|
إستفسار
الأخوة الكرام
عندي فقاسة وطنية ( ويدوية التقليب ) وشاريها من سوق الحمام في الرياض . الفقاسة فيها صحن بالأعلى وفيها مقياس حرارة زئبقي وصحن كبير للماء في الأعلى أمام المروحة ، ولكن مافيها مقياس الرطوبة قلت له هل يحتاج لمقياس الرطوبة يقول مايحتاج صحن الماء يعطي رطوبة بس خلي الصحن مليان على طول . وش رايكم أخليها على ماهي عليه أو اشتري مقياس للرطوبة إذا لازم !!! أين أجد مقياس الرطوبة ، الي يعطيني الأرقام الصحيحة ؟ وبكم سعره ؟؟ (((((( وين المكان الي يبيعها بالرياااااااااض ))))) اهم شئ يكون المقياس يقرأ زين وسعره معقول سؤالي الثاني عندي مكيف صحراوي صغير منزلي هل اخليها يضرب الهواء في الفقاسة ولا اخليه بعيد عنه السؤال الثالث هل تقليب البيض يعني اخذها من جنبها وأقلبها للجهة الثانية ( يعني أقلب حبه حبة ) ولا امسك الدرج بالكامل وأهزه هزه خفيفة فقط ؟ السؤال الرابع لو مثلاً وضعت البيض اليوم ( متى أبدأ بتقليب البيض ) السؤال الخامس المقياس حق الحرارة الي عندي زئبق واصل على خط 37 هل مضبوط ولا أزوده شوي ؟ ولكم خالص الشكر والتقدير |
رد: إستفسار
اهلا وسهلا فيكـ أخي معنا .
راح نجيب على اسألتكـ بإذن اللهـ ونفيدكـ . :freind: اقتباس:
بما ان الفقاسهـ جاء معها صحن الرطوبهـ الخاص بها ,, فهذا هو مقياسها .. :) مايحتاج تشتري المقياس لأن كمية الماء اللي راح يحتويها الصحن اللي جاء معها هو مقدار نسبة الرطوبهـ بالفقاسهـ . كلما نقص الماء او على وشكـ التبخر والإنتهاء ,, اعد ملئها بماء مقطر أو ماء صحهـ . اقتباس:
لا تتركـ الهواء يضرب فيها مباشرهـ لأن ممكن يتسبب بتقليل الرطوبهـ وانخفاض درجة الحرارهـ ,, فقط اتركـ الفقاسهـ في مكان ثابت ذا تهويهـ جيدهـ . اقتباس:
الفقاسهـ اليدويهـ عيبها انكـ لازم تقلب البيض واحد واحد .. لاتهزهـ ولا شيء اللهـ يعافيكـ .. تبي بيض مخفوق وشكشوكهـ ؟؟ (( أمزح معكـ واللهـ .. لكن ضحكت على فكرة هز البيض بالفقاسهـ :D)) . اقتباس:
بالنسبهـ لي أقلب البيض من أول يوم ,, وأضع علامهـ على جهتين من البيضهـ حتى أعرف من اللي قلبتهـ ولا لسى ماقلبتهـ . اقتباس:
درجة الحرارهـ حاليا ممتازهـ . الدرجهـ المثلى هي 37 _ 37,5 .. انتبهـ تزيد او تنقص عن هالدرجتين وحاول تكون درجة الحرارهـ والرطوبهـ ثابتهـ حتى لايحصل تشوهات لاقدر اللهـ . أي اسألهـ أخرى تفضل أخي بطرحها .. بالتوفيق لكـ . |
رد: إستفسار
اقتباس:
لن ازيد كثيرا على ما قالته خبيرتنا الغاليه صمت الأمل فقد وفت وكفت ولكن من باب المشاركة ساكتب رأيي واتمنى ان اوفق بذلك بالنسبة للرطوبه ليست خطورتها كالحرارة فالرطوبه نسبيه اما درجة الحاره فيجب ان تكون دقيقه ويجب متابعتها بدقه لذا فدرجة الرطوبة لا تحتاج الى مقياس فيكتفى بالصحن الموجود داخل الفقاسه مع ملاحظته باستمرار كلما قل الماء يتم تعبئته اقتباس:
اقتباس:
اذا ما الحل ؟؟ الحل من واقع تجربه هو ان تبسط كفيك ثم تمررها على البيض كي يتحرك البيض ولكن يجب ان يكون ذلك بهدوء وحاول ان تنهي الوضع بأقل وقت حتى لا تنخفض درجة الحرارة وبكذا نكون قد أنهينا التقليب بطريقه سريعه اقتباس:
اقتباس:
كما انه يجب عليك تغيير مواقع أرفف البيض بحيث تضع الرف الاول من اعلى مكان الرف السفلي وهكذا بين فتره وأخرى تغير مواقع الارفف لان درجة الحرارة داخل الفقاسه تختلف من موقع لآخر وخصوصا بالفقاسات الكبيره تمنياتي لك بالتوفيق واتمنى أني افتك بالمعلومة الصحيحه دمت سالما |
رد: إستفسار
اقتباس:
عموما الله يرفع قدرك ويبارك فيك وماقصرت والله يحفظك من كل مكروه إذا عندك نصائح او معلومات تضيفينها فسأكون لك كذلك من الشاكرين دمت بكل خير |
رد: إستفسار
اقتباس:
الفقاسة حاطها في داخل غرفة جوها تقريبا معتدل اما المعيار الي عندي زئبقي ودرجة الحرارة على خط 37 لو أرتفعت شوي بيصير خط 38 بعدها على طول ؟؟ وش رايك يالغالي هل هي مضبوطة ولا يبي لها وزن ؟ بالنسبة للتقليب يالغلا براحة كف اليد هل تفضل مثل ماذكرت خبيرتنا القديرة صمت الأمل وضع علامة على البيض هل اقوم بوضعها بالقلم الخطاط ولا بقلم رصاص ؟؟ ومضى على البيض بعضه مايقارب 4 أيام وبعضه يومين هل ابو 4 أيام خرب البيض وخاصة اني ماقلبته أبدا ؟ وبالنسبة للتقليب هل أقلبه كل ساعتين ولا كل كم ساعة تقريبا ؟؟ وإذا عندك كذلك نصائح أخرى او معلومات لا تبخل علي يالغالي بصراحة والله استفدت الكثير والكثير منك ومن معلوماتك القيمة الله يطول في عمرك اخوي ابو أروى ويرفع قدرك ويعلي منزلتك في عليين أنت والأخت صمت الأمل |
رد: إستفسار
اقتباس:
هذا المطلوب وحسن مافعلت اقتباس:
اذا كانت ترتفع وتصل للشرطه الاخرى 38 فلا تحتاج ضبط اما ان كانت اعلى درجه تصلها 37 فعليك زيادتها قليلا بحيث تكون بين الشرطتين في المنتصف حتى تعطيك درجة حراره مناسبه 37.5 اقتباس:
طبعا مو ضروري العلامه ولكن اذا وضعتها يكون افضل واستخدم القلم الفلومستر واليكن اللو الحمر وسجل تاريخ وضع البيض بما انك تحط على دفعات مع اني لا افضل وضع البيض على دفعات فانا افضل وضع البيض دفعه واحده اقتباس:
لا ابد قلبهم جميعا وباذن الله لن يصيب البيض مكروه اقتباس:
بالنسبة للتقليب هناك عدة مقولاتفمنهم من يقول مره ومنهم من يقول 6 مرات فخير الامور اوسطها يعني كاقل تقدير 3 او 4 مرات توزعها على اليوم يعني لو اخترت 4 بيكون تقليبه جهة اليمين الساعه 6 الصباح مثلا الساعه 12 الظهر يسار الساعه 6 مساء يمين الساعه 12 ليلا يسار وهكذا باستمرار الى اليوم 18 او 19 توقف التقليب لانه لم يعد يفيد اقتباس:
والله ياعين ابوي انا في الخدمه ونصيحتي لك وللجميع لا تتردد بطرح استفسارك مهما كان صغير وستجدنا في خدمتك جزاك الله خير على هالدعوات الطيبه ولك مثل ذلك وجميع اخوانا الاعضاء دمت سالما |
رد: إستفسار
الله يبيض وجهك يا أبو أروى وماقصرت يالغالي إجابات وافية وشافية
يعجز اللسان عن تقديم الشكر لك يالغلا وبلا شك عند وجود أي إستفسار لن أتردد بسؤالكم وأشكر لك رحابة صدرك تقبل تحياتي يابعدهم |
| جميع الأوقات بتوقيت GMT +3. الساعة الآن 08:20 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو