|
مايأكل وبس يلحقني.. شوروا علي
السلام عليكم ورحمه الله وبركاته
عندي كاسكو من مواليد ٢٠٠٩ من هو صغير وهو عندي .. طبعا اسافر كثير واخليه عند ولد اخوي وهو متعود عليهم اللهم لك الحمد يتكلم ويلعب ونفسيته توب بس ماياكل حب واجد.. يحب اكل البيت كل شي يشوفني اكله لازم اعطيه منه .. توست بجبن ،مكرونه ، دجاج ، سلطه كل شي حتي البسكوت والكاكاو والشي الثاني من افتح له القفص قام يمشي وراي بالمطبخ بالبيت .. يلحقني بشكل يضحك لدرجه اني مرتين وطيت علي رجله وانا راجعه علي وري ماشفته من يفقدني يقعد يناديني بشكل كبير .. علما عنده كلمات وحافظ ايات واغاني بس يعلق علي اسمي لين ارد عليه واقول نعم ويطلع من اكله اللي في بطنه ويعطيني افكر ابيعه لاني اتنقل كثير .. مشكله .. خايفه يزعل ولا تتأثر نفسيته ولا مايتأقلم مع الناس اللي يروح عندهم مرات اقول لا ومرات اخاف ابيعه ويموت لانه حيل مدلع .. ومايعرف لخباله اللي انا شرايكم :cool: اذا بعته بتأثر صحته ولا عادي |
رد: مايأكل وبس يلحقني.. شوروا علي
بيتاثر بقوووووووه يحبك بجنون هاذا نصيحه لا تبيعه ابد عوده على اكل الطيور ولا ينفع ياكل كاكاو ولا اشياء فيها ملح كثير حاول قد ماتقدر تخليه ياكل حبوب افضل من الي تعطيه
|
رد: مايأكل وبس يلحقني.. شوروا علي
لاتبيعه وانا اخوك (هاته عندي) ههههه
طيرك في قمة عطائه لاتحرمه منك ولاتحرم نفسك منه وعلى موضوع الاكل مرة قال لي البيطري ان الطير مايفرق عن الانسان في اكله اللي تاكله راح ياكله بس قال حاسب من الاملاح |
رد: مايأكل وبس يلحقني.. شوروا علي
طبعا راح يتأثر نصيحتي خليه معك ونادر ما نشوف طيور بهاذي المواصفات الرائعه
تحياتي |
رد: مايأكل وبس يلحقني.. شوروا علي
لا تعطيه موالح كثير والكاكاو مو زين ابد يعتبر قاتل
اذا ما يبي مو لازم اكل الطيور عطيه فواكه خضار وكذا احسنله وافيد نصيختي لا تبيعه معليش اذا هو مرتاح مع الي ياخذه وانت تساافر خلاص |
رد: مايأكل وبس يلحقني.. شوروا علي
اقتباس:
واحط له فول سوداني واعطيه فواكهه بس من يشوف السفره محطوطه يرمي اكله وصرت افرغ له من راس القدر واحط فطوره وغداه قبل اكلنا لدرجه انه الصبح علي تمره وتوست ممسوح بعسل او جبن بس هو تعود علي اكل البيت |
رد: مايأكل وبس يلحقني.. شوروا علي
اقتباس:
هذي اللي لاحظته .. اي شي يشوفنا ناكله يحب يجربه معنا يعني مرات احسه ناقد علي ليش مااصب له لبن علي الغدا مثلنا |
رد: مايأكل وبس يلحقني.. شوروا علي
اقتباس:
وفكره البيع متررده براسي كثير |
رد: مايأكل وبس يلحقني.. شوروا علي
اقتباس:
الحمدالله مرتاح بس مدري ليش فكره البيع في راسي احسه مسوؤليه واني مقصره بحقه مدري |
رد: مايأكل وبس يلحقني.. شوروا علي
اخوي لا تبيعه احسن
الطير يعتبرك صديقه المقرب وممكن يتعلم معاك اشياء كثيرة وانت قلت يطلع الاكل من بطنه عشان يعطيك هاذي اكبر درجت حبه لك واحتمال كبير يكون ذكر انا اشوف تشتري له انثى وتفرخ منه او تعتني فيه |
| جميع الأوقات بتوقيت GMT +3. الساعة الآن 11:50 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو