![]() |
مربي جديد للحمام
يا جماعة الخير! احبائي
بدي ابدا مشروع صغير في تربية الحمام ذو النوعية الجيدة والمرغوب في السوق المحلي - الاردن. مين بفيدني من وين اجيب حمام (جواز) نقية النوع وبسعر جيد؟ وشكرا للافادة سلفاً |
رد: مربي جديد للحمام
يا هلا ووردة نورت :) يا هلا ب ابن بلدي :) :freind:
اخوووي الغاالي :) تربية الحمام مشروووع رااائع .. اولا عندك مكان التربيه ؟ ثانيا : انت سكان وين ؟ اي محافظه بالأردن يكون فيها سوق ل بيع الطيور ويكون فيه سوق اسمه سوق الجمعه يعني بكره بس انا ما بعرف انت من وين عشان ادلك :) انصحك ب سأل احد اصحابك اللي مربين حمام :) ثالثا : انا انصحك ك بداية انك تجيب اربعة ازواج بلديه يعني 4 ذكور و 4 اناث :) يكونو بالغات عمرهم فوق ال 10 شهور او سنه :) رابعا : المكان يفضل يكون عالسطح :) اذا عندك سطح فاضي وما فيه اية مشاكل .. وهاي صور عدة بيوت للحمام على اسطح البيوت :) اذا بدك تجيب 4 ازواج يفضل المكان شوي يكون واسع :) يعني العرض 3 الى 4 متر الطول 4 متر الأرتفاع 2 متر ونص او 3 متر :) وشوف الصور شبك وعليه من فوق حماية من الأمطار والشمس .. ويفضل تسكر الجهه اللي يدخل منها المطر يعني تكون معرضه ل اتجاه المطر :) http://www.2zoo.org/uploads/13402746793.jpg http://www.2zoo.org/uploads/13402746792.jpg http://www.2zoo.org/uploads/13402746791.jpg تربية الحمام سهله اخي .. يعني انت ب اذن الله تشتري 3 الى 5 ازواج حمام وتكون موفق ب شراءهم :) من ناحية انهم مو مريضين :) ويبدأو يبيضو و يتكاثرو ب شهر او شهرين اذا كانو الأربع ازواج يبيضو ب شهرين يصير عندك قدهم :) لما تروح تشتري عشان تشتري شي مو مريض يجب اتباع الآتي :) امسك الطير من جنحانه عادي ل تخاف اذا فرفر وبدو يطير يكون ماشاءالله قوي ومليح .. اذا لا وخملان ونايم انسا لا تشتريه . انظر الى برازه اجلكم الله اذا فيه اسهال لا تشتريه . انتبه انه اذا بقولك عن اي زوج سواء بلدي او غيير انه سعره رخيص وهيك يكون فيه مشكلة انتقي الأنواع السليمه 100% :) انظر الى عيون الطير وأرجل الطير ورأس الطير يجب ان يكون كلو سليم والعيون صافيتين :) انظر داخل فم الطائر يجب ان يكون طبيعي .. ولكن اذا لقيت حبوب صفراء او بيضاء .. لا تشتريه :) يفضل انك تروح ع واحد من ااصحابك اذا عندك اصحاب مربين حمام انه يعلمك وهو يجيبلك او انت تجيب منو :) انشاءالله اكون افدتك اخي الغاالي اي شي لا تتردد ب اي سؤال اسأل :) اتمنى ان تبقى ب هالمنتدى الرائع اهلا وسهلا :) |
رد: مربي جديد للحمام
اسئل المشرف رائد ملكاوي
|
رد: مربي جديد للحمام
مشكورين اخواني!
انا ساكن بعمان بس بدي اعمل مشروعي بالكرك - لان عندي تسوية بيت (فيها تهوية وشمس ممتازة جدا) ومساحتها 120 متر - يعني الحمام بكيف عليها. لان هناك الجو نظيف وخالي من الامراض ووجود المساحات الكافية للعنايو والنظافة انا عندي خبرة بالحمام - كش - بس كان زمان هلا بطلت تلبق النا هاشغله - ولاني بحب الحمام حاب اعمل مشروع هواية ودخل بسيط ان شاء الله. بس بدي اعرف - وين بلاقي جواز نظيفة (مراسليات - بغداديات - بلق - مساويد - مزهورات - لورنسات .....) واذا في كم السعر؟؟؟ |
رد: مربي جديد للحمام
اخي الحمام يلي بدك ياه متوافر بس الشي الصح الصح صعب تلقاه في المكان يلي رح اقلك عليه
عندك يا سيدي في سوق البلد للحمام (طلوع الجوفة) في قهاوي الحمام كمان في البلد بس توصل المسجد الحسيني اسأل اي حد هناك بدلك هون اتوقع تلقه فيها كل طلباتك بس طبعا السعر الدبل في مجمع الزرقا القديم برضو اسأل هناك في تقريبا 30 محل حمام او اكثر شوي بالنسبة للاسعار بالنسبة للانواع النظيفة النظيفة لكل الانواع يلي بدك ياها مش اقل من 100 دينار لكل نوع عدا المزهور ممكن توخده ب70 او 80 وهاد الحكي لطير النظيف (نخب اول يعني) بصراحة اكثر انه الحمام هالأيام غالي وومكن يوصل سعر المسود الى 600 دينار واكثر كمان وانا والله اخذت زوج ب 250 دينار اخي اذا كنت بدك من الانواع ومش نخب اول يعني شكلها عادي فتتراوح الاسعار من 20 الى 50 وانا بصراحة بنزل السوق بس مشان اتصيد الطيور النظيفة الي سعرها حلو اما لما انوي اشتري زوج بشتريه من صحابي(من البيوت يعني) |
رد: مربي جديد للحمام
خذ الكلام الصح من اخونا اليكس
|
رد: مربي جديد للحمام
اخوي عبدالرحمن و اليكس شرحوا لكـ
كل حاجةة واي خجمةة نحن في الخدمةة ياعزيزي |
رد: مربي جديد للحمام
:freind:
على راسي الشباب صار هيك بدنا موازنه لنجيب 4 جواز نظيفة :confused: شو وضع الاستيراد من الشام هالايام؟؟ |
رد: مربي جديد للحمام
هههههههههههههههه .. اخذ قرض من البنك :) هههههههههههههههه
يا حبيب جيبلك 5 جواز مصريه ع 5 جواز بدليه ع 5 انجليزي ع 5 فرنسي وخلص :) |
رد: مربي جديد للحمام
أخي العزيز
اهلا وسهلا بك مرة اخرى بتربية الحمام بالنسبة لحمام الزينة المرغوب أكثر شي بالاردن ومن خبرتي بالسوق اكثر اشي مرغوب الهزاز ويكون لونه ابيض ومسرول بسروال طويل وعنقور يعني شوشة على راسه والرقبة راجعة لوراء والذيل مرفوع باتجاه الراس ويكون اربع طبقات وهاظ ثمنه تقريبا 60 دينار واللي أقل شوي النمساوي او البلجيكي أو ما يسمى ابو لفحة وهاد سعره تقريبا من 45-50 دينار ويكون مستواه جيد جدا ويمشي بالسوق بسهولة واللي بعده البالوني (هملت) بالطبعة السوداء او الصفرا او الحمرا شرط انه يكون الجسم ابيض بالكامل ماعد الذيل والطبعة اللي على الراس مع وجود تاج يفصل الطبعة عن باقي الراس ويكون المنقار قصير ورفيع وحجم الحمامة صغير وسروال طويل وسعره تقريبا من 35-50 حسب وقفة ونقاوة الطير احسن اشي تجيب من الزرقاء لأنه يكون معه بيض او زغاليل ومضمون وما في امراض وانا في عندي بس بموت عليهم وما ببيع بالمرة بحس حالي كاني بايع حد من الاولاد |
جميع الأوقات بتوقيت GMT +3. الساعة الآن 06:36 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو