نصيحتكم يا اهل الخبر
 

السلام عليكم ورحمة الله وبركاته

انا عضو جديد ولاحظت انه منتداكم ماشاء الله فيه اشياء وايد عن الببغاوات من محركات البحث :shy:

ياريت مساعدتكم انا الصراحة حبيت اخذ لي ببغاء

شتنصحوني فيه كبداية :12:

انا قلت ما بسوي شي لين ما اسال اهل الخبرة وياريت اخذ من خبرتكم

وبالنسبة للاسعار انا حصلت الدرة ب 200

والجامبو الكاسكو ب 2800 الفرخ مابين 4-7 شهور راح يطلبه طبعا يقول ماعنده

والامزون البلو ب 4000

هل الاسعار مناسبة والا غالية على حسب خبرتكم

:88:

رد: نصيحتكم يا اهل الخبر
 

ان شاء الله تحصل الطير الي يناسبك ..

بس اشوف الكاسكو غالي ..

في اسعار اقل من كذا ..

بس العمر جدآ مناسب .. بالذات لا كان اقل من 6 اشهر

ومدري وش تقصد بالامزون البلو ..؟

اذا تقصد بلوفرنتد ..

بعد سعره غالي ..

لو تلقى ارخص منه ويكون فرخ تراه افضل لك ..

الامازون حلو .. والكاسكو بعد حلو .. اذا كانوآ فروخ طبعآ ..

وبالتوفيق في اختيار الطير

رد: نصيحتكم يا اهل الخبر
 

يسلمو حبيبي اي نعم هاي الي قصدته بلوفرنتد ههههه

اخوي بس لو تفيدني بسالفة الجامبو لنه كل ماقلت له سعره غالي قال جامبو

ياترى يقصد انه الجامبو بالحجم لنه قلت له بمكان ثاني احصله باقل وشو الاحسن الجامبو ولا الثاني

والسموحة اذا طولت عليك بالاسىلة ويعطيك العافية يالغالي

رد: نصيحتكم يا اهل الخبر
 

في مربين

يقولون مافي فرق ابدآ بين الكلاسيك والجامبو .. او السوبر جامبو ..

ممكن يجي وآحد صغير بس اذكى من الجامبو ..

بس كلها سوا ما فرقت ..

بس الجامبو مظهره احلى .. لكبر حجمه ..

وكل ما كبر الحجم زاد السعر ..

ممكن تحصل جامبو ما يتجاوز ال 2300

وممكن يكون السوبر اغلى بشوي

بس في كاسكو محجل .. وكاسكو بدون حجل ..

وهنآ يختلف السعر تمآما ..

انت الي حصلته بحجل ولا بدون ..؟

رد: نصيحتكم يا اهل الخبر
 

ايش هو الحجل ياخوي ترى ماعرف فديتك ههههه

السموحة ترى اخوك جديد في الموضوع

نسيت اطرح شي في الموضوع

حصلت في نفس المحل جامبو ب 1500 بس سنتين عمره

ومزعج لنه وحش تنصحني فيه

رد: نصيحتكم يا اهل الخبر
 

لا ابدا ما انصحك بواحد عمره اكبر من 6 شهور ..

لان انا مابيك تتعب ..

وكل ما كان عمر الطير صغير كان اسهل بتدريبه


والحجل = هو الخاتم تلقاه برجل بعض الطيور .. وبعض الطيور مافيها ..

الي يجي فيها حجل .. يسمونها هولنديه .. اما الي ما على رجولها حجل يسمونها افريقيه ..

وفي حجول اصليه وحجول موب اصليه ..

واعذرني تو انتبه انك من قطر يابن عمي .. يمكن الاسعار تختلف عندكم ..



طبعآ اذا جيت تشتري .. لازم تشوف عين الطير .. اذا لونها اسود بالكامل .. هذا ما تجاوز الخمس اشهر .. اما اذا اسود وحولها رصاصي .. هذا دخل في ال 6 اشهر وفوق ..

يعني انتبه اذا جيت تشتري .. لازم يكون لون العين يا اسود او اسود والطرف رصاصي غامق ..

وبعد لازم تنتبه لصحة الطير قبل تشتري .. وتشوف اكله .. وتشوف وانت بكرامه برازه .. هل هو سائل او جامد ..

يعني لازم تشيك قبل لا تدفع وتاخذ الطير ..

او احجزه وكل يوم مر وراقب الطير نص ساعه خلك معاه .. او اذا كان عنده فروخ كثير .. اجلس راقب كل يوم لين تصيد الطيب فيهم واختاره وخله يحطه بقفص لحاله .. واحفظ شكله زين .. وخله يومين طبعآ مر ولاحظ ..

هذا اذا انت تبي تشتري وانت ضامن ..

رد: نصيحتكم يا اهل الخبر
 

يعني ماعندك خبرة بسوقنا الغالي لنه الي يبيع من دولة عربية ماتاخذ منه لاحق ولا باطل

مب ذاكرها على شان ماسوي مشاكل الاكيد انه بيجيب لنه متعاملين معاه ناس اعرفهم

بس العيب في النوعية والسعر وجي

لنه قالي ماعندي الحين بس عطني عربون وبجيب لك الكاسكو الهولندي وهو قالي بيشوف من 4-7 شهور

عرفت الي تقصده بس هذا عندنا مال الفحص الطبي للطير يمكن عندكم غير

اما بالنسبة للعمر من العين انا خذت معلومة بهالشي والحمد الله يمكن ماعرف اميز بين 7 شهور والاكبر منه لنه متشابه اللون شوي

على العموم الغالي انت ماقصرت بس اخر نصيحة تنصحني اكنسل منه واخذ من محل اشوفه قدامي مثل ماقلت

وبالنسبة للبراز وانت بكرامة لازم يكون جامد ولا ساىل ومشكور حبيبي

رد: نصيحتكم يا اهل الخبر
 

لا تعطيه عربون قوله جيب الطير وخلني اشوفه على نظري

واذا ناسبك خذه .. واذا ما ناسبك لا تاخذه ..

ودور محل ثاني ..

والبراز يكون جامد .. لونه اخضر معه ابيض ..

ممكن تلاحظ اوقات يكون سائل .. بس ما عليه اذا مره وحده .. اما اذا كل مره سائل هذا ممكن يكون مريض


وليتني اقدر افيدك اكثر .. << وانصحك تاخذ واحد عينه سودآ بالكامل ..

رد: نصيحتكم يا اهل الخبر
 

لا يبا كفيت ووفيت وخصة انه كنت ناوي اعطيه عربون

كلامك عين العقل ياخوي فطنتني جزاك الله الف خير وبيض الله ويهك وكثر الله من امثالك

خلاص عيل شورك وهداية الله

رد: نصيحتكم يا اهل الخبر