|
ارجوا المساعده القط له خمس ايام ماكل شيء ..!!
السلام عليكم ..
ماطول عليكم انا وصلني قط من برا ( عمره ثلاث شهور تقريبا ) ، واول ماوصل طلبت من اللي وصله لي اننا نتقابل عند محل قطط اخذت القط وكان هزيل بس قلت يمكن ماكل بحكم السفر وكذا فطلبت من الدكتور يعطيه تطعيمه ويجلس عنده كم يوم ( اربع ايام تقريبا ) اخذت القط منه ورجعت للبيت بعد مانتهت المده وتفاجآت ان القط الصغير ماياكل ابد جربت معاه دراي فود ويكساس الدجاج الطري ،الحليب كلهم مانفعوا وكان معاه الله يكرمكم حاله زي الاسهال ، وجسمه هزل مره لانه ماياخذ اي شي غير يادوب يشرب مويه شويا وبس ، طبعا المدينه اللي انا فيها مافيها بيطري للقطط فاتصلت اليوم عالدكتور وشرحت له الوضع قالي عطه دواء مضاد حيوي اسمه ( اقومنتين ) من صيدليه بشريه ... لكني ماعرف المقاس اللي اعطيه بالبرواز .. فمليت البرواز للاخر ( خمسه ملم ) تقريبا واعطيته كل الجرعه بالتعب والمجاهد يالله اخذها ( وقالي عطه مرتين باليوم الصباح والمساء ) فهل النسبه تكفي .. والا زياده والا ناقصه ..؟؟ + انا قلت للدكتور عيونه احسها عيون التعبان المنهك قالي عطه قطره عيون مطهر مرتين في اليوم فهل القطره تضره والا عادي ..؟ وهل العلاج يصلح لمثل حالاته بانتظاركم الله يخليكم لان القط وضعه محرج للغايه وجزاكم الله كل خير |
رد: ارجوا المساعده القط له خمس ايام ماكل شيء ..!!
انصحك بعياده بيطريه خمس ايام مو شي بسيط يمكن يسبب للجفاف وغيرها من الأمراض
او انتضر( الأخت ناديا ) او الأخت ( دلوعة قطوتي ) بيفدونك اكثر لنهم ماشاالله عليهم خبراء با الحلات هذي انا مقدر اكون سبب في القط حقك الله يشفيه ويقومه بسلامه تحياااتي ألك خمسه ملي << احسها كثيره على القط التوقع من 1مل الى 2 مل |
رد: ارجوا المساعده القط له خمس ايام ماكل شيء ..!!
السلام عليكم ..
اقتباس:
اقتباس:
هو المضاد اسمه (اجمنتين) او ( اقومنتين ) اكتبي اسمه باللغة الاجنبية افضل ... المفروض ما تعطيه الجرعة على كيفك يمكن يسببلوا تسمم المفروض تسالي الطبيب قبل لا تعطيه الجرععة... اقتباس:
هل اعطاك الطبيب قطرة معينه ؟؟ |
رد: ارجوا المساعده القط له خمس ايام ماكل شيء ..!!
وعليكم السلام ورحمه الله وبركاته
الجرعه مره زايده لانو صغيررررر فانتبه انا ماعرف الجرعه بالضبط الخبيره تفيدك لاني مااستعمل العلاجات البشريه بس هو الدوا اللي كرتونه فيه بنفسجي صح؟ لو هو يكون مضاد لو عندك بيتاموكس اعطيه منه والجرعه اقل من نص القطاره بشوي كل 12 ساعه اما الاسهال لازم توقفه ياتاكله طول اليوم مهلبيه بدون سكر ا وسيريلاك بالقمح وقف الحليب والجبن والتونه لانها تزيد الاسهال وضروري يشرب سوائل عشان مايسبب له الاسهال جفاف روح للصيدليه واطل محلول بيبي لايت وشربه كل شوي او اخلطه مع المويه عيونه شي اكيد بما انو تعبان وكمان تاكد من الحراره لاتكون مرتفعه وفيه قطره بروزالين مجرد معقمه وماتضر امسح كل عين بقطنه لحالها وبعدين قطر قطره وحده اما الاكل بعض القطط لما تغير مكانها ماتاكل بس انت حاول تخلط الخلاط بالاكل وتاكلها بالسرينج بما انها تعبانه وابتعد عن الاكل المعلب ولو عندك فيتامين اخلطه مع الاكل او ذوبه بمويه وبالسرينج اعطيها اياه والله يشفيه لك |
رد: ارجوا المساعده القط له خمس ايام ماكل شيء ..!!
