|
سوق الطيور الإمارات/ الشارقه
السلام عليكم ورحمة الله وبركاته من يومين رحت سوق الشارقه للطيور على أساس اني اشتري اكل لطيوري كوكو وعشبوه.. :D :D http://www.arb-msn.com/up/uploads/33286f19cd.jpg وقلت خل ادخل واشوف شو موجود وشو أحوال السوق بعد اللي سمعناه عن انفلونزا الطيور اللي قالب احوالنا.. :o :o http://www.arb-msn.com/up/uploads/2cf7406bc1.jpg نص المحلات كانت مسكره للأسف الانا كنا سايرين الظهر.. :( :( بس دخلت كمن محل وشفت طيور تجنن.. وأحلى شي شفته هو.. :D :D :D فروخ الدره.. الهنديه.. http://www.arb-msn.com/up/uploads/1682d9c0da.jpg http://www.arb-msn.com/up/uploads/36aab5ff72.jpg وفروخ الدره النيباليه.. << عشبوه صغيره.. http://www.arb-msn.com/up/uploads/7b0bf487d5.jpg http://www.arb-msn.com/up/uploads/20ac3ec153.jpg وش رياكم بسوقنا؟؟ والاسعار تراها حلوه.. فرخ الدره الهندي = من 100 إلى 150 درهم على حسب المحل و البائع وفرخ الدره النيباليه = 350 درهم وشكرا تحياتي/ توتي |
رد: سوق الطيور الإمارات/ الشارقه
مشاء الله مشاء الله
والله صراحة فروخ عندكم من الاصلي مشا الله عليهى ودك تاخذها كلها :) سوق بلاط ورخام ومش عارف ايش ,,,, للطيور :) والله عندنا السوق الي بالفخامة هذي يبيع ذهب مو طيور :p اسواق الطيور عندنا لو اتشوفها تنسد نفسك ... (( ما استغرب ان عندنا طيور واجد تنتف ريشها )) :D والله سلملي ع الامارات واهل الامارات كلللهم وتستاهلون والله ياعيال زايد اكثر واكثر وتحية للجميع الطاير |
رد: سوق الطيور الإمارات/ الشارقه
يا حظكم هل الامارات
فروخ دره هنديه وناسه ابي واحد طرشي لي بالفيداكس ^.^ لووول |
رد: سوق الطيور الإمارات/ الشارقه
بصراحه خاطري اروح هالسوق ولله لكنه بعييييد عنا... اتصدقين حمستيني احط صورة سوق المينا الي فبوظبي عندنا .. بنشوف وين الافضل لووووول ... وتسلمين ع الصوور لكن كنا نتمنى انه في صور اكثر من الي حطيتيهن .. وان شاء الله المره الثانيه تروحين والمحلات كلهن مفتوحات لوول..
|
رد: سوق الطيور الإمارات/ الشارقه
أخوي الطاير تشرفت بمرورك وردك.. والله انا ما ارتاح الا بهالسوق يوم أدخله الود ودي ما أطلع منه.. أخوي رعوود شكرا على الرد.. أختي تفاحه حمرا فكرة حلوه والله.. كان ودي أسوي بحث كامل عن السوق واصور كل شي فيه عشان ارويكم.. بس تدرين بالحاله.. زين مني صورت كم صوره.. خخخخخ بس ان شاء الله بحاول أصور كل شي المره اليايه.. وبعدين بنسوي تقرير كامل عن أسواقنا في الأمارات خخخخ وما أظن انه في احلى من هالسوق.. الأنه اللي سمعته انه ايونه من كل مكان حتى بوظبي ;) لوووووووول.. والله في دبي ما شي مثل هالسوق على كبرها.. شي محلات كبيره وفي مناطق معينه وغاليه اسعارها ضوو.. أما عصامتنا الحبيبه والله انا من متى اسمع بسوق المينا وخاطريه اشوفه.. بس والله اللي يميز هالسوق انه كبير ومحلاته كثيره.. وكل شي فيه.. وبعدين تطلعين جنبي السوق على طول بتلقين عيادات بيطريه خاصه بالطيور والحيونات الاخرى + محلات بيع طعام الطيور والحيونات الاكل اشكال والالوان + محلات بيع أكسسوارت الحيونات من أقفاص وغيره.. ومن غير اهتمام حكومة الشارقه فيه اهتمام كبير من ناحيه الصحه والنظافه وكل شي.. والسموحه.. أختكم/ توتي |
رد: سوق الطيور الإمارات/ الشارقه
يعطيك الف يا توتي و ما شاء فروخ الدره رائعه لا.... رائعه شويه بحقهم قمه في الجمال و ننتظر زيارتك الجايه بفارق الصبر و كثري من الصور و لاتنسينا بكم فرخ و تسلم يدك |
رد: سوق الطيور الإمارات/ الشارقه
مشكور اخي الكريم
وصور الطيور رائعه وايضا السوق الى الامام |
رد: سوق الطيور الإمارات/ الشارقه
هذا وقتهم الحين الدره
|
رد: سوق الطيور الإمارات/ الشارقه
سوق رااائع ورااايق
http://www.arb-msn.com/up/uploads/33286f19cd.jpg بس شكلك رايع بطياره:D http://www.arb-msn.com/up/uploads/7b0bf487d5.jpg يالبه قلوبكم بس:D 00 00 00 لاتحرمنا من جديدك 00 00 زعيم اسيا 00 |
رد: سوق الطيور الإمارات/ الشارقه
الاسعار شوي مرتفعة
احنا فروخ الدره الهندية سعرها يتراوح بين 25 درهم الى 40 درهم وطبعا موسمها يكون في الصيف يعني بعد شهرين ثلاثة تنزل السوق . |
| جميع الأوقات بتوقيت GMT +3. الساعة الآن 02:17 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو