طفشت من طيري بيسو
 

السلام عليكم ورحمة الله و بركاته
شخبار الشباب
عندي استفسار عندي طيري بيسو عمره سنه و كم شهر
انا عارف نزلت موضوع عن هالطير بس ابي اوضح بعض الامور
الطير صراحه طفشت منه له عندي 3 شهور
يصفر اذا شغلت له مقطع لتصفير كاسكو باليوتيوب غير كذا انسئ يصفر
لا يعرف الجعير بس اذا تحركت بسرعه يجعر
لا يقبل المسح ع راسه اذا امسح راسه يتحرك بس لي يومين جايبه بالعباطه
و احس الطير فيه دلاخه شويه اذا حطيت لهم اكل ينط عند الفرخ يبي ياكل معاه !!
و كل وقته نايم علماً اني وديته عند بيطري خسرت فيه 450 ريال كان عنده اسهال قبل كم شهر

بس مدري وش فيه كذا خامل و ياكل من يدي و كلل شي و شهيته مماهي زينه حزين كأنه فاقد احد
عكس الفرخ لا دخلت الغرفه قام ينطط بالقفص و يطلع صوت ينرحم عليه و ياكل من يدي و شهيته مفتوحه ماشاء الله

بس الكبير فكرت اني ابيعه من خموله و قلة تصفيره جاب لي الطفش :@
و ابي نصايحكم شباب و اعذروني ع الاطاله

رد: طفشت من طيري بيسو
 

السلام عليكم

حبيب قلبي لاتطفش من الببغاء وخلي عزيمتك قوية

طبيعي الطير توه طالع من مرض

حااول انك تولف الكاسكو وتراه مو ذاك الصعووبه بس شوية اصراااار

في مواضيع بالمنتدى مختصة بترويض الكاااسكو من الالف لليااااء

انت تقول عندك فرخ كاسكو ثاني هذا شي حلو

حاول تخليهم مقابلين بعض يعني واحد باول الغرفة والثاني باخرها

ولاعب الفرخ والثاااني وخله يطالع لك

والخامل استخدم معاااه اسلوب التجويع البسيط وانشاء الله بيرجع لعوووب

لان تصفير الكاسكو اما لطلب اللعب او لطلب الاكل تقريباً

ادري بيختلفون معاي بسالفة التجويع بس انت جرب ومو خسران شي ان شاء الله

دمت بود

رد: طفشت من طيري بيسو
 

حرام لا تبيعه توه طالع من حاله مرض والاسهال يخليه يكون خامل وكسلان حاول معاه وان شاءالله راح تررد عافيته

رد: طفشت من طيري بيسو
 

والله كان عندي طير نفس طيرك بالضبط واليوم بعته علي احد اقاربي

بس الفرق انه حركته زينه وياكل من الايد ويصفر الصبح لوحده من غير مقاطع كل يوم الصبح يصفر

ولكن ماني قادر امسك راسه اهو عضته جدا خفيفه بس ما يخليني وبصراحه مليت وطفشت منه فبعته اليوم وخليت الفرخ عندي شوي خايف بس ان شاء الله يروح منه الخوف

بالتوفيق والله يعينك حاس فيك والله

رد: طفشت من طيري بيسو
 

رد: طفشت من طيري بيسو
 

بيعه واحد كافي اثنين مشكله يبيله واحد فاضي

رد: طفشت من طيري بيسو
 

والله حيرتوني بس احتمال ابيعه لاني صبرت عليه 3 شهور و ماافي امل

رد: طفشت من طيري بيسو
 

لا فيه امل بس ايش تستفيد منه خلاص صار عندك فرخ ثاني

رد: طفشت من طيري بيسو
 

انا قصدي ابو عمر ابيه يقول كم كلمه و ابيعه عشان يجيب قيمه حلوه
و ماكان يجعر و اليوم رجع يجعر ع خفيف يتبهلل هذا!!
بس بقولكم اشياء انا مااا اسويها لطيوري
ماا اطلعهم السطح يعني يمكن مرتين طلعتهم الاكلل اعطيهم فصفص فقط لان المشكل ماياكله ابد
و اعطبهم الفول السوداني مكافئه
ماا اعطيهم فيتامينات و تدريبي معاهم بين فتره و فتره مو كلل يوم يعني تصنيفات

رد: طفشت من طيري بيسو
 

اخوي عود الفرخ غصب عنه ياكل كل شي وبنسبه لطيرك الاول ترا طيرك مو غبي بس لان تدريبك مو كثير طبيعي بيتاخر بانه يصير اليف وماصار يجعر الا لانك مسوي شي له وانت مو حاس يمكن ؟ ويمكن لان طيرك الجديد يجعر ؟ ويمكن من زمااان مادربته ويمكن فيه احد من الاهل مروعه فيه احتمالات كثييييييييييره ولاتضلم الطير عط الطير والطير بيعطيك قد ماتعطيه من وقت صدقني بيتعدل اكثر وبيطلع ابداعات انت ماتتصورها ولا تتخيل انه ممكن يسويها بس لازم اهتمام تروضه كل يوم على الاقل ساعتين على الاقل بس اكيد بفترات متقطعه كل مره نص ساعه كافيه وبنسبه لتلقين وانت طالع وانت جاي كل مامريت من عند القفص قوله كلمه شوي وصدقني بتلقاه يتكلم