الله يعطيكم .. جميعاً ..
دلوعه قطوتي .. العلاج اللي عندي اسمه ( Augmentin ) ، اللي لونه بنفسجي .. ينفع والا لا ..؟؟؟؟؟ والا لازم اللي قلتي عليه ،، ؟؟ وان شاء الله راح اشتري اللبيبي لايت واعمل اللي قلتي عليه وان شاء الله ينفع ويرتاح المشكله ياخوان انا ببالقصيم ( بالرس ) ماعندنا بالرس طبيب بيطري اللي يعرف بعنيزه ياليت ياليت ياليت يقولي علشان اوديه وارتاح القط حالته مره الله يشفيه :( |
رد: ارجوا المساعده القط له خمس ايام ماكل شيء ..!!
اقتباس:
البيتاموكس على اساس انو خاص للقطط ومجربته فاعرف جرعته تلاقيه باي صيدليه بيطريه ان شاءالله اهل القصيم مايقصروا معاك وربي يشفيه لك |
رد: ارجوا المساعده القط له خمس ايام ماكل شيء ..!!
الله يعطيك العافيه اختي دلوعتي قطوتي
... ننتظر الخبيره وان شاء الله تدخل وتساعدنا ..!! وبحاول ادور بالمحلات البيطريه لعلي القى العلاج ..!!!! |
رد: ارجوا المساعده القط له خمس ايام ماكل شيء ..!!
إذا كان القط لم يتلقى جرعة مضادة للديدان فمن الضروري أن تعطى له في هذا العمر ولكن لا أنصح بإعطاءه هذه الجرعة وهو هزيل ولا يتناول الطعام بشكل طبيعي بداية عليك أن تشتري علاج (فلاجيل) - الذي ذكره الأخر هشام البورسعيدي - وهو مطهر معوي للأطفال بعد تحسن حال القط تذهب به لطبيب بيطري ليتلقى جرعة مضادة للديدان ومن عنيزة أنصحك بالدكتور عبدالعزيز في صيدلية المشاكل المعوية من الطبيعي أن تؤدي إلى فقدان الشهية بل حتى عدم تقبل رائحة الطعام لذا عليك بأخذ كمية بسيطة في طرف اصبعك ووضعها في سقف حلق القط ليشعر بطعم الأكل المقدم أما بالنسبة لمشاكل العيون فهناك نوعان من القطرات أياً كان اسم المركب نوع مطهر فقط ونوع مطهر ومضاد حيوي للعيون وهذا ما انصح به وهو موجود لدى الصيدليات البشرية أيضاً |
رد: ارجوا المساعده القط له خمس ايام ماكل شيء ..!!
اقتباس:
اجمنتين: [URL=http://www.2zoo.org]http://www.2zoo.org/get-7-2011-2zoo_org_sj2kl0rm.png[/URL مضاد حيوي من الصيدليه البشريه يعالج الحالات الشديده ولايمكن اعطاء الحوامل او المرضع منه والجرعه على حسب عمر القط. ما سبق لي استعملته وانشاء الله اللي استعملوه يعطوك الجرعة.. وانا انصحك تستعملي بيتاموكس http://www.2zoo.org/get-7-2011-2zoo_org_ls0edv97.png والجرعة اعطتهالك دلوعة.... موفقه |
رد: ارجوا المساعده القط له خمس ايام ماكل شيء ..!!
اخوي هتان ممكن تدلين عالوصف حق الدكتور ..؟؟؟
ثانيا ياخوان وياخوات انا عطيته اقومنتين .. هل ينفع معاه والا لا ؟؟ علشان اعرف هل استمر اعطيه او لا ..؟ عطيته اقومنتين .. وقبل شوي عطيته علاج للجفاف اسمه ( R.O.S ) لان البيبي لايت مقطوع من السوق عندنا فهل ينفع ذا برضوه والا لا ؟؟؟ وطبعا عطيته ثلاثه ملم تقريبا من سيرلاك بالقمح يعني علشان بس بطنه مايبقى فاضي عالاقل بعطيه منه دامه مايضره ان شاء الله تكفون محتاج ردودكم والله القط وده يلعب ويتحرك ( غريزه القطط الصغار ) بس الالم طارحه يتحرك خطوتين ويوقف ويرجع لمكانه وياليت خبيرتا ناديا تسعفنا بردها ان امكن اخوي هتان انتظر منك الصوف تحيتي |
| جميع الأوقات بتوقيت GMT +3. الساعة الآن 03:55 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو