من جرب يحط الببغاء الافريقي في الحوش
 

السلام عليكم ورحمة الله
إخواني عندي ببغاء غيني ودي احطه بالحوش لأني مسوي عشة كبيرة جداً وحاط فيها ببغاء الدرة والزيبرا والبادجي ولهن سنوات مبسوطات
هل الغيني ليتحمل البرد مثلهن ؟

رد: من جرب يحط الببغاء الافريقي في الحوش
 

رد: من جرب يحط الببغاء الافريقي في الحوش
 

السلام عليكم هل العشة دافئة قليلا او مكشوفه اذا كانت مكشوفه يمكن يصاب بالبرد ويبدأ انفه ينزل منه اكرمك الله السائل ماودي اذكره لانكم عارفينه اكرمكم الخالق لك شكري

رد: من جرب يحط الببغاء الافريقي في الحوش
 

الله يجزاكم الجنة
العشة على الجدار من جهتين الشماليه والغربية ومفتوحة من الشرق والجنوب لكن الحوش ضيق فمافيه مجال لتيار الهواء
البادجي والزيبرا والكناري والدرة والكروان عايشات سنين بأتم صحة ولله الحمد
وش رايكم اتوكل على الله واحطه

رد: من جرب يحط الببغاء الافريقي في الحوش
 

ما اؤيد الفكرهـ لان الببغاء حلاته داخل البيت و بين الاهل وش الفائده من اقتناء افريقي اذا بتحطه في عشه ;)

رد: من جرب يحط الببغاء الافريقي في الحوش
 

رائي من راي اخوي سلفر وش المتعه اذا الببغاء بالحوش عايش حلاته معك عايش ياكل ويشرب ويشاركك كل حياتك يطلع يدور شوي بالبيت يرتبط فيك مثل الطفل وانت ترتبط فيه بحب انك مسؤول عنه
اما اذا على الحوش كثير طيور وحيوانات تربيها واجمل شكل واستفاده وانتاج وبيع اكثر من الببغاء
لكن الكاسكو يا حبي له لو تطلع لغرفه ثانيه صاح كنه بزر يبغاك ترجع
موفق اخوي

رد: من جرب يحط الببغاء الافريقي في الحوش
 

انا اشوف انك لو تخليه في البيت افضل لك بس عادي تخليه وترى مناعة الببغاء الغيني قويه انا عندي غيني ومخليه في البيت وانت شوف الافضل

رد: من جرب يحط الببغاء الافريقي في الحوش
 

الوقت برد وبالصيف تراه يتعذب من الحر يغطس نفسه في المويه ..هذا الببغاء نعرف طباعه ...افضل شي تعلقه بالجدار او تحطه فوق طاوله ..اذا ازعجكم قل له اسكت بصوت عالي ويسكت ربع ساعه او اقل ...:)