|
ناني بستي صارت كلب
الحقوني ناني فيها شي
من كم يوم وناني تطلع لسانها وتفح فمهاكنها كلب والله نسخه عن الكلب ليه تسوي كذا واحيانا تطلع صوت خفيف كنها تلهث او زي كذا قه قه قه ومتى اطعمها وايش انواع التطعيمات اللي تحتاج لها واللي يعرف عيادات بيطريه بالشرقيه يحطها |
رد: ناني بستي صارت كلب
تسوي القطوه هذا الشي في حالات مختلفه على حسب معلوماتي
لما تكون في جو حار تصير تلهث وممكن تكون درجة حرارنها مرتفعه او مجهده يعني مع اللعب والركض والحوسه تلهث ولما تكون تولد بعد تطلع لسانها وتلهث وبس |
رد: ناني بستي صارت كلب
حرارتها مرتفعة وديها البيطري علشان يكشف عليها قبل لاتمرض نبيها صاحية حق المسابقة;) انشالله ماعلى قلبها شر . . . |
رد: ناني بستي صارت كلب
هي يوم مدت لسانها كانت بالسياره؟
او بمكان حار ؟ او بمكان قليل يدخله الهوا؟ عموما ماينزل اللسان الا اذا كان المكان حاااااار عليها وعطشانه |
رد: ناني بستي صارت كلب
هي اكيد مرتفعه الحرارررره
|
رد: ناني بستي صارت كلب
يا عمري ناني الله يعيني ويخليني الاقي عياده بسرعه
|
رد: ناني بستي صارت كلب
اختي (اميرة الظلام )اشتري لها جهاز لقياس الحراره عبر الاذن هو للانسان والحيوان يعني يعطوك معاه قطعه بلاستيكيه تحطينها اذا بغيتي تقيسي للقطه واذا للانسان تشيلي البلاستيكه والله اسهل حنا دايم كنا نروح بها كل مره للدكتور عشان الحراره وهالحين الحمدلله ارتحنا بالنسبه لدرجة حراة القطه لك الى 39 ودرجتين اذا زادعن كذالازم تودينها للكتور
احنا بعد اذا (نانسي) سافرنا بها بالسياره تطلع لسانها مثل الكلب بس انا اغسل وجهها بالماء مو بارد مره يعني وسط وارش على ظهرها واغسل ايدينها ورجلينها بعد وعلى طول تذخل لسانها لين تجف ثاني واعيد اللي سويته مرة اخى بالنسبه للعيادات البيطريه اللي بالشرقيه الخبر: 8980480و اغلب الصيدليات البيطريه يوجد فيها دكتور وديها لاي صيدليه قريبه منكم والدكتور يكشف عليها يارب يشفيها يارب وطمنينا عليها |
رد: ناني بستي صارت كلب
مشكوره مدمنه
وان شاالله اطمنكم عليها قريب |
| جميع الأوقات بتوقيت GMT +3. الساعة الآن 08:31 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو