|
بلييييز ساعدوني .. عين قطتي تعبانه
السلام عليكم
قطتي صغيره عمرها شهر ونص عيونها من جات وهي كأنها تعبانه لها ٣ ايام كذا عيونها مرهقه وقبل امس قلت انظفها لانو صارت تفتحها بصعوبه وحولينها زي الغمص نظفتها بقطنه فيها مويه دافيه وهيا مررررره ارتاحت وانا اسوي لها كذا استرخت بس المشكله اليوم لما صحيت لقيتها تمشي وتخبط ماتقدر تفتح عيونها :( وفيه شي افراز مخاطي بعيونها بس جامد مسحت عين بس صارت مره ماتنفتح لسا والعين الثانيه مانظفتها :( بالليل قلت انظف الثانيه ونظفتها شويه بدا ينزل من العين افراز مخاطي :( مره مره خفففففففت وبطلت امسحها خليتها انا اللحين وان شاء الله الصباح حوديها البيطري .. بس احد مرت عليه شي زي كذا :( ماني عارفه ايش اسوي :( وبابا كلم البيطري قال له نخليها بغرفه لحالها ومحد يمسكها :( :( :( افيدوني الله يخليكم والله شكلها يقطع القلب وهيا مااتقدر تفتح عينها تشوف |
رد: بلييييز ساعدوني .. عين قطتي تعبانه
القطه واضح ان عندها ميكروب في العين ..
ولابد من عزلها عن القطط الاخرى ..لانه معدي جدا علاجها سهل وماتحتاج بيطري ابدا . لابد انك تراعين بعض الامور اللي اطلبها منكي الان: 1- عند مسح عين القطه ..يجب مسحها بقطنه طبيه خاصه ..وكل عين لها قطنه خاصه فيها حتى لاتنتقل العدوى من والى كل عين. 2- عند المسح لابد تكون الماء دافيه وليست حاره او بارده .وامسحي العين الى الخارج بحركه الطرد حتى تخرجين كل الافرازات من كل عين بسهوله وبدون ضغط شديد عليها . العلاجات : اشتري من الصيدليه البشريه مرهم وقطره توبرادكس . واستخدمي في البدايه القطره ..وقطري نقطه واحده في كل عين بعد نهايه التنظيف . واتركيها 5 دقائق . ثم ضعي من المرهم بداخل الجفن على شكل خط .وعندها حاولي عدم لعق القطه او تنظيفه عيتها بيدها حتى يجف المرهم تماما . الطريقه تكرر كل يوم مره واحده حتى تتحسن حاله العين . ولاتزيد مده الاستخدام عن 7 ايام . والله يشافيها لك |
رد: بلييييز ساعدوني .. عين قطتي تعبانه
طيب عزيزتي هل اقدر انظف عيونها اللحين بالمويه الدافيه فقط
لانو ما اقدر امر الصيدلية :( وهل ممكن لاااااااااااااا قدر الله تسوء حالتها من اللحين لبكرا الصباح ؟؟ |
رد: بلييييز ساعدوني .. عين قطتي تعبانه
اهلين
نظفيها الحين والصبح ان شاءالله روحي للصيدليه وجيبي القطره والمرهم ربي يشفيها لك |
رد: بلييييز ساعدوني .. عين قطتي تعبانه
جزاكم الله كل خيييير ياارب .. وآمييييييييين يارب الله يشفيها ♥♥ :(
اليوم الصباح وديناها البيطري ونظفها و اعطانا قطره نفس اللي قالت اسمها خبيرتنا نادية مرتين باليوم ٧ ايام وبرضو زي ماقلتولي انو انظف عيونها بقطنه مبلله + أعطاها أبرة حق البكتيريا وقال بعد أسبوع نمر له .. يشيك عليها هل الاسبوع الجاي نقدر نديها التطعيمات ؟؟؟ لأنو أول مااشتريناها قال بعد أسبوعين أطعمها لسى صغيره غير عن كذا كم مره أنظف عيونها بالقطنه ؟؟ لأنها كل شويه تنام ولما تصحى نأكلها وأنظف عيونها بعدها .. كذا أوكي ولا أنظفها بس قبل ماأقطر لها ؟؟ |
رد: بلييييز ساعدوني .. عين قطتي تعبانه
امين
لو جسمها ضعيف استني عليها لحد ماتكمل 3 شهور هو التطعيم بعمر الشهرين واذا القطوه ضعيفه بعمر 3 شهور لان التطعيمه راح تتعب شوي حرارتها بترتفع نظفيها قبل ماتقطرين فيها او لما تشوفي افرازت بعينها |
رد: بلييييز ساعدوني .. عين قطتي تعبانه
دلوعة و ناديا الله يجزاكم الجنه على اللي بتسووه ياارب
شاكره لكم كثيييييييييييييييييييير كثييير♥ هي اللحين خااامله مره بس تنام وعيونها الحمدلله احسن بس احس مابتشوف كويس والبيطري قال انه الرؤيه عندها مغبشه حاليا وان شاء الله يااارب تتحسن ♥ وبالنسبه للتطعيم ان شاء الله حسوي اللي قلتي عليه يادلوعه:** |
رد: بلييييز ساعدوني .. عين قطتي تعبانه
الله يخليها لك ياقمرنا
والخمول من الابره ..الله يستر عليها لساتها صغيره كثير على الابر حاولي تنتبهين عليها وتجبريها تاكل اهم شي ولاتخلين البيطري مره ثانيه يعطيها اي ابره مهما كانت الاسباب.. والله يوفقك يارب |
رد: بلييييز ساعدوني .. عين قطتي تعبانه
بليييييييييييييز ساعدوني
قطتي مررررررررررررررررره تعبانه يادوب تتنفس ولما تمشي مرررررررره تعبانه ماتقدر تمشي غير عن كذا معررررررقه الله يخليكم قولولي ايش اسووووووي |
رد: بلييييز ساعدوني .. عين قطتي تعبانه
لاحول ولاقوه الا بالله
قدر الله وماشاء فعل ..لاتزعلين ولايضيق خاطرك لاكن انا وضحتلك من البدايه انك ماتروحي للبيطري ..مافيه داعي.. لان الابر في سنها الصغير تكون مضره جدا جدا لها . لو تقدرين روحي على البيطري الان وخليه يشخص حالتها .. لاكن لايعطيها اي ابره ( مجرد تشخيص فقط) والله يقويك وخبريني ياقلبي |
| جميع الأوقات بتوقيت GMT +3. الساعة الآن 02:30 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو