|
هل ببغائي مريض ؟!
السلام عليكم ورحمة الله وبركاته صباح الخير اخواني واخواتي الأعزاء لاحظت قبل كم يوم على ببغائي لمن يعمل عمله يكون سائل احيانا بس امس ما شوفت شي كان طبيعي سؤالي هو هل ببغائي مريض ولا فيه شي ؟! وجزاكم الله خيرا |
رد: هل ببغائي مريض ؟!
السائل معو لون أخضر؟
اذا ما معو قصدك بس سائل شفاف؟ طبيعي بإذن الله اذا اسهال مستمر؟ ولا بس بعد الفواكة و الخضار؟ |
رد: هل ببغائي مريض ؟!
هذا الشي يحدده اشياء كثيرة :
1- لما تأكله فواكه من الطبيع >>> سائل 2- اذا كان اكله حبوب و جاف في هذه الحالة ممكن تكون حالة مرضية 3- اذا توك مروشنه من الطبيعي يكون >> سائل أما اذا زاد الموضوع اخده لاقرب بيطري |
رد: هل ببغائي مريض ؟!
اذا شهيته كويسه .. مو خامل .. يلعب يصفر .. والاسهال مؤقت ..
طبيعي بإذن الله .. شربه شاي خير شر الكاسكو يحب الشي ومفيد لحالات الاسهال .. شاي خفيف بدون سكر مو حار ولا بارد .. |
رد: هل ببغائي مريض ؟!
الله يعطيكم العافيه اخواني انا لاحظت احيانا يكون السائل اخضر واحيانا ابيض بس امس واليوم لاحظت انو طبيعي وبعدين انا ما أأكلو فواكه او خضار الا نادرا وهوا ما شاء الله نشيط هادي الايام من الصباح ما شاء الله عليه يجلس يصفر ويلعب وبالنسبه اني اشربو شاهي الببغاء حقي ما يتقبل شي غير المويه وعندي سؤال هل اقدر اعرف انو الببغاء مريض من منقارو ؟؟ وجزاكم الله خير الجزاء |
رد: هل ببغائي مريض ؟!
لا مااعتقد من المنقار ..
من نشاطه .. أكله .. برازه .. تعرفي حاولي تخليه يتقبل الشاي .. هو عشان ماجرب خليه يجرب شوفي وش يحب ببغائك وجربي معه هم يحبو اغطية موية الصحه .. حطي فيها الشاي وواعطيه جربي ممكن يعجبه .. |
رد: هل ببغائي مريض ؟!
انا دايمن اعطيه غطا موية الصحه واحطلو فيها عصير يكبو
بس اليوم حطيتلو الشاهي في صحن المويه وشيكت ع الصحن لقيتو وسخ شويه عرفت انو شرب منو بس قد ايش اخليلو الشاهي في الصحن ؟! |
رد: هل ببغائي مريض ؟!
الاسهال اذا مو مستمر ما فيه خوف بإذن الله
دائما بعد الاستحمام و الفواكه والخضار المسلوقه واي طعام يحتوي على سوائل يكون اسهال موقت طبيعي جدا . البراز اكرمك الله ونشاطه وشهيته للطعام من اكبر الدلائل على صحة الطائر |
| جميع الأوقات بتوقيت GMT +3. الساعة الآن 10:34 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو