|
مطلوب رأيكم في تصرفات ببغائي اليلوناب
السلام عليكم
وكل عام وانتو بخير ذكرت في مواضيع سابقة بأني أملك يلوناب 2010 ماشاء الله الطير يتكلم وأحيانا يزعجني بالكلام وأليف ولكن عنده غدر وأحيانا يعض عضات جامدة ومعاه هوس بعض الأشياء ونصحوني البعض بأن أشتري له مسليات تنباع في اماكن الطيور كالأخشاب وماشابه وأشتريت له بس شايفه ماشاء الله مايجلس عاقل أستلم الأخشاب عض من البارح وحتى اليوم صحيت من النوم حصلته مصاب في عينه إصابة غير قوية ولكن كفيلة بإغلاق عينه عندمة يلعب وبعض حتى الكلام ماصار يتكلم لأنه صار مشغول بالعض طول الوقت... مارأيكم؟؟؟ وهل فيه حلول للعض المتكرر وكأني مشتري كلب وليس ببغاء |
رد: مطلوب رأيكم في تصرفات ببغائي اليلوناب
اقتباس:
وعليكم السلام ورحمه الله وبركاته هلا اخوي الله يحفظ لك طيرك ان شاء الله بالنسبه الي الاشياء الي يسويها هي طبيعيه معروف عن الامازوني وخاصه اليلو ناب انه بغبغاء لعوب والحلول انك تقعد معاه وطلعه بره القفص واذا كان مقصوص خله بره القفص وحاول انك تلعب وتتسلى معاه ترى الامازوني بغبغاء حنون ويحب صاحبه ويحب برضو يلعب وهذه طبيعته اما بالنسبه الي الالعاب طبيعي انه راح ينشغل فيها ويمكن يحطمها بعد ...... |
رد: مطلوب رأيكم في تصرفات ببغائي اليلوناب
اشكرك على الرد
بإنتظار رأي الخبراء |
رد: مطلوب رأيكم في تصرفات ببغائي اليلوناب
رأيي ان تنقل الطير الى قفص اكبر وتخلي فيه العاب تختارها بعناية وفيها حبل والخشب الي فيها دوائر
حتى لا يؤذي نفسه الطير وبعدين اذا الطير مقصوص افتح له القفص وهو راح يطلع ويدخل وقت ما يبي واجلس معه واجعله ياكل من يدك من راحة يدك وانت كلمه بحنية مشكلة احنا العرب دوم نبي من الطير يتكلم ويتعلم ، اتمنى نقتني الطير ونحبه لاجل انه طير واذا تكلم خير وبركة ونعملة بسهولة ومع الوقت يفهم ويعرف |
رد: مطلوب رأيكم في تصرفات ببغائي اليلوناب
المشكلة ان الطير فيه غدرة يعني تعطيله يدك عشان يطلع يقوم يرفع ايده كأنه يقولك تعال ابي اطلع على يدك
مجرد إنه يحط يده الأولى على يدك يعني يمتلك اصباعك يقوم يعضة غادرة مدري وش سببها؟؟؟؟!!! |
رد: مطلوب رأيكم في تصرفات ببغائي اليلوناب
الغدر هذا طبع اليلوناب
يكون اليف مررررررررررره وفجاءه يعطيك وحده يقطع ايدك ويطلع دم لا تشوف ايدي وتعرف اليلوناب |
رد: مطلوب رأيكم في تصرفات ببغائي اليلوناب
اقتباس:
|
رد: مطلوب رأيكم في تصرفات ببغائي اليلوناب
اخوي القيصر مثل ما تفضلو الشباب من قبلي غااااااالبيه الامزونيات وبالذات اليلوناب فيهم هذا الطبع وفيه ناس يقولون انها من حراره الطير وناس يقولون انها طريقه لعب الطير و.....و,,,,,و.... يعني كثر الكلام فيها وفي تفسيرها لكن هذي طبيعه فالطيور وتختلف شدتها من طير الى اخر ياخي اذا طيرك يعضك انا كان عندي يلوناب يهجم علي هجوم من اشهر اليلونابات اللي اشتهرت عاليوتيوب اليلوناب (شارلي) شف المقطع كله هجوم في هجوم يعني وضع طيرك طبيعي جداااا وايضا من الممكن انه مثل ماقال الاخ انه يعض بسبب ترددك في مد يدك مما يشعر الطائر بخوفك منه عشان كذا يبدء يفرض شخصيته عليك اما بالنسبه لسؤالك الثاني انه انشغل بالالعاب وقل كلامه هذا ياصاحبي شي عادي جدا لأنه في السابق ماعنده شي يشغله فكان وقته كله كلام في كلام بس الان صار عنده العاب يعني شوي العاب وشوي كلام ولاتنسى ان الالعاب جديده عليه عشان كذا بينشغل فيها كثيييييييير الى ان يتعود عليها بعد مايتعود على تواجدها بالقفص راح يقل اهتمامه بها اسف اذا كنت اطلت في ردي ولكن كل هذا لأني رأيتك تعرض نفس المشكله اكثر من مره |
| جميع الأوقات بتوقيت GMT +3. الساعة الآن 11:29 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو