|
الفزعه الفزعه يا اخوان
السلام عليكم بدخل في الموضوع بسرعه معليش يا اخوان اولا عندي الكاسكو اذا حطيته مع الاولاد في الغرفه مايتكلم لكن اذا حطيته في غرفه لحاله ماشالله ابداااع وغير كذا احس ان فيه حكه زايده هالايام والاكثر من ذلك الببغاء ما ياكل الا الحب اعطيته جميع انواع الفواكه ولا يرضى يا كلها ابي مساعده بسرعه بليييييييييييز |
رد: الفزعه الفزعه يا اخوان
شي طبيعي اذا كان لوحدهـ راح يتكلم اكثر لان الكاسكو خجوول بعض الشي
ويجي من يفيدك عن الحكه وسبب عدم اكل الفواكه |
رد: الفزعه الفزعه يا اخوان
السلام عليكم ورحمه الله وبركاته
تحيه طيبه لك اخي الفاضل بالنسبه لموضوع الكاسكو وكلامه عند العامه نقول انها منتشرة فالكاسكو طير خجول يحب ان يكون لوحده او مع مربيه المحبب له للتخلص منها لابد من تعليق الطير بمكان مرتفع يحس فيه انه هو المسيطر وبالتالي راح يتعود وراح يتجراء بكلامه وحاول خلي المكان صاخب لتحفيز الطير مثلا تشغيل التلفزيون صوت المكنسه الكهربائيه او اصوات طيور اخرى بالنسبه لموضوع اكل الطير نقول انه المشكله هاذي تواجهنا ببعض الطيور البريه لكن للتخلص منها ممكن وضع هذه الخضروات لوحدها بدون الحب او وضعها له باستمرار الين ان يدفع له الفضول بتجريبها اتمنى ان اكون قد افدتك اخوكم \ بلاك بيري |
رد: الفزعه الفزعه يا اخوان
بالنسبه للكلام يالغالي يعتمد عليك انت كمربي يعني من صفه الكاسكو انه طير خجول وحذر جدا مثل ماتفضلوا الاخوان لكن اذا ودك يكون الطير جريء يتكلم بالوجه لازم انت تتدرب الطير علي الحركه هذي اكيد بتقولي كيف لك الجواب الان الطير لما تلاحظه بدا يتكلم ويظبط كلامه وقتها تقدر تاخذه معك بره البيت عند الشباب او مع اهلك لما تروحون مثلا بحر او استراحه يعني الطير يحس انه فرد من افراد الاسره ووقتها يشوف ناس ويحس بلامان ويتعود وصدقني وقتها يتكلم معك حتي علي كتفك وفي السياره والله ابي اقولك سالفه ويمكن تصدق ولا عندنا طير عمره يمكن 7 سنوات حلو مرض قبل فتره ووديته البيطري والله الدكتور لما جا يعطيه ابره يقول لدكتور عيب عيب اوبس اوبس خخخخخخخخ تخيل يتكلم وهو بالمنشفه لافه الدكتور وعرف انها ابره وتعوره المسكين فهذا الطير يتكلم حتي بسياره معنا ولك تحياتي
|
رد: الفزعه الفزعه يا اخوان
مشكورين يا اخوان والله ماقصرتو والله يجزيكم الجنه
لكن يا اخوان ماحد افادني بموضوع الحكه ؟؟؟ واشكر كل من اجاب ولكم تحياتي |
رد: الفزعه الفزعه يا اخوان
الحكه ان ماكان معاها نتف او سقوط ريش تعد فقط تصفيف للريش او تزيت له عن طريق توزيع الزيت الذي يفرز من مطقه الذيل على جميع جسمه لترطيبه ولحمايه الريش وزياده لمعانه
تحياتي |
رد: الفزعه الفزعه يا اخوان
[QUOTE]الحكه ان ماكان معاها نتف او سقوط ريش تعد فقط تصفيف للريش او تزيت له عن طريق توزيع الزيت الذي يفرز من مطقه الذيل على جميع جسمه لترطيبه ولحمايه الريش وزياده لمعانه
تحياتي __________________ مشكور يا اخوي وماقصرت |
| جميع الأوقات بتوقيت GMT +3. الساعة الآن 01:48 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو