابر وشوي شوي ان شاء الله تتعدل بس بسئلك كيف اعلم الجروه على خط احمر , لن احس محتاجه هالفتره :D وان شاء الله هالفتره بنزل لها فيديو وصور , |
رد: ضآيق صدري , موقف غريب من جروتي يتكرر
نعم اخي العزيز
جرو صغير كل يوم يكتشف عالم جديد في انتظاره وهو ملهوف على التعرف اكثر ويدفعه سلالته والدم اللذي جاء منه وهو غريزة الثقة في النفس ويحب ان يطور ويستكشف منبع الثقة اللتي بداخله هااااااااااا:D قوة وثقه واستكشاف و و و لاكن صاحب هاذا الاسطورة جديد على هاذي الامور كلنا في البداية عانينا ويمكن اكثر منك كل صغير في العمر يستكشف وهو لايعرف ان هاذا خطر عليه او هو مفيد الى اخ حل المدرب الفاشل لهاذي الامور هو الضرب وحل المدرب المحترف هو اقوى من الضرب هاااااا:D اكيد شرقاوي يقول كيف :12: في نص هجومها واللعب الي فيه عض مع تطنيش لكلامك وانت بصوت عالي Noعيب لا قطع الكلام لها واسحبها الى قفصها بدون اي كلام معها ابدآ واذهب عنها لسعات او بكره كرر معها هاذا النظام لان هاذي الحركه اقوى من ضرب الكلب بكثير طبق كلامي تمام وبعدين قول لنا ايس كلام هاذا كلب صغير :eek: |
| جميع الأوقات بتوقيت GMT +3. الساعة الآن 03:12 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو