|
ابي اعرف القطوة ترجع اذا ضاعت ولا لا؟؟
السلام عليكم عندي سؤال محيرني ودايما افكر فيه انا قطوتي الان عمرها 8 شهور...وهي عندي من يوم عمرها شهرين عمري مانزلتها برا البيت....ولا عندنا حوش تلعب فيه,,,يعني ماتعرف الشارع ابد وهي خوافة شوي...يعني لما تسمع صوت باب الشارع انفتح تركض داخل البيت تتخبى خخخخخ طيب لو طلعت برى البيت ممكن تهرب؟ ولو هربت تقدر ترجع لحالها ولا ماتعرف الطريق |
رد: ابي اعرف القطوة ترجع اذا ضاعت ولا لا؟؟
انا اقرأ كتير ناس تقول قططها تهرب الشارع تتزوج وترجع
بس مرررة بصراحة ما تضمني .. يعني لو خرجت الشارع وهيا خوافة كدا ممكن تدعسها السيارات او احد يسرقها او اطفال يشوفوها يلعبو بيها احنا زيك قطنا مررررة دلع على الاخر ويخاف من اي شيء واتوقع لو هرب ما يعرف يرجع بس السؤال هو القط لو هرب يبغى يرجع ولا ما يصدق يشرد .. يعني لانو قط بيت واتعود الاكل يجيلو لحده .. اكيد الشارع ما حيكون مناسب له فاتوقع ممكن يرجع من كم يوم قطنا خرج الحوش .. ومدري فين اختفى الا شوية نشوفه دخل .. مدري هو نط لمكان عالي وماعرف يكمل هربه ولا كان مستخبىء بس وربي شلنا هم ,, واخواتي راحو يدوروه في الشارع تحت السيارات .. وكان الوقت ظهر وعلى فكرة قطط البيت ما تكون متعودة على الجو اللي برا .. تكون متعودة على جو البيت والمكيفات .. المهم اللي ابغى اقوله انه حاولي قد ما تقدري انك ما تخلي قطتك تعرف الشارع لانو ما نعرف ايش اللي ممكن يحصل لها لكن بعض التجارب اللي قرأتها .. في وقت التزواج قطتك لا تعرفك ولا تعرف اي شيء غير انها تبغى تتزوج فممكن في هذه الحالة تهرب .. وبعضهم يقولو انها ترجع .. لكن انا بصراحة قلبي ما يطمن ..عشان كدا دايما اقول اللهم اني استودعتك قطنا.. وسبحان الله ربي يحفظه لنا لانو ودناه عند واحد عنده قطة طالبة الزواج وقال انه هرب منه ويلحق بساس الشارع والحمدلله يقول انها لاقاه .. عشان كدا خليكي دايما تستودعي قطتك لله وتدعي ربي يحفظها معليش طولت |
رد: ابي اعرف القطوة ترجع اذا ضاعت ولا لا؟؟
الله يوفقك على الرد ه :(انا تكسر خاطري...خصوصا ان ماعندنا حوش تلعب فيه...ودي اشتري لها سلسلة قطط اربطها واطلعها تتمشى معاي...بس اخاف تتعود عالشارع وبعدين تهرب واخاف نفسيتها تتعب اذا ضلت محبوسة في البيت طول عمرها مفكرة اسويلها شجرة قطط تتسلى فيها.... بس انت تقول ان الافضل ما اخليها تعرف الشارع....ماودي صراحة اغامر وافقدها وكمان ودي انها تشم هوا وتنبسط...مدري والل |
رد: ابي اعرف القطوة ترجع اذا ضاعت ولا لا؟؟
فعلا انا كنت اقول قطنا مسكين لازم يتشمس ولازم يشم هوا طبيعي .. ودا المفروض..
بس طالما انو ما عندك حوش لا تفكري تعوديها على الشارع كتير ... بس زي ما قلتي لو انك بتكوني معاها فلازم مرة تنتبهي لانها بتكون مفجوعة اول مرة تشوف الشارع وبتحاول تستخبأ او تشرد او تستكشف العالم اللي اول مرة حتشوفه فانتي خليكي ماسكة السلسلة كويس... قطنا اول مرة يشوف الشارع في حياته من الطاقة ههههه مرة وحدة شلته وفرجته على الشارع .. الا هوا صار كل شوية ينط على الطاقة ههههههههههههههه القطط حيوانات فضولية مررررة .. لو شافت الشيء اول مرة ما تنساه وتحاول وتحاول انها تستكشفه وبالها مرررررررررة طويل .. حتى لو تحاول لمدة سنة.. يعني لو خرجتيها مرة وحدة وعرفت باب الخروج .. بتحاول هيا من نفسها بعدين تخرج ويصير كل ما شافت باب الخروج ينفتح بتجي عنده قطنا صار لما نخرجه الحوش عرف الباب اللي يخرجه على الحوش وصار كل شوية ينادينا وينونو عشان نفتحلو الباب والذكي يعرف انو الاوكرة ( المقبض) هو اللي يفتح الباب فصار يحاول ينط ويفتح بنفسو بس قطتك دحين في عمر ممكن تبلغ وتطلب الزواج وخصوصا لو شافت قطط ذكور ..بعدين تتعبي معاها .. بتصير تطلب الزواج وتعرف انو الشارع فيه قطط فتحاول تهرب والقطط لما تطلب الزواج ما تفكر غير انها تهرب وتتزوج .. حتى لو جاعت وضاعت .. بيكون اكبر همها تتزوج .. سويلها الشجرة اللي تقولي عنها .. او حتى جيبي لها قط تاني لو ممكن تتسلى معاه .. الله يحفظ لكي قطتك يارب من كل شر |
رد: ابي اعرف القطوة ترجع اذا ضاعت ولا لا؟؟
الافضل عدم تعريضها للشارع او لمكان عام خصوصا انها مو متعوده وهي من النوع الخائف
لابد انك تحرص عليها والقطط تحب الشمس ..وهي مفيده جدا لها بامكانك تشميسها في البيت وذلك بفتح الشباك حتى تدخل الشمس للغرفه وتجدد الهواء. والله يحفضها لك |
رد: ابي اعرف القطوة ترجع اذا ضاعت ولا لا؟؟
اقتباس:
اقتباس:
خلاص ماراح اعودها عالشارع وبحاول اشمسها... :o |
رد: ابي اعرف القطوة ترجع اذا ضاعت ولا لا؟؟
اخبيرة ناديا معاها حق
|
رد: ابي اعرف القطوة ترجع اذا ضاعت ولا لا؟؟
شوفي انا قطتي لما كان عمرها 11 شهر هربت طول اليوم وتوقعت انو ماترجع و الحمدلله رجعت
بس طبعا اكيد خفت عليها ورجعت وهيا ميته جوع يوم كامل كانت برا البيت إدا انتي تحسينها بتمل وهيا محبوسه في البيت عادي افتحي الشباك وطبعا لازم يكون عليه شبك وخليها تتفرج على الشارع لاكن لازم تحطين الشبك عشان ماتنط انا قطتي احيانا اخليها على الشاباك مره تنبسط عليه لكن لازم ماتطلعينها ابدا ابدا في الشارع مرره خطر على قطط البيت لانو مو متعوده على جو الشارع والله يحفظ لك قطوتك الحلوه ^^ |
| جميع الأوقات بتوقيت GMT +3. الساعة الآن 06:53 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو