منتديات تو زوو - قطتي ولدت

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - قطتي ولدت (http://www.2zoo.com/vb/showthread.php?t=254150)

قطتي ولدت

السلام عليكم ورحمة الله وبركاته

انا عندي قطة بلدي من سنتين او اكتر جيبتها وهي صغيرة جدا وكبرت عندي الحمد لله

اول مرة من شهور ولدت قطتين ولما كبروا اعطيناهم لناس

ومن فترة لقيت القطة قربت تولد فحطيت كرتونة من ايام

والنهاردة الصبح لقيتها ولدت 4 قطط حلوين بسم الله ما شاء الله

انا عاوز استفسر منكم ..

بالنسبة لفضلات القطط الصغيرة هتعمل مشاكل داخل الكرتونة ؟؟

والقطة الكبيرة هل هتطلع تروح للرمل اللي كانت بتروحله قبل كدا ولا لا ؟؟ (( خصوصا ان احنا في الدور الاول والرمل في الدور الثالث ))

وهل اغيرلهم الكرتونة بعد كام يوم علشان تكون الكرتونة نضيفة ولا اسيب نفس الكرتونة لحد ما القطط يكبروا ؟؟

منتظر ردودكم ..

رد: قطتي ولدت

وعليكم السلام ورحمه الله

الف مبروك يتربوا فى عزيك ان شاء الله

فضلات القطط الصغيره الام بتتصرف معاها وهما هيبتدو يروحوا الليتر بوكس من سن شهر

لو تقدر تقرب منها الليتر بوكس بيكون افضل بس حاول تراقبها لو طلعت اوك مطلعتش يبقى لازم تقربه منها

المفروض انك تكون حاتط فى الكروته اى قطعه قماش او فوطه عشان البرد طبعا

ولازم تغيرها كل يوم او 3 ايام