|
الي اصاحب القلوب الرحيمه (اهل الخبره في الكاسكو)
مرحبا يا اخواني ويا اخواتي ... كيف الحال انا لورا صديقه جديده لكم :p
عندي مشكله مع الكاسكو وابي حل لها بليز ابي احد يساعدني لاني بديت اطفش :( الكاسكو الي عندي ذكر من نوع هولندي وعمره تقريبا سنتين على كلام الطبيب المهم لما اشتريته طلبت من صاحب المحل انه يروضه بس الطير لما جبته للبيت حسيته مو متروض قلت ممكن عشان المكان جديد عليه الحين كمل شهر وهو مو راضي يطلع على يد احد ابد وكمان عنيد مره على الرغم من انه ياكل من يد اي احد بيعطيه اكل ما يرفضه بس مايرضى يطلع على يد احد واشوفه دايم ينتف ريشه وياكل اظافره ويهز ذيله وكمان يحاول يطير بجناحه رغم انو ما يقدر لان جناحه مقصص :( وكمان ماياكل الا فول سوداني و حبوب الشمس بس اي اكل ثاني ما يقبله جوعته مو راضي انا قلت ممكن يكون مريض ووديته عند الطبيب وعمل صنفره لمنقاره وقص اظافره وكشف عليه قال سليم وصحته كويسه بس ما اعرف السبب الي يخليه يسوي كدا :confused: انا مخليته في مكان تقريبا هادي ولا احد يقرب منه ... قلت ممكن يكون طفشان رحت وجبت له كناري :D طفشتكم صح بس ريلي مو عارفه وش الحل معاه وكل منتدى اقرا كلام شكل وتفسيرات مختلفه بليز الي عنده حل للمشكله يعلمني حتى التغريد مو راضي يغرد بس يطلع صوت واحد وفي النادر صوت زي ( صن او طن ):D والي يعرف عنوان مدرب في الرياض يلحقني فيه والله شاريته غالي ومدلعته مره بس مو عارفه وش فيه :( |
رد: الي اصاحب القلوب الرحيمه (اهل الخبره في الكاسكو)
اختى الكريمه طائرك رائع ان شاء الله و بما انه هولندي فيفترض ان يكون اولف مما ذكرتي و ان كان صاحب المحل قام بترويضه فكان يجب عليه ان يخبرك عن كيفيه المتابعه معه و كيفه حمله على اليد و اعلمي اختى الكريمه الببغاوات طيور ذكيه جدا و تحب ان تفرض شخصيتها في البدايه فأن نجحت في ذلك فيصعب تغيرها و يفترض ان تجبريه على ما تريدين و لا تتركيه يتصرف كيف يشاء و بخصوص هدوءه الدائم اعتقد هنالك اسباب خلف ذلك و لدي بعض الاسئله ان كان بالامكان الاجابه عليها لكي تتضح لنا بعض الامور : اين مكان القفص في المنزل ؟ ما هو حجم القفص ؟ و هل بالامكان وضع صوره للطائر مع القفص ما هو ارتفاع القفص عن الارض؟ هل تتوددين للطائر و تحاولين التقرب اليه بالكلام الرقيق و محاوله مصادقته و مدعابته ؟ ام تخافين منه ؟ هل يسمح الطائر لكم بالمسح عليه ؟ اتمنى منك اختى الكريمه ان تجاوبينا لكي نضع يدنا علي المشكله و نستطيع مساعدتك و في النهايه اقول لا تستعجلي فالطيور تأخذ بعض الوقت للتأقلم مع البيئه الجديده |
رد: الي اصاحب القلوب الرحيمه (اهل الخبره في الكاسكو)
يا هلا والله فيك اخ مستر ميمو بصراحه الله يعطيك العافيه انت اللي رديت على الموضوع حقي
لاني جد ماعندي اي خلفيه في الطيور قبل كذا ..:) اخوي الكريم في البدايه كان القفص في كورنر في البيت هادي محد يجيه ابد الا اذا مر احد بيطلع وبعدين نقلته معاي مكان ما اجلس في الصاله ... بنسبه لي ما احاول احكي معاه كثير لاني بحسه يخاف مني رغم اني اكله من يدي وياكل ... انا ماكنت اخاف منه الا مره لما اخذته عند الطبيب وعصب مره وصار يجاعر مايبي اشيله ويبعد عني واذا وقفت قدامه من دون ما اتحرك يخف صوته ولما شلته عض يدي ومن بعدها صرت اخاف اشيله :( مايرضى يخليني ابد امسح عليه ولما اسويها يفتح فمه يبي يعض رغم انه ياكل من يدي هو على فكره حاطه له انا قفص وستاندر بس ما اقفل القفص اخليه براحته يعني يطلع من وينتقل لستاندر عادي اعتقد ارتفاع القفص متر عن الارض فقط وكمان الاستاندر نفس الشيء وهذي الصور له http://www.graaam.com/up/p6ic/263bfc3302.jpg http://www.graaam.com/up/p6ic/d8b6cbd2a0.jpg http://www.graaam.com/up/p6ic/0ab442edad.jpg http://www.graaam.com/up/p6ic/04fcd566f2.jpg وما اقول الا جزاك الله الف خير على مرورك الكريم |
رد: الي اصاحب القلوب الرحيمه (اهل الخبره في الكاسكو)
اختى الكريم ما شاء الله طائر جميل و اتمنى ان تستمتعي معه و اعتقد انه يجب عليك تغير نهجك مع الطائر فيجب ان تلاطفيه بالكلام و تتقربي اليه فهو يفهم جيدا و يستطيع قراءه عيناك فلا تدعيه يشعر بخوفك منه و ان تنادينه بأسمه في الرايحه و الجايه مع بعض الابتسامات فهو يفهمك عندما يقوم بالصراخ ( التجعير ) لا تبتعدي عنه ودعيه يشعر و كان شئ لم يكن و حاولي قدر المستطاع ازاله الخوف من قلبك نحوه و بخصوص القفص و الستاند فهما ما شاء الله ممتازين و اللعاب و جميع المستلزمات متوفره و لكن ينقصك التواصل مع الطير و سوف تجدين الفرق عما قريب ان شاء الله و لدي سؤال بسيط هل يوجد في رجل الببغاء حجل ( حلقه نحاسيه ) ؟ و اتمنى ان تتواصلي بما يحدث معك و ان شاء الله سوف تجدين العون من الجميع و اتمنى لك التوفيق |
رد: الي اصاحب القلوب الرحيمه (اهل الخبره في الكاسكو)
الله يعطيك الف عافيه ما قصرت اخوي ... على فكره الطير في رجله حلقه رمادي وعليها
حرف رقم وحروف بس راح احط الصوره على الرغم من انها مو واضحه مره http://www.graaam.com/up/p6ic/eed3f9adc5.jpg |
رد: الي اصاحب القلوب الرحيمه (اهل الخبره في الكاسكو)
انا اقول احسن وسيله لترويضه هي كالتالي:
1:تجويع الطائر من 3 الى 4 ساعات ومن ثم اطعامه 2:عدم الخوف من الطير عند تقديم الطعام له اتمنى اني اكون افدتك. |
رد: الي اصاحب القلوب الرحيمه (اهل الخبره في الكاسكو)
اختي لورا عندنا احنا في البحرين مروض طيور باسعار رمزيه على حسب عمر الطائر وما تاخذ طيرك الا لما يراويك بعيونك انه طيرك مروض وجاهز .
|
رد: الي اصاحب القلوب الرحيمه (اهل الخبره في الكاسكو)
يعطيكم العافيه اخواني ماقصرتوا بصراحه .... اخوي العرجون ياليت تبلغني وين في البحرين
اذا صارت لي فرصه امر اوديه ... ومشكور اخوي |
رد: الي اصاحب القلوب الرحيمه (اهل الخبره في الكاسكو)
اذا هدفك انه يتكلم فأنصحك تحطه في مكان مزحززززم مكان دايم فيه ناس وسوالف ورايح وجاي ووقت النوم تغطيه بقماش
اما اذا تبي تخليه يطلع على اليد فهذا بيكون صعب شوي لان عمره كبير وعلى كلامك ماهو مدرب !! اما الاكل فأنا مثل ماياكل الا حب الشمس لكن صرت ما اعطيه منه الا اخر الليل وطول النهار اعطيه حليب ومريسه وتفاح وفول وذره ...الخ اما حب الشمس مايذوقه الا قبل النوم ومن يدي وهو واقف على يدي لهذا من يشوفني وهو يتمنى اشيله على يدي من شان اكله حب !! |
رد: الي اصاحب القلوب الرحيمه (اهل الخبره في الكاسكو)
مشكور يا كحيلان بس صراحه انا تحطمت ماني عارفه اش اسوي معاه والبيت عندي هادي
لايمكن يكون مزحوم ابد ... الا مره في الاسبوع لو صار بعد انا مو عارفه جد وش اسوي ابيعه ولا اخليه ولا وش اسوي لاني مالي الا شهرين من شريته وماكنت اعرف انه كبير قال لي صاحب المحل ان عمره 8 شهور ولما وديته لطبيب قال لي عمره سنتين الي سنتين ونصف ... تحطمت زياده حسيت اني انغشيت رغم ان سعره ماكان رخيص ابد .... جد محتاره فيه . |
| جميع الأوقات بتوقيت GMT +3. الساعة الآن 06:41 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو