|
فرخ البلو فرونتد مجنني
كيفكم يا اعضاء احلى منتدى اليوم ودي اعرض عليكم مشكلة تواجهني مع فرخ البلو فرونتد واعتقد ان الكثير تواجههم نفس المشكلة وعلا وعسى احصل حل من الخبراء والمربين والمتخصصين في تربية الببغاء الامازوني بشكل عام والبلو فرونتد بشكل خاص لتعم الفائدة على الجميع. المشكلة هي ان الفرخ اللي عندي مشاغب جدا وراعي حركة كثير داخل القفص لكن حركاته خطره وبعد التدقيق لاحظت ان الحركات اللي يسويها عشان يطلع بره القفص. طبعا من كثر حركات البلو فرونتد اللي بصراحة ترفع الضغط صار ريش الجناح يتعفس ومظهره العام جالس يخرب من كثر الحركة وبحكم انه فرخ فصعبه يرتب ريشه مثل البالغ. طيب واذا طلعته يفرح ويستانس ويجلس على يدي لكن بحكم ان جناحه كامل وغير مقصوص احيانا يطير ويضرب في الجدار والا في اي شي قدامه لانه لسا فرخ وغير متوازن يا جماعة تعبت من هالحالة شسوي شالحل. افيدونا الله يعطيكم العافية... طولت عليكم واعذروني |
رد: فرخ البلو فرونتد مجنني
الحجم الصحيح للقفص انه يقدر يفتح جناحيه كامله بدون ما يلمس الاطراف فتاكد ان القفص مو صغير عليه
عنده العاب بالقفص؟ لو ايه لعبه وحده ما يحبها ولا العاب كثيره يتسلى فيها ؟ وبالنسبه للطيران تقدر تقص جناحه مع اني ما اشجع القص او تصبر عليه نهايته يتعلم يلف بدل ما يصقع الجدران بس فيه خطر الاصابات وكسر الرقبه وكذا فانتبه من هذي الناحيه او حتى اذا طلعته تقدر تعطيه شي يشغله عن الطيران لعبه اوشيء او تقدر تدربه بما انه فرخ انه يطير لك وكذا شيء حلو |
رد: فرخ البلو فرونتد مجنني
شكرا نجود على الرد
بالنسبة للقفص حجمه مناسب جدا ويوسع له عند فرد جناحه لكن المشكله يمكن ماقدرت اوصلها مضبوط اللي يصير انه طريقة لعبه داخل القفص هي اللي تسبب خراب الريش وشكل الجناح يعني مثل يروح تحت المشربية حقت الموية او حقت الاكل ويدعس نفسه تحتها غصب علما ان المسافة من الارضية الى المشربية ماتكفيه لكن هو يحاول غصب فيخرب ريشه. و انتظر مزيدا من الاراء |
رد: فرخ البلو فرونتد مجنني
السلام عليكم ورحمه الله وبركاته
اخي الفاضل قص طيرك وريح راسك علشان لا يطير وهو برا القفص ولما يرفرف ما يكسر جناحه وهو داخل القفص وخلي العاب داخل القفص وععظم الحبار لامتصاص طاقته بالالتهاء بها تحياتي |
رد: فرخ البلو فرونتد مجنني
.. أوولاً مــاا قصــرووا معــاكـ الأخــووة بـ النصاائــح .. ^_^ .. .. ممكــن تقــص ريــش جنااحــهـ عشــاان مــاا يــااذي نفسِــهـ بـ الطيــراان .. والأفضــل إنــكـ تشتــري لــهـ قفــص أكبــر .. وتخلّيــهـ أغلبيــة وقتّــهـ علــى الإستــااند أو يلعــب معــااكـ .. .. آنآستــآزيآ .. |
رد: فرخ البلو فرونتد مجنني
شكرا لكم جميعا على النصايح
شكلي بنوكل على الله وبقص ريشه وياليت لو احد ينصحني ويقول لي وين اروح وعند من اقصه |
رد: فرخ البلو فرونتد مجنني
انا بنصحك وبقولك بعد المشربية وخلها على مسافة بعيدة عشان يستسلم من هالحركات
وحط له العاب ولو تبيه يطير اقترح انك تجوعه وبعدين طلعه من القفص وخليه يشوف الاكل على يدك مع بعض الشفرات مابينكم اللي تخليه يطير لك ...وشكرا |
رد: فرخ البلو فرونتد مجنني
اخوي انا عانيييت وذقت الامرين من مشكلتك نفسها بضبط ولاكن حليتها والحمدالله اول شي قصيت الاجنحه ثاني شي شريت استاند وصرت اخليها فوقه وغير كذا مااطيعه من يسوي هل حركات اخليه لين يهجد واطلعه لانه بيفهم انه اذا قام يحوس بطلعه على طول اخليه شوي وبعدين اطلعه بس زي ماقلت لك اول شي تقص الاجنحه ثاني شي استاااند ثالث شي تعوده عليك بيصير مايفارقك تقعد معه كثير تلعب معه كثير انا الحين صار هادي والحمدالله والله يوفقك
لك رساله على الخاص بخصوص وين تقص الاجنحه |
رد: فرخ البلو فرونتد مجنني
اي محل للطيور ممكن يقص الجناح او ممكن تقصها انت بنفسك داخل البيت وفي فيديو كثير بالمنتدى يوضح الطريقه
فقط ابحث تحياتي |
رد: فرخ البلو فرونتد مجنني
اااااااااااااه يا اعضاء المنتدى والله شقول لكم
للاسف البلوفرونتد مات جيت اليوم الصباح وشفته ميت لاحول ولا قوة الا بالله شكرا لتفاعلكم |
| جميع الأوقات بتوقيت GMT +3. الساعة الآن 02:39 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو