|
احب قطتي لكن ما اقدر احتفظ فيها
السلام عليكم ورحمة الله وبركاته اولا اعتذر اذا كان موضوعي في غير مكانه بس والله مشكلتي كبيرة ولا ادري وش اسوي من زمن طويل نفسي اربي قطة وفعلا الحمد لله تحققت امنيتي جبتها من سنة وحبيتها مرة وتعلقت فيها لدرجة اني اسميها بنتي ولا احب احد يضايقها او يزعجها مع اني تعبت في البداية كوني جديدة في عالم القطط والحمد لله الحين صرت افهمها واقدر هتم فيها واعرف ايش اللي احتاجه علشان تكون معي مرتاحة وبصحة مشكلتي اللي معي بالبيت ما فيه احد يتحملها ولا يحبون انها تكون موجودة مع انهم يرحمونها ويعطونها اكل لما اكون مو موجودة بس مرة يتضايقون منها الفترة هذي زي ما انتوا عارفين فترة ما بعد التزاوج يعني فيه امور بتتغير في القطط صار شعرها يتساقط جدا جدا لدرجة ان كل بقعة في البيت عليها شعر من قطتي حبيبتي واللي فهمته انه ممكن بسبب التزاوج هذا الشي جبت لها اكل خاص بالشعر ووديتها لاكثر من طبيب ولا حسيت احد منهم عنده الجواب الشافي عموما احاول قد ما اقدر اهتم فيها على ما تتعافى إن شاء الله انا ما اعرف اذا اصلا هي حامل او لا وقصة تزاوجها ما كان ودي اسويها لكن صارت تنوي كثير وتتقلب وبالبيت تضايقوا من حركاتها وانا صرت استحي واضطريت اخليها تتزوج علشان ترتاح الحين انا ما ادري اذا الادوية اللي يعطونها والفيتامينات راح تتعبها لو هي حامل وانا جالسة اعذبها بالادوية وإلا عادي وفي نفس الوقت ما بين عليها اعراض حمل غير تغير بلون وحجم الحلمات بس بطنها ما كبر مع ان لها اكثر من شهر بعد التزاوج واخاف اذا جابت كيتنز اتعلق فيهم واتعذب اذا اضطريت اطلعهم من عند امهم حبيبتي قررت اليوم احلق شعرها ولآن الوقت كن متأخر تركتها بالمحل بيحلقون لها شعرها بكرة لآن الدواء اكيد ما راح يآخذ مفعوله إلا بعد مدة مو اقل من شهر ورجعت وانا شايلة الهم ومتألمة عليها والله احب قطوتي واموت فيها وحاولت اني اعطيها اي احد ممكن يهتم فيها ويربيها بس ما قدرت قلبي يتقطع عليها من الألم افكر انه ممكن يضربونها او يهملونها او ممكن تتضايق ولا تحب تعيش مع غيري لآنها تعلقت مرة فين وصارت تمشي وراي وتنام معي وانا مرة اشتاق لها لما اطلع او اروح أي مكان ما اصدق ارجع البيت علشان امسكها واضمها ما فيه احد يصدق أو يفهم علي ان هالقطة جدا من حياتي ولا اقدر اتخلى عنها واحس انها فعلا جزء مني لا يمكن يبتعد عني وكآني امها اللي ولدتها غير ان فيه بعضهم يتعاملون معها بطريقة ما تناسبني ولا تريحني بدعوى انها كذا تتعلم واني ما افهم في تربية القطط وغبية ومرة دلوعة ومدلعتها بزيادة والمفروض اني اكون قاسية معها واادبها كآنها انسان وهي مع الوقت بتتعلم وانا ما احب كذا ولا احب القسوة معها لآني مقتنعة انه مو كذا تتعلم بالعكس انا كذا بأكون كرهتها فيني وبعد ظلمتها وعذبتها وهالاسلوب ممكن الله يعاقبني لو اتخذته معها وبشكل عام القسوة ما تنفع من وجهة نظري مع كل مخلوقات الله حتى الانسان لما تقسى عليه لا يمكن يحبك وبيكرهك لدرجة إن فيه ناس يكرهون اباؤهم من قسوتهم عليهم احترت جدا لأن وجودها سبب مشاكل و انا احبها ولا اقدر اتخلى عنها سألتكم بالله إذا عندكم حل افيدوني مع جزيل الشكر لهالمنتدى الأكثر من رائع وانا كثير استفدت منكم خلال تربيتي لحبيبتي قطتي واحس براحة لما اتصفح هنا احس هنا بس ألقى اللي يشاركوني الحب الكبير للحيوانات الأليفة وكآنه والله بيتي مو بس منتدى من خلف شاشة وعذرا على الإطالة وشكرا جزيلا مقدما للجميع مع كل امنياتي بحياة سعيدة مع احبائكم وقططكم الجميلة والحيوانات الأليفة الأخرى |
رد: احب قطتي لكن ما اقدر احتفظ فيها
كم عمرها حاليا و ثانيا الله يشفيها علامات طلب التزاوج عند الاناث بالنسبة للأنثى فإن الموضوع ليس سهلا بالمرة ويعتبره أكثر المربين من أكثر أوقات القطة إزعاجاً ـ حيث تبدأ الأنثى فى المواء ليسمعها الذكور ويشتد المواء كلما إشتد طلبها للزواج (( فترة الشبق )) تلاحظ أن الأنثى لا تجلس إلا بالقرب من باب الشقة أو باب مخرج البيت وتنتهز أى فرصة للخروج من البيت تتمرغ فى الأرض رافعة أرجلها إلى أعلى ـ وإن بعض اللمسات الرقيقة من المربى على أسفل ظهرها يجعلها تنتفض رافعة أرجلها الخلفية إلى أعلى وترفع ذيلها مع إنثناءة فى طرف الذيل ناحية اليمين أو اليسار تتمسح بإستمرار مع المواء فى أرجل المربى ولا تمل هذه الحركات حتى يمل المربى و اخيرا لو بطنها منفوخ و منتفخ ثديها فتكون حامل ب اذن الله و تساقط الشعر ليس من علامات طلب التزاوج بل سقوط الشعر ي اما وجود مرض فيها او ناتج عن اكل المئكولات البحرية و لمزيد من التفاصيل راجعي هذا الرابط و تاكدي ان الادوية لا تسبب لها ايت اخطار يمكن يوثر على صحتها و بالنسبة ل الاهل ذكريهم ب احدايث الرسول عليه الصلاة و السلام و قصة ابو هريرة مع القطط و في الانتظار صورها بالنسبة ل الكيتز اذا فطمو تقدرين تبيعيهم |
رد: احب قطتي لكن ما اقدر احتفظ فيها
الله يعيتك حبيبتي ان شاء الله حبك لها يكون في ميزان حسناتك
ممكن الانسان يفقد الحنان من اقرب المقربين وسبحان الله لمن تلاقيه في قطه ........نعم قطه فمستحيل انك تستغني عنها ابد ابد لانها احست بك وبي حنانك لها مشاكل تساقط الشعر ممكن من طلب التزواج او الحمل او الديدان او تكون حاله نفسيه اكثر من المرضيه طالما حلقتيلها شعرها الان اهتمي بيها اكثر ولو طلع الشعر مشطيه كل يوم بالمشط الخاص التمشيط بيقلل من التساقط بس اهم شي تعرفي اسباب التساقط عشان تعرفي العلاج المناسب لها ان كان نفسيا او مرضيا |
رد: احب قطتي لكن ما اقدر احتفظ فيها
لا تضربي لاحد حساب اسحبي ع الكل انتي حره لوبتربي فيل
عيشي حياتك هم الغلط وانتي الصح من العصر الحجري والانسان يقتني الحيوانات ومن ضمنهم القطط كيف تستغني عنها حرام وعشان مين هي ما اكلت من ضهرهم وما اذات احد ما عليك من احد الناس تتمنى انك تعيشي زي ما يبغو وتسوين بس اللي يعجبهم وف النهايه ما تعجبي اي احد ولا فكرو فوجهك فلا تفرطي فيها حرام |
رد: احب قطتي لكن ما اقدر احتفظ فيها
والله ياقلبي انا حااسه فيكي وخصوصا من ناحية رفض الاهل للقطه في البيت ..انا والله كم وكم تضايقت وبكيت من تصرفاتهم ورفضهم لهااا لاكن صدقيني اذا حبك لهااا ماله حدوود ماتوقع انك ترمينهاا عشان كلام اهلك انصحكك ب التطنيشششش صدقيني هاذا علااج فعاااال انا مجربته كل مايتكلمون ويضايقونك طنشي ولا كانهم موجودين وبالنسبه للنواني اذا جابتهم بالسلامه اذا كان عندكم حوش اشتري لهااا قفص او اذا عليكي كلفه تشترينه عادي جيبي كرتون حق المويا كبيره وسوي فتحه عشان تدخل القطوه منها وافرشيه من جوه واحرصي ا نهاا ماتدخلهم جوة البيت عشان تبتعدين عن كلام اهلك واذا كبروا وجت المرحله ان امهم ماتهتم فيهم وتحاول انها تبعدهم عنها خلاص بيعيهم او سوي زيي اذا كبروا وتحسينهم يعتمدون على نفسهم وتعرفين انهم يقدرون ياكلون لحوم وكذا خلاص طلعيهم الشارع وخليهم يعيشون حياتهم تخيلي كثير اجيال انا لما كبروا طلعتهم الشارع وتجي اوقات اشوفهم وربي صاروا كباااار ومعتمدين على نفسهم افضل من انك تعطينهم لاحد ماتضمنين يهتمون فيهم ولا لا . صدقيني سوي الي قلت لك عليه ..والتطنيش ثم التطنيش .. والله يخلليك قطوتك العسسل ..ويحفظ لك اياها من كل شر . |
| جميع الأوقات بتوقيت GMT +3. الساعة الآن 11:56 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو