|
الببغاء العنيد حقي مريض
السلام عليكم ورحمة الله وبركاته
اخواني أنا الطير حقي صاير يعطيني وجه وصاير جميل بادي ينطق بشكل صحيح مو واضح ..بس الكل يقول سمعناه يقول يعقوب صارتت طلعته على يدي أسهل من اول المهم صايره اسمع صوت من خشمه مثل طفل مزكوم... و تطلع فقاعات ( الله يكرمكم ) من خشمه واليوم يعاطس قد وديته قبل لكذا دكتور ونفس الدواء البودره يعطوني استمريت احط له زنجبيل وكأنه تحسن ويوم وقفت .. مو انه صار سيء عادي بس رجع شوي مزكم.. صحيح هل لازم تنظف خشمه مثلا ..لان لاحظت في بياض بسيط وخايفة يتطور؟؟ |
رد: الببغاء العنيد حقي مريض
نسيت نقطه
يهز راسه بعنف..كأنه ينفض شي من على راسه |
رد: الببغاء العنيد حقي مريض
وديه البيطري مرره ثانيه لان حاته تغييرت
|
رد: الببغاء العنيد حقي مريض
الله يجزاك خير
طيب ما في حل ثاني..لأن والله احس اغلبهم سلنتح |
رد: الببغاء العنيد حقي مريض
سوي له يالغاليه الثوم مع اليمون في مشرب المويه وغيري المويه كل 6 ساعات تقريبا .... الطير فيه زكمه جايه هوا بارد المسكين واعطيه مضاد حيوي 5 ايام بيعطونك اسمه الشاب بالموقع مايقصرون
|
رد: الببغاء العنيد حقي مريض
مثل ماقال خوي بحر الكلام
|
رد: الببغاء العنيد حقي مريض
انا صارت مع طيري هالحاله اللي سويته اعطيته تايلان خمسه مل اذا اليف بالفم اذا ماقدرت بالمويه وشيل عنه المويه ساعه قبل لاتحط المضاد علشان يعطش ويشرب
كنت اعطيه الجرعه كل 12 ساعه بس انت حسب حالة طيرك اذا خفيف كل يوم والاسبوع اللي بعده اعطيه فيتامين للتعويض اذا لاحظت بعد المضاد وجود عوالق بالانف قطر بالانف زيت زيتون او ماء عادي بيعطس وبيتنظف الانف الله يشافي جميع طيوركم |
رد: الببغاء العنيد حقي مريض
,وين القى المضاد هذا؟
والله يجزاكم خير |
رد: الببغاء العنيد حقي مريض
انا اخذته من سوق العزيزيه للطيور بالرياض طبعا
|
رد: الببغاء العنيد حقي مريض
ورا كل شي بعيد ..سوق الحمام بعييييييييد والله ما اقدر اروح له ..مخططه بس مو قادره هلحين
من موجود قريب من الشمال واشتريه منه الله يجزاكم خير |
| جميع الأوقات بتوقيت GMT +3. الساعة الآن 11:01 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو