سؤال بخصوص الترويض
 

السلام عليكم ورحمة الله وبركاته

اخواني الكرام في هالمنتدى الرائع
عندي استفسار بخصوص الكروان اللي عندي
انا روضته وصار يعض عالخفيف بس عضات ما تعور
وصار يوقف على ايدي
بس المشكلة اني لازم اتم اركض وراه في الغرفة لين امسكه واخليه يركب على ايدي غصباً عنه

انا اريده يوم يكون في القفص وامد يدي له انه يركب على طول بدون خوف وتكفخ بالجدران
كيف ممكن اسوي هالشي؟
الرجاء مساعدتي
وجزاكم الله كل خير

رد: سؤال بخصوص الترويض
 

وعليكم السلام ورحمة الله وبركاته
مرحباَ elreem

ترى قص الاجنحة بيريحك كثيييير .... لاكن مو ضروري .. انت بكيفك ,,

اذا صار يطلع الكروان ع يدك .. وبداء عضه يكون خفيف فهذا نص الترويض :)
واما عن سبب العض الخفيف ...
فيه احتملات ..
اما انه يتمسك((يثبت نفسه)) في يدك ..
واما انه يمازحك ..
واما انه مازال لايثق فيك جيداَ ,, او متضايق منك ..

لاكن ابشرك .. انه بعد فترة بيختفي العض تماماَ ويصير يطلع فوق يدك بدون مقاومة
انا مريت بالمرحله هذي .. والحين بس افك القفص واحط يدي قدام الباب من برى ,, هو يجي علطول يطلع عليها ..
((الكلام هذا قبل ما اشتريله انثى http://www.2zoo.com/vb/images/icons/icon8.gif ))
انت اهم شي .. اذا جاء فوق يدك لاتقعد تناضر له ((تنضر اليه)) وانت مبسوط ... وفرحان ..
اشغله بشي ثاني ..حاول تمسد راسه .. اوتعطيه اكل او خله يتشمس قدام الدريشة او تمشى فيه داخل البيت واعطة قطعة بقدونس ..

وللمرة الثانية اقولك .. شوف الموضوع هذا فيه حاجات مهمة :)

http://www.2zoo.com/vb/showthread.php?t=2093

او استعمل محرك البحث .. وبتلقى كل الاستفسارات الي بتغنيك عن السؤال :)




تحية
الطاير

رد: سؤال بخصوص الترويض
 

رد: سؤال بخصوص الترويض
 

اهلا اخوي الطاير
اول شي جزاك الله خير عالرد

بالنسبة لقص الريش انا قصيت ريشه قبل ما اروضه
وكان يعض بوحشية
بس الحين الحمدلله
حتى يوم اشيل القفاز عن يدي عادي يعضني عالخفيف وعضات ما اتعور
وانا اتوقع من الاحتمالات اللي حطيتها لي ان سبب العض انه متضايق مني
لاني اشوف شكله معصب !!


اليوم جربت اكافئه بحبوب دوار الشمس
بس هو تم معصب ومايسويلي سالفة ولا ياكل الحبوب
بس المرة الياية بجرب البقدونس يمكن ينفع

اما عن راسه ما يخليني المسه كلما مديت اصبعي فوق راسه عضني وحاول يهرب
مب عارفة كيف المس ريشه


انا بطبق الملاحظات اللي قلتلي عليها وان شاالله تنفع معاه
والرابط اللي عطيتني انا قريته قبل واقريته الحين مرة ثانية
وجزاك الله كل خير ما قصرت
الله يجعله في موازين حسناتك

رد: سؤال بخصوص الترويض
 

اخوي مستر ميمو
جزاك الله خير على الرد

وان شاء الله المرة الجاية بخليه يطلع بروحه بدون مطاردات
وتسلم اخوي