منتديات تو زوو - تكفوون ابي جوااب :(

منتديات تو زوو (http://www.2zoo.com/vb/index.php)

- سؤال و جواب لقسم هواة الكلاب (http://www.2zoo.com/vb/forumdisplay.php?f=38)

- - تكفوون ابي جوااب :( (http://www.2zoo.com/vb/showthread.php?t=235127)

تكفوون ابي جوااب :(

السلام عليكم ورحمة الله وبركاته

يا اخوان عندي سؤال لأهل الخبره

انا لقيت كلب جيرمن شبرد عمره سنه ونص

مدرب على الطاعه والحراسه بس

المشكله الوحيده كيف اعوده علي

يعني يصير يحبني ويلعب معي

ونا صراحه ما أبغى افوته

لأنه مشاءالله لقطه

وتكفون الرد السريع :p

رد: تكفوون ابي جوااب :(

وين الردوود ياشباب :(

رد: تكفوون ابي جوااب :(

بين نزول موضوعك وطلبك بالردود »» 6 دقايق؟

خاصة ان الحين الفجر والكل مشغول

لاتستعجل يالغالي عطني شوي وبعطيك الرد الي يرضيك

رد: تكفوون ابي جوااب :(

معليييش اخوووي

رد: تكفوون ابي جوااب :(

اخووي انا توني شاري جيرمن 7 شهور تقريبا

ولله في يومين فقط اخذ علي والاوامر تمام معاه بس عشان المكان جديد لازم يروح كل شوي يشم ويتركني

لاكن حارس بارع من صوت الفرامل عند الباب على طول واقف عند الباب

رد: تكفوون ابي جوااب :(

لا انا اقصد انه ماينابح علي ولا يهجم علي فهمت علي

رد: تكفوون ابي جوااب :(

وعليكمـ السلامـ ورحمهـ الله وبركاتهـ

الغالي على كلامك ان الكلب متدرب طاعة وحراسة

يعني الكلب يسمى »» مدرب

أي بمعنى ثاني »» في ريموت كنترول للكلب

هذا شي طيب ويسهل عليك التحكم فيه

بس بالبداية يجب التاكد من عدم شراسة الكلب معاك

يعني امسح والمس على الكلب بحظور صاحبه القديم

عشان مبدئيآ يتعود عليك الكلب

----

الحين نتطرق الى كيفية التعامل مع الكلب داخل البيت

الحل سهل .:

1 - أول شي لازم تفهم ان الكلب انك القائد الجديد عن طريق الآتي :

أ - تخليه بالقفص لمدة ثلاث أيام ومحد يعطيه الأكل غيرك

»» قد يفقد شهيته في أول الأيام والسبب تغيير المكان وافتقاده لصاحبه القديم ««

ب - بعد مرور الثلاث أيام تقوم بفتح باب القفص وعند توجه الكلب الى القفص تقفله

وتكرر العملية الى ان تجد الكلب هدأ ووقف بمكانه »» الحين تفتح له االقفص وتطلعه

ج - الحين الكلب فهم ان فيه قائد جديد »» يعطيه الاكل وقت مايشاء ويفتح القفص مايشاء

2 - تعويد الكلب بعد النقطة 1 على الاحترام داخل المنزل

وتقديم كل الأسرة له وذلك عن طريق تقديمهم له الأكل حتى لايتمرد عليهم

3 - جعله يتمشى داخل انحاء أو حول المنزل ليستكشف المنطقة

»» قد تجده يتبول في بعض الاماكن لتحديد منطقته أو تجده يشم الارض كثيرآ ««

----

الحين نتطرق الى كيفية تعويد على اللعب معاك

الحل سهل .:

1 - تقوم باللعب معاه بالكرة وتشجيعه بالكلام

2 - تقديم له المكافات المخصصة للكلاب »» لان لها طعم يبهج الكلاب

3 - تحميم الكلب »» التحميم يقوي الرابط بين الكلب وصاحبه

4 - اخذه معاك بالسيارة والذهاب الى الحديقة أو البحر »» تكون ماسكه بالليش

----

الحين نتطرق الى كيفية تذكير الكلب بالأوامر

الحل سهل .:

»» أول شي يجب عليك أخد جميع الاوامر من المالك القديم وتسجيلها عندك ««

1 - كرر الأوامر على الكلب وباستخدام وقت يناسبك ويناسب الكلب للتدريب

2 - استخدام المكافئات اللذيذة حتى يقوم الكلب بآداء التدريبات بشكل ممتاز

3 - استخدام ليش ( مقود ) صغير أثناء التدريب

4 - الليش الطويل يستخدم فقط اثناء تدريب الكلب على الـ Come

حتى تكون هناك مسافة طويلة وسحبه اذا اضطر الامر

----

تفضل يالغالي

:freind:

رد: تكفوون ابي جوااب :(

الله لايهينك ولا يحرمنا منك مشكووووووووور يالغالي

رد: تكفوون ابي جوااب :(

مشكوور أخي أبو فهد شجعتني أشتري كلب هاسكي عمره سنة انشالله اشتري بعد النصائح الذهبية.
سلام عليكم

رد: تكفوون ابي جوااب :(

اقتباس:

عاشق المها

الله لايهينك ولا يحرمنا منك مشكووووووووور يالغالي

ولا يهينك يالغالي ولايحرمنا منك

اشكرك على الدعوى الطيبة

----

اقتباس:

مهووس الجيرمن

مشكوور أخي أبو فهد شجعتني أشتري كلب هاسكي عمره سنة انشالله اشتري بعد النصائح الذهبية.
سلام عليكم

العفو يالغالي

الهاسكي انا انصحك تاخذه بعمر الـ 4 شهور

وان شالله يتربى بعزك