لاهل الخبرة ^__^ بالفرووخ
 

السلام عليكم
زي مو بعضكم عارف انا عندي فرخ بلوفرونتد ( 5شهور)
بس الليلة صاير اسمع من اصوات غريبة وانا معه مثل اللي بذا الفيديو
http://www.youtube.com/watch?v=k5gU-Z7TIzA
احد يعرف ليش اطلعه وويش القصد مع العلم ان صار ليه عندي حوالي 10 ايام وهذا اول مرة اسمعه

ثانيا كيف الشماميخ والتشققات تروح من منقاره يعني تروح لحالها :o:o
آسف ع الاطالة وانتظر ردودكم

رد: لاهل الخبرة ^__^ بالفرووخ
 

http://www.2zoo.com/vb/picture.php?a...ictureid=13263
وهذي صورة للمنقار

رد: لاهل الخبرة ^__^ بالفرووخ
 

ماشاءالله تبارك الله

هذا الطير على ماعتقد تبع سكر

أنصحك تنتبهله من البرد وتوديه مثلي لدكتور في فيفا كشف عليه بين على كشفه ممتاز عمل كالتالي:

حطه على طاولة ستيل كشف على عيونه

بعدها قلبه على ظهره وسحب منقارة وقام يشوف الى بداخل حلقه

بعدها جاب علبة علاج ولها مقطر من الاعلى وقطر في خشمة على وحده

وحط مقياس القلب على صدره ويشوف نبضاته

والحمد الله كل شي سليم إن شاءالله

عطاني بودرة احطه في مويته

وقال اذا شفت عليه تغير جبه على طول عندي وعطاني موعد له بعد خمس ايام

وحرصني على الأكل ونصحني في جل الاطفال الي في الصيدليات
وسيريلاك وقال اذا ياكل حب خله ياكل زين

طيري افريقي هولندي اقل من 6 شهور

رد: لاهل الخبرة ^__^ بالفرووخ
 

لا يا الغالي هذا طيري ^_^
انا ساكن في بولندا ويعني بحصل صعوبة في شوفة بيطري خصوصا ان الجو جدا بارد ( ثلووج ) واخاف اطلعه من الشقة ثانيا حتى لوح حصلت بيطري طيور بكون صعب التعامل معه لانه احتمال 80 بالمئة ما يتكلم انجليزي
هو طيري الحمد لله ما احس فيه مرض ابدا بس حبيت اسال عن ذا الصوت اعتقد انه صوت للفروخ بس ليش يطلعه الحين !!

رد: لاهل الخبرة ^__^ بالفرووخ
 

لانه ينغر اخوي .. وللبغاء الافريقي بعد صوت بس مختلف ولباقي الطيور كمان ..

الله يحفظلك طيرك ..

رد: لاهل الخبرة ^__^ بالفرووخ
 

هلا اخ الهاشم

وسيلة تعبير الطيور هي الاصوات وفي مثل هذا العمر 5 إلي 8 اشهر تلقاه يحوث بالقفض يبي يطلع مع اصدار صوت
ذو وتيرة واحده مثل((( الدميه الصغيرة اللي بيكون فيها زمور ابيض او تكون على شكل بطه تضغط عليها تطلع صوت)))
وبالتالي هذه رغبة منه بالخروج او اذا كان جعان يصدر هذا الصوت ايضا او وهو يأكل وعند النوم لو حاولت تكلمة او تمسح علية وهو نايم يصدر صوت مثل ((الأنين)) هذه الاصوات تعبر عن ما بداخلة سواء بجوع او يود الخروج

بالنسبة للمنقار لا تلعب في والشقوق اللي فيه عاديه جدا علما بأن الطير الطير يعرف عمرة من القدم الحراشيف (جلد) القدم و المنقار لما به تشققات وفي العاده التشققات تروح وتجي لما يحدث من تغير في الشكل وفي حجم المنقار كما ان المنقار الأن صغير بعد عدة اشهر سوف يصبح كبير وهكذا

حتى اللون اللي على الجناح راح يزيد ( يأخذ مساحة اكبر ) وهناك ملاحظة بعد اذنك ان طائر الجميل ليس بعمر 5 أشهر وإنما بعمر 7 اشهر وتتبين من حلقة العين بالإضافة لبدء ظهور التشققات في المنقار وبالتالي اكيد راح يبدأ يطرح ريش جديد اي ما يمى بالقلش ( اي تجد يقع منه بعض الريشات بالإضافة إلي الريش الابيض الذي يسمى بالزغب ) وتقبل مروري وبالتوفيق

رد: لاهل الخبرة ^__^ بالفرووخ
 

رد: لاهل الخبرة ^__^ بالفرووخ
 

كلام اخوي monybatجدا صحيح ولا اخلافه بولا كلمه طيرك جمييل ما شاء الله تبارك الله

رد: لاهل الخبرة ^__^ بالفرووخ
 

مشكوريييين وما قصرتوا وهو صحيح الحين احس كل يوك يكيح منه بعضالريش خصوصا حق الذيل ما بقت الا وحدة