|
أرجو المساعدة
السلام عليكم
اتمنى الجميع وطيوركم بخير لاحظت يا أخوان ان فضلات ميمي أعزكم الله أول مره يطلع فيها اللون الاصفر ومرتين اليوم هل يعني دلاله مرض لاسمح الله ؟ مابي أخذها للطبيب لانه تقريبا كل شهر أخذها وتاخذ علاجات مره برد مره بكتيريا مره مدري شنو بهدلتها بالعلاجات مع انه النشاط والحركة واللعب لم يتغيير ولكنها تقف على قدم وقت الاسترخاء واتوقع الوقوف على قدم شي طبيعي أرجو المساعدة |
رد: أرجو المساعدة
تلفنت للطبيب قالي موضروري يكون دليل مرض يمكن من الذرة الصفراء الي ياكلها
بس وش رايكم؟ مو اول مره ياكل ذره صفرااء اصلا |
رد: أرجو المساعدة
ان شاء الله مايكون فيها الا العافية
انا بعد الطير الي عندي دايم القاه واقف على رجل وحدة مدري ليه و باسلك الذرة الي تاكلينها اياه مطبوخة و الا ناشفة |
رد: أرجو المساعدة
هلا بك اخوي
اي عارفه الوقوف على رجل دليل الاسترخاء احيانا واصلا له سنه ونصف اغلب وقته اذا مايلعب هذه وقفته على رجل والذرة الي أوكله اياها المجمده كنت اسلقها نصف سلق واعطيه الحين بس اخليها بشوي ماي دافي لراحت البروده تخلصت من الماي وعطيته.. |
رد: أرجو المساعدة
انتبهي اختي من الاسهال الاصفر اكرمج الله
لاني طيري الي مات كان اسهاله اصفر بس انتي وقفي عنه الفواكه وعطيه الحب الشمسي بس ولاحظي الخروج |
رد: أرجو المساعدة
الله يعوضك يارب
مشكلة درتي ماتاكل اي نوع من الحبوب اغلب اكلها بسكويت واندومي بدون بهار وذرة صفرا وأعزك الله فضلاتها متماسكة طول اليوم بس مره أو مرتين سائل أصفر ومره سائل أخضر بس وبعده تماسك توقعته من البرتقال لانه اليوم الصبح حطيت لها شريحة برتقال واشوفها تلعب فيه .. والمخرج نظيف وناشف لكن ان تكرر باخذها للطبيب يفحصها أضمن وتسلم على النصيحة |
رد: أرجو المساعدة
انا باخذه الحين للبيطري لانه شي غريب اعزكم الله فضلاته شوي طبيعيه شوي سائله اصفر شوي سائله اخضر وترجع طبيعيه ومن أمس ماعطيه الا ذرة ومكرونة الاندومي بدون بهار وقبلها بيومين معطيته بالمشربيه ثوم وليمون
أكثر اطمئنان باروح للطبيب وأكتب لكم عشان نكسب معرفه وخبره .. ويارب أرجع مطمئنة مع انه عارفه بياخذ عينه وبكره نتيجة المختبر |
رد: أرجو المساعدة
وهذا رجعتي من الطبيب
ان كان هناك من يتابع متصفحتي هذه وقالي مافيه شي من النظره الاولى وفحص عظمة الصدر وقال طبيعي ومو نحيف وكثير ريش جديد مستوي وعطاني فيتاميين عشان يساعد بسرعه نمو الريش وعطااه قطره فيتاميين بفمه وطبعا طلعت من الانف مدري ليه كل ماعطاه حاجة بفمه اطلعت من انفه وبيجلس ميمي الحين يومين مثل المزكم والسبب هالقطرة واخذ عينه من فضلاته أعزكم الله وبكره نتيجة المختبر ونوافيكم بالنتيجة متى ماطلعت تابعوني واكسبوا مغي خبرة على حساب ميمي يارب يارب يكون كل شي طبيعي ويارب هالقطره الي طلعت من انفه ماتضره ولا تتعبه |
| جميع الأوقات بتوقيت GMT +3. الساعة الآن 04:48 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو