منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة القوارض (http://www.2zoo.com/vb/forumdisplay.php?f=81)
-   -   الهامستر و ولادها الحقووونى (http://www.2zoo.com/vb/showthread.php?t=236999)

nenooz 07-09-2011 06:46 PM
الهامستر و ولادها الحقووونى
 
:confused::(السلام عليكم

انا كان عندى هامستر و كانت حامل و خلاص جابت الولاد الصغيرة
النهاردة عمرهم 8 ايام و كنت عايزة اسال امتى ينفع نمسكهم؟؟ او نلمسهم و امتى بيقدروا ياكلو اكل بنفسهم و لما يقدروا انا ممكن اديهم اكل ايه؟

السؤال التانى عن الام هى بعد ما ولدتهم و بترضعهم خست اووى و مش عارفة اديلها اكل ايه يقويها لانى حاسة انها تعبانة؟
ارجوكو قلولى اعمل ايه؟؟

ziir 07-09-2011 06:53 PM
رد: الهامستر و ولادها الحقووونى
 
وعليكم السلام

من 21 يوم تفطم الام الصغار

الاكل هو اكل البالغين الاكل المخصص و الورقيات

الام وفري لهآ كالسيوم وبروتين مع الراحـة وعدم الازعـاج

nenooz 07-09-2011 10:27 PM
رد: الهامستر و ولادها الحقووونى
 
شكرااااا بس بردو عايزة اعرف معلومات اكتر ساعدونيييييييييييييييي

nem0 08-09-2011 01:56 AM
رد: الهامستر و ولادها الحقووونى
 
اقتباس:
المشاركة الأصلية كتبت بواسطة nenooz (المشاركة 2285721)
:confused::(السلام عليكم

انا كان عندى هامستر و كانت حامل و خلاص جابت الولاد الصغيرة
النهاردة عمرهم 8 ايام و كنت عايزة اسال امتى ينفع نمسكهم؟؟ او نلمسهم و امتى بيقدروا ياكلو اكل بنفسهم و لما يقدروا انا ممكن اديهم اكل ايه؟

السؤال التانى عن الام هى بعد ما ولدتهم و بترضعهم خست اووى و مش عارفة اديلها اكل ايه يقويها لانى حاسة انها تعبانة؟
ارجوكو قلولى اعمل ايه؟؟
شوفي يا باشا ينفع تمسك البيبيز لما يبدأ يطلعوا برا بيت الولادة ويبدأ يلعبوا ويجروا وكده مش شرط لحد ما يتفطموا.
يتم فطام الخلفات على عمر 28 - 35 يوم وذلك بناء على ميعاد التلقيح وذلك لانخفاض كمية اللبن تدريجياً بعد
اليوم 21 من الولادة . ومن المعروف أن الخلفات تبدأ فى تناول العلف بعد الأسبوع الثالث من الولادة . وقد يحدث مايسمى بصدمة الفطام مما يؤدى لارتفاع نسبة النافق وبالتالى يمكن مع توفير الأقفاص فطام الخلفات عن طريق نقل الأم وليس الخلفات أو فطام الخلفات فى قفص بجوار أو ملاصق لقفص الأم ويجب وضع جميع الخلفات فى عين واحدة فى البداية . وكذلك من الممكن تصويم الخلفات فى اليوم الأول من الفطام مع وضع مضادات حيوية لمدة ثلاث أيام وكذلك مركبات السلفا بالإضافة إلى الفيتامينات فى الماء . وبخصوص تعب الام هيا كده عادي أي أم تلاقيه بتتعب بعد الولادة بس أهم حاجة متزعجهاش خالص وتنوع لها الأكل وتحط لها فيتمينات من اللي بتباع في الصيديليلا البيطرية وإنشاء اللله ترجع زي مكانت أو أحسن كمان

سـ 3 ـيدان 08-09-2011 08:31 AM
رد: الهامستر و ولادها الحقووونى
 
يالغالي عطها جبـن كيري ولا مثلثات .. عطها تمر .. والاكل اللي تحس فيه فايده ومن ناحية الاولاد يبدون بتذوق الاكل وليس بقصد التغذيه وانما بقصد الاستكشاف عند تقريبا 11 يوم يبدو يستكشفون ولكن طبعا يكونوا مغمضين .. والحين حطها بمكان هادي ومظلم ودافي ولا تدخل عليها الانادر علشان ماتخاف لانها اذا خافت ممكن تاكل الاولاد ولا تغيرلها النشاره الا بعد مايفتحوا الاولاد عشان برضو ماتحس بالخوف ..


سـعـيدان

Coupooo 08-09-2011 12:14 PM
رد: الهامستر و ولادها الحقووونى
 
بصى يا نينو ... الموضوع سهل اوى .

اول حاجة الهامسترات مينفعش يتمسكوا الا بعد الفطام عشان لو حد لمسهم امهم ممكن تأكلهم او متهتمش بيه من اساسه ... فلسلامة الهامسترات الصغار متلمسيهمش خالص

و مشكلة الخسسان الى عند الانثى الى عندك دى بسبب الإرهاق و التعب الي ناتجين عن الولادة و الحمل ... فلازم تعوضيلها البروتينات و الفيتامينات الى هى فاقداها .... فحطيلها بياض بيض مسلوق ( و متحطيش الصفار ) و لبن خالى الدسم و جبنة بيضة او مثلثات .

و ان شاء الله يتفطمو و يكبروا و يبقوا زى العسل ان شاء الله .... و لو عايزة اى حاجة تانية قولى

nenooz 09-09-2011 02:58 AM
رد: الهامستر و ولادها الحقووونى
 
بجد ميرسى ليكو اووووووووووووووووووى اوى اوى لانكن ساعدتونى وانا كنت فعلا محتاجة مساعدة لانى مكنتش اعرف حاجة خالص عن ولادة الهامستر


جميع الأوقات بتوقيت GMT +3. الساعة الآن 11:54 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو