|
كيف أسوي التحليل..؟؟
السلام عليكم ورحمة الله وبركاته ...
والله قررت اشتري زوج افريقي واجرب حظي ..طبعآ..شريت بالسابق زوج وكان سعره مرتفع جدا ولا انتج عندي وبعته.. وطبعاً..~إلي شفته ولي قهرني ان سعر الببغاء الكبير 600ريال تقريبا والفحص للجنس300ريال تقريبا.. يعني 900ريال وزوج بـ 1800ريال ...ولمن شريت الزوج المرة السابقه طلع على ظهري بـ 4200 وجيت البيت فرحان بخشتي ..محسب بنتج الافريقي قعد الزوج شهر شهرين طفشت وبعته ..والحين قررت اخذ اكثر من جوز مستحيل يعني اشتري الزوج بـ 4200...!!! آبي أعرف يعني أروح للبيطري ويعمل لي تحليل..؟؟ ؟؟ ومااعرف مكان فيه دكاترة بيطرين ...بجدة غير مستشفى بيطري واحد ولاكنه صغير ومدري ان كان يسون تحليل يعني أبي مستشفيات خاصة للطيور ولتحليل جنسهاً..~ المهم زبطت السطوح وسويت غرفة كبيرة ..5×4متر وظللتها ... الحين باقي اشتري الاقفاص والازواج :D صرآحه مع هالمنتدى صرت اموت بـ شي أسمه طيووور...:D الحين بس باقي الطيور والاقفاص .. المهم نرجع لموضوعنا وهو تحليل الجنس أبي مستشفى بجدة خاص للطيور لاحد يعطيني رابط الموقع حق التحليل مدري هالموقع ببريطانيا مدري كيف بوصلهم العينه .. ولا يمكن فاهم الموضوع غلط ..لني مدري كيف يتم التحليل.~.(:D) منتظر أجوبتكم...وكلي أمل فيكم.~.:) |
رد: كيف أسوي التحليل..؟؟
http://www.2zoo.com/vb/showthread.php?t=195143
الرابط هذا بيفيدك اخوي ادخل وان احتجت حاجه تراني هنا ههههههههه موفق بكل ما انت مقبل عليه |
رد: كيف أسوي التحليل..؟؟
مرحبا تبي جووز وينتج لك في شهرين الجووز ياخذ اقل شئ سنه لكي يتوالف وبعدها الله يعلم متى ينتج
لدي اكثر من جووز شريته قبل ثلاث سنوات وحتى اليوم لاحس ولاخبر فقط اكل وشرب واجمع مخلفاتهم |
رد: كيف أسوي التحليل..؟؟
وعليكم السلام ورحمة الله وبركاته
حياك الله أبو عبدالمجيد أولاً : عشان ماتدوخ راسك على الفاضي السعودية مافيها تحليل الـ DNA وبالنسبة للزوج الأول... أنت تقول شهرين وطفشت أجل كيف راح تدخل في عالم الإنتاج...وانت ماعندك صبر أعرف شخص عنده زوج افريقي صبر عليه تقريباً...تسعة أشهر وبفضل من الله أنتج بعدها من قواعد الإنتاج... الجو المناسب المكان المناسب الغذاء المناسب + + + الصبر ثم الصبر ثم الصبر أنت شكلك مبتدئ في عالم الإنتاج إذا كنت كذلك..! فأنصحك بالطيور الصغيرة أولاً كـ البادجي أو الروز أو الكروان لأنك لو تبدأ مباشرة بالكاسكو وبدون أدنى خبرة أقولها وبكل أسـف سوف تفشل ثم تفشل ثم تفشل لذلك...يجب أن تعزز خبرتك في عالم الإنتاج بالقراءة والإطلاع على تجارب غيرك وأهم شيء بالتجربة الشخصية هذا ما لـدي... وأتمنى أني أفدتك بالتوفيق أخوي كــن بـخـيـر |
رد: كيف أسوي التحليل..؟؟
انا عندي انتاج الافريقي يالغلا
اول شئ يبيلك الصبر زي ما قال اخوي ما عندك صبر لا تنتج لان الطيور يبيلها صبر وان احتجت شئ احنا موجودين تقبل مروري |
رد: كيف أسوي التحليل..؟؟
اقتباس:
لاحد يعطيني رابط الموقع حق التحليل مدري هالموقع ببريطانيا مدري كيف بوصلهم العينه .. لو تعيد الموضوع اخي وتقراه بتمعن اكثر..:) أخي بلآك بيري هالموقع ذبحني عدت وزدت وعدت الموضوع الف مرة مافيه شرح مفصل يعني لو تشرح لي كيف يسون التحليل وكيف ياخذون الطيور اصلن عشان يحللون جنسها...:D |
رد: كيف أسوي التحليل..؟؟
اقتباس:
ههههههههههههه مششكور والله يعينك ثلاث سنوات بعد أنآ..شهرين ماصبرت..:shy: |
رد: كيف أسوي التحليل..؟؟
اقتباس:
أخوي أنتجت قبل الكاسكو الدرة المطوقة والكروان والبادجي لاكن لاأعلم هل هاذا ككافي لآأدخل بأأنتاج الافريقي..وششكراً..على التحطيم.~.:D |
رد: كيف أسوي التحليل..؟؟
اقتباس:
حيآ الله فآيز..يآخي تعبت أصبر بس مآعليه وخلاص الفكرة براسسسي...:D بنتج يعني بنتج حتى لو على الاقل اتمتع بمناظرهم (هاذا اقل شي)..وتسلم يالغإلي~.:) |
رد: كيف أسوي التحليل..؟؟
هلابك أبو عبدالمجيد
أجل تحطيم هههههههه والله ماقصدي أحطمك ولا شيء ولكن لأخذ الحيطة والحذر يعني لازم تهيء كل شيء قبل لا تبدأ وتكون عارف وملم بالي راح تسويه عشان لا تخسر كثيير وأيضا...يكفي انك تكحل عيونك بهم... ومثل ماقلت انت...تستمتع بمناظرهم وأهم شيء الهمة تكون عالية إقرأ هذا الموضوع وإن شاء الله يفيدك وهو للمتميز...طير الهوى إقرأ الموضوع بـتـمـعـن... http://www.2zoo.com/vb/showthread.php?t=174819 بالتوفيق إن شاء الله وننتظر الأزواج وصورها ^__ كــن بـخـيـر |
| جميع الأوقات بتوقيت GMT +3. الساعة الآن 01:27 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو