|
مواقف وغرائب أعضاء 2Zoo مع ببغاواتهم
السلام عليكم ورحمة الله وبركاته
نبغى نغير جو المنتدى شوي أحس كل شيء رسمي ولابد من الفرفشة ونضحك مع بعض <<< مو على بعض :D والموضوع وازح من عنوانه ، إذا سارلك شيء غريب أو موقف حلو أو محزن أو محرج لا تبخل خلنا نفرفش وفي جعبتي الكثير من المواقف المضحكة والمحرجة في نفس الوقت واتمنى نتفاعل ونوصلها لألف صفحة <<< متفائل وبقوة يا زينها بس :D ابدأ أنا وعلى بركة الله موقف غريب أو عبيط بكل ما تعنيه الكلمة واليوم اكتشفه كمان :D ومن 6 سنوات وبداية تربيتي لطيوري الكاسيكو واتمنى في حياتي اربي هولندي لعدم توفره بالمدينة المنورة بشكل واضح والاسعار جداً مرتفعة اكتشفت انه ببغائي الكاسيكو ( سعد ) هولندي :eek: القصة : سافرت لدبي عشان كانت عندي دورة في أحدى الشركات العالمية وحطيت طيوري عند أحد الخبراء بالمدينة المنورة ، واليوم جيت بأخذ منه الببغاوات ودخلت بيته وجلسني وجاء واحد عنده وشاف ببغائي سعد وقاله بكم الهولندي قال صاحبه قدامك ، قلته دقيقة هذا نيجيري مو هولندي راح طل فية وباستغراب كيف مو هولندي كم لك مربيه قلتله 6 سنوات ، قال طول هالمدة وعلى بالك انه نيجيري ! قلي : تعرف الهولندي ، قلتله أعرف اشكال الفروخ لأني الشيء الوحيد الي شفته في الهولندي ، قلي شوف الحجل هذا اصلي وماسك وانتاج هولندي والبياض الي في الوجه افتح من النيجيري بس عشان الطير كبير في السن بعض الشيء وأيضاً الطير ذكي جداً جداً ( لأنه كان يسوي حركات ويقول الو ويحط رجله جنب اذنه كأنه يتصل ويسوي حركات .. الخ ) قلي : بكم تبيعه ؟ ، قلتله والله ما أبيعه لو أيش تحقق أحد أحلامي وهو معي من 6 سنين :D بالله مو قصة غريبة جداً هههههههههه لا أحد يشيل بخاطره شيء أنا بصراحة ما كنت أعرف اشكال هولندي ولا كنت أشوفها لقلتها في المدينة فجهلي زال والحمدلله بما إنه في طير معي هولندي :cool: يلا نشوف مواقفكم يا أبطال :) |
رد: مواقف وغرائب أعضاء 2Zoo مع ببغاواتهم
الهولندي اللي فيهـ حجل اصلي خآتم تصدق والله افكر بهالموضوع انزلهـ وسبقتني =) |
رد: مواقف وغرائب أعضاء 2Zoo مع ببغاواتهم
يبويا ودي ببغانك عند خبير تاني ياخوفي يطلع مكاو
لوووووووووول احكييك قصه بكيت فيها عندي فرخ دره مطوق ربيته من عمر اسبوعين وكبر وسميته صدقه الله يذكره بالخير كل ما اشوف صوره اتندم على بيعه قعد معايا حق سنه وعليها المهم كان ينطق ياواد وهوا بحكم انها كلمتي هوا بس بعته لظروف عملي الصباح والمسائي ومحد اهتم فيه وبعته لواحد صغير ووعدني انه حيهتم فيه ولايبيعه وبعته بتراب الفلوس لاجل حسيت ان الولد تعلق فيه ويدور زيه من زمان يكون رخيص على قد فلوسه بعمر ال4شهور تقريبا حطيته بالقفص كالعاده وطلعته السطح مشان يومتها البيت مليان بزوره عصرريه وكدا طبعا صوت البزوره لين السطح وهوا يموت بشي اسمو بزوره اخونا حاب يطلع من القفص فشوف كيف تخييييل بركن القفص طلع راسه من جهه اليمين وحاول يخرج راسه ماقدر فمع المحاوله تحلق جناحه من جهه اليسار وسار واقف على الحديد اللى تجيك بالقفص وماسكه بالحديد بالنص<<النقطه دي احسكم ماحتفهموها مثاال مو يجيكم القفص الحدايد فيه طوله في حديده تجي بالعرض المهم هوا متكي عليها وسار معلق بالركن راسه باليمين وجناحه باليسار لكن مشكله جناحه تعلقت قرريب فسار منظره زي المصارع لمن تحطه بركن الحلبه من طلعت واسمع صوت غريب واولم اللمبه قلبني انفطر عليييه وقدني ادمع وافك الحديد حق القفص واخرجه رقبته توجعه وريشه نافش اعطيه فصفص يحطه بفمه ويطيحه وانزل اعمله سريلاك واكتر عسل وااكله بالعافيه واقرأ عليه وامسد على رقبته لين حسيته طاب بس والحمد لله بعدها تتعافى بكم يوم ورجع لحالته الطبيعيه |
رد: مواقف وغرائب أعضاء 2Zoo مع ببغاواتهم
هههههههههههههههههههه اخ يا بطني ههههههه
عندي طير ربيته ماشاء الله وعمره 6 شهور من افضل الببغاوات الي روضتها وربيتا من يوم ما بديت في الطيور الطير كان من كلامه كوكو الله الله واكبر سوم يسمع الوالد لي صلاة الجمعه يقوم يقول قومو صلاه صلاه يقول خطبه عبدالله يشوف الوالده الله يطول في عمر وعمر الوالده يقولهم بابا وماما تعال تعال يقولها لما تناديه هات راسك لما تقول هات راسك يواد مين الو هات هات بوسه امواح يالله يالله فوق لما يطلع على اليد يقولها نواف عبدالرحمن يا دبا صوت البس الكلب القرد الديك الدجاج البادجي صوت الماي لما يشوف الوالد يرقص يقول بابا جا واسماء البنات ولخبطه كلام مواصفاته يطلع على اليد يحبني من حبه لي ينزل اكل لي يرقص يتكلم الكلام المذكور على اليد يحفظ الكلمه القصيره في يومين والكبيره في 3 او 5 ايام يوم ما شفته كنت في الحاره في مباره لما جيت ابغا انزله قام يرحب الطير بقدومي ويرقص شوي قام يناضر الطير سكت ابغاء يتحرك شوي طلع صوت صراخ وعيونه اتغيرت الى الون الاسود والطير اصابه شلل والم في القلب من الالم يزعق ومات الله يعوضني بغير عشرت عمر معاه الطير كان غيور بس ما اقول الله يسامح الي ما ذكر الله وصلى على نبيه الله يسامحه الله يسامحه الله يسامحه الله يعوضني بي احسن منه بس والله صعب زيه او افضل منه لان كان افضل طير وتقبل مروري |
رد: مواقف وغرائب أعضاء 2Zoo مع ببغاواتهم
سر حبي : والله الموقف مؤلم بصراحة ولكن الحمدلله انه معافى من الإصابة
وليش بعته ما دام عمره سنة مداك تحطله أكل لمدة يومين لو كنت خايف عليه ولكن لعله خير إن شاء الله ^.^ فيروزي : قبل أن ابدأ بالتكلم حول موقفك الي ألمني كثيراً أحب أنبه إنه أي ببغاء كائن من كان مبدع ويتكلم وذكي جداً لابد من القراءة عليه من المعوذات والتحصين من العين لأنه ما شاء الله مبدع بكل ما تعنيه الكلمة وتلقى إن شاء الله أحسن منه ويعيش معك طوال العمر إن شاء الله ^^ وين التفاعل شكلكم من جد مانتم حقين مواقف طيب هذا موقف جديد ومضحك جداً ببغائي سعد الهولندي ( ما شاء الله تبارك الله :D ) كان وليف معي لأبعد حدود وشرس مع الناس الثانين المهم وكان جدي موجود وشافني امسح عليه وهو يمص أصباعي ، ومشيت وجاء جدي عنده وبيمسح عليه ما إلا نط على اصباعه ما هو راضي يسيبه وجيت اشوف ما إلا ما أقدر أملك نفسي من الضحك شكل جدي الله يحفظه وسعد ماسك اصباعه لأنه في استاند ، وعندي مواقف اضحك من كذا بكثير ولكن كل شيء في وقته |
رد: مواقف وغرائب أعضاء 2Zoo مع ببغاواتهم
امين اخوي الله يحفظ لك طيورك ويحفظ طيور الجميع ويحفظ طيوري
تقبل مروري |
| جميع الأوقات بتوقيت GMT +3. الساعة الآن 05:32 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو