|
حاجة غريبة
السلام عليكم
كيفكم يامربين القطط ^___^ في هادا الموضوع حابة تفيدوني بشي غريب صاير عندي عيلة قططنا كبرت لما تشيكو بالأمس جابت كمان 4 قطط واحد منهم مات المهم تشيكو كانت قبل الولادة ما تسمح لأولادها يقربوا منها واحيانا تسترحم فيهم وتسمحلهم يرضعوا منها وايام كثيرة تبخ في وجههم ويهربوا منها ولما ولدت وهي من امس مُصرة تسحب ميمو وتوكا اولادها البالغين 4 شهور على مكان ماولدت اولادها الجدد !! والكبار من عضتها وسحبها بيصرخوا وهربوا :D ليش هي تسوي كدة !! مو بالعادة انه القطة الام ما تعترف بالقطط الكبار من باب اعتمادهم على نفسهم !! وعلى فكرة صارت تبعد اوقات طويلة عن الصغار وهي بتحاول تنادي الكبار وتسحبهم معاها غير صوتها بيصحينا كلنا في البيت من القصة دي !!!! :confused: |
رد: حاجة غريبة
ماشاءالله
هذه احدة من القصص الغريبة للامهات الحامل::: مرة بيجوا و نيسان ولدوا بنفس الفترة تقريبا و بيجوا كانت الاولى بالولادة فلما ولدت نيسان اكلت ولادها و راحت تحضن اولاد الاخرى... في الاول قطتك عالاغلب كانت خايفة جدا عالكيتنز الحديثين و بعدها تطمنت اكيد موفقه |
رد: حاجة غريبة
غررررررريب اللي صار معاك !!
انا دحين مات واحد تاني من الكيتنز الصغار و نقلت الام الاثنين الباقيين في مكان الاثنين القدام اللي هم الكبار وتروح لهم كمان عشان يرضعوا منها وانا لما بشوف دا المنظر اشيل الكبار عنها عشان تهتم برضاعة الصغار اكتر >< والله حالة ... |
رد: حاجة غريبة
السلام عليكم ورحمة الله وبركاته
طيب اعزلي القطط الكبار عن امهم وخلي الام مع الكيتنز في غرفة لوحدهم ولا احد يزعجهم يمكن من الخوف او القلق تسوي كذا وان شاء الله بترضع الصغار واتهتم فيهم |
رد: حاجة غريبة
وعليكم السلام ورحمة الله وبركاته
باغيرا انا حاطة الام والكيتنز في بيت و القطط الكبار اللي عرضتهم للتبني في بيت لوحدهم لكن ما تصدق تلاقي فرصة احد يفتح الباب وتيجيهم .. ودحين نقلت الكيتنز عند الكبار في نفس البيت و ياويلي على الرجة اللي تسويها لما ماقدرت توصل للكيتنز او الكبار :D حتى بابا صار يشتكي من صوتها ^___^" |
| جميع الأوقات بتوقيت GMT +3. الساعة الآن 06:32 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو