الكاسكو مريض ساعدوني
 

اخواني انا اشتريت فرخ كاسكو هولندي حجل ذهبي عمره 6شهور من قبل ثلاثة ايام
والكاسكو اول يوم وثاني يوم جبته ماشالله لعوب ومايبي يجلس في القفص ويبغى يطلع عالكتف ومايبي ينزل


المهم من امس فجأة الكاسكو صار خامل وغير نشيط ابدا وماسار يوقف على الاستاند صار يوقف على ارض القفص وماعاد يصفر
وبرازة كأنه في اسهال ابيض لكن اللون الاخضر شبة متماسك
اخذته اليوم وديته العيادات البيطرية الاوربية عند الدكتور الهولندي شافة وقلي اش تأكله قلتله حب عباد الشمس
اعطاه ابرة مضاد حيوي اعتقد كان مكتوب عليها tyloir اوشي زي كدا وابرة فيتامينات
المهم وقلي اذا مااتحسن ليوم الخميس الصباح جيبو تاني طبعا هذا الكلام اليوم الثلاثاء الساعة 8مساء

بالله ياجماعة ارشدوني خايف على الكاسكو لأنه مازال خامل ومابياكل ولابيشرب وجالس في ارض القفص كأنه يبغى ينام
ومعد بيصفر ولايبغى يخرج من القفص

وزعل مررررررررررة واعطاني ورقة وقلي عشان كذا الطير مناعته ضعيفة وعندة نقص في الفيتماينات لأنة مابياكل لاخضار ولافواكة وهاذا الحب مافيه فيتامينات
وشبهلي الحب بالشوكلاته للطفل اللي عمره سنتين
وقالي لازم تأكلة فواكة وخضار واعطاني ورقة مكتوب فيها تفاح وموز ورمان خيار وبروكلي وكرفس ولحم مطبوخ ودجاج مطبوخ

وقلي اشتري اكل البساس الناشف الحبوب من السوبرماركت واعطيه هيا


اش اسوي الحقوني بالله المشكلة حطيتله خيار ورمان ورز بس جالس موراضي ياكل

رد: الكاسكو مريض ساعدوني
 

ياجماعة الحقوني الطير دوبة استفرغ كمية قليلة من الموية الصفرا



ولمن اقرب منه يهز رقبته بطريقة غريبة يمين ويسار بسرعة كانها فيها رعاشة بس لمن اقرب من القفص


ياجماعة بالله الحقوني دلوني

رد: الكاسكو مريض ساعدوني
 

الله يحفظه لك

الطير بحاجه لجو دافي بعيد عن برد او تيارات هواء او تكييف
ولازم توديه مره ثانية للبيطري

وسمعت من كذا شخص بأن الطير المريض بحاجة الى غذاء مساند (غر) بواسطة السيريلاك والمكملات الغذائية

رد: الكاسكو مريض ساعدوني
 

اخوي حطه بمكان دافي وابعده عن التيارات الهوائية انا قبل فترة رحت لنفس العيادة عشان اقص جناح الكاسكو وعطاني اكل بسس بس الكاسكوو مررة ماقرب منها جوعته ولا في فايدة مستحيل ياكلها

رد: الكاسكو مريض ساعدوني
 

طيب اش اسوي دحين
في شي اعطيه هوا ولا اسيبه كدا مابياكل ومغمض عيونه وكانه بيموت!!!!!
الحقوووووني امانه اش احطله اكل مابياكل ولابيشرب

رد: الكاسكو مريض ساعدوني
 

مثل ما قال لك القلم الجريء

اشتري الابر الكبيره .. بدون الدبوس طبعآ .. ودور السيرلاك الخاص بالطيور ..

او سوي له الخلطه بنفسك ..


ابحث بالمنتدى وراح تلقى الخلطات ..

سويها له واكله بالابره .. طبعآ اذا لقيت الخلطات الخاصه راح تلقى الوصف كيف تاكله وكيف تكون نسبة المويه ..

وربي يشفيه لك ..

رد: الكاسكو مريض ساعدوني