مسسسساء االخير

انا شريت جرو جيرمن شيبرد عمره 3 شهور والحين معاي له اسبوعين واول كلب احصل عليه وماني عارفه الاكل اللي انا اعطيه صح او لا والتطعيمات كامله ولا لا اول شيء جدول الاكل
فطور : حليب وصفار بيض (مرتين بالاسبوع ) حليب وداري فود (مرتين بالاسبوع ) وحليب وخبز (باقي الاسسبوع ) الغداء : خضار و نقانق بعدين خضار وحليب والعششاء رز ونقانق يعني تقريبا كل ست ساعات وجبه .. حابه اسسالكم جدول الاكل كويس ولا لا ؟؟؟


الاكل تمام بس ابتعدي عن البيض الني لانه يسبب بطئ بالهضم و حرصي ان الحليب يكون خالي الدسم


وبالنسسبه للتطعيمات ،، اول ماجبته كان فيه حشرات (قراد) ووديته للبيطري وطلع الحشرات وقبل يومين وديته للبيطري وعطيته الجرعه الاولى وقالي بعد شهر تعالي واعطيه الجرعه الثانيه .. كذه تمام ؟؟

الجرو يبدأ تطعيماته من عمر الشهرين.... و التطعيمات تختلف من دوله الى دوله

في دول تخلط التطعيمات مثل امريكا و عندنا بالكويت بس مستشفى واحد الي يخلط التطعيمات والباقي كل شهر تطعيم

عموما امشي على مواعيد الدكتور ليمن يقولك التطعيم الجاي السنه الجايه


وبعدين هو عنده مشكله العض شريتله عضاضه بس مازال يعض وعضته تؤلم واحيانا يحاول يهجم وهالشي يخوفني منه مع انه اذا ابتعدت عنه لو نص ساعه او اقل يقعد ينابح ومايسكت الا اذا صرت قدامه على طول...!! مادري وش الحل ياليت تساعدوني..

موضوع العضاضه.... مو انك تشترين عضاضه و ترمينها له و خلاص

حركيله العضاضه بطريقه حلوه تلفتين انتباهه فيها

كأنها فريسه و اهو يحاول يصيدها <<------اول مايحاول يعضك تسوينله هالشي

و اذا عضك قوليله owch و noooooo

او مسكيه من رجوله الاماميه و رفعيهم عن الارض و هزيه و قوليله نووو و نزلي رجلينه بالاتجاه الثاني


ابي احطه بغرفه مجهزتها له .. بس ينااابببببح ومايسكت ..؟ وخايفه اتركه ينابح ويأثر فيه هالشي؟ عطوني رايكككم وخبرتتتككم بليززز .. وسامحوني طولت عليكم بالكلام بس جد محتاجة ارائكم..


انتي بهالشي قاعده تقولين له اذا نبحت اجيلك <<------- غلط

خليه بالغرفه و اذا نبح خليه زياده و اذا سكت بعدها بنص ساعه طلعيه

و اذا ازعجك حيل و مو قادره تتحملين جيبي علبة بيبسي الـ كان و حطي داخلها خرده حديد بحيث ان اذا هزيتيها تطلع صوت مزعج

اذا نبح كثير ارميها على الغرفه و خليها تزعجه بيستغرب من الصوت و بيخاف و بيسكت

راح يقول الكلب من وين جاني هالشي خلني اسكت احسنلي لان كل ما انبح راح يجيني هالشي الي نازل من السما


:shy::shy